లక్ష్మీదేవి ఉండగా, కుబేరుడిని ఎందుకు పూజించాలి
చాలామంది ఒక సందేహం అడుగుతారు. ధనానికి అధిపతి ఎవరు? లక్ష్మీదేవా... లేక కుబేరుడా? దీనికి సమాధానం పురాణాల్లోనే ఉంది.
శ్రీ మహాలక్ష్మీదేవి సంపద, ఐశ్వర్యం, శుభానికి మూలాధారం. అయితే ఆ దివ్య సంపదను సంరక్షించే బాధ్యతను ధనాధిపతి కుబేరుడికి పరమశివుని అనుగ్రహంతో లభించింది. అందుకే కుబేరుడిని "దేవతల ఖజానా అధికారి" అని పిలుస్తారు.
పురాణాల ప్రకారం, లక్ష్మీదేవి కటాక్షం లేకుండా కుబేరుడి వద్ద ఉన్న సంపద కూడా నిలవదు. అలాగే కుబేరుని అనుగ్రహం లేకుండా ఆ సంపద సరైన విధంగా భక్తులకు చేరదని విశ్వసిస్తారు. అందుకే వీరిద్దరినీ కలిసి ఆరాధించే సంప్రదాయం ఏర్పడింది.
అందుకే పెద్దలు..."లక్ష్మీదేవి అనుగ్రహం ఇస్తే... కుబేరుడు ఆ ధనాన్ని మీ ఇంటికి చేరుస్తాడు, అంటారు. ఈ ఇద్దరి అనుగ్రహం కలిగించే "ఓం శ్రీం హ్రీం క్లీం శ్రీం లక్ష్మీ కుబేరాయ నమః" ఈ లక్ష్మీ కుబేర మంత్రంకు విశేషమైన ప్రాధాన్యం ఉంది. ఈ మంత్రాన్ని భక్తిశ్రద్ధలతో జపిస్తే, మహాలక్ష్మీ అనుగ్రహం, కుబేరుడి ధన సంరక్షణ శక్తి రెండూ లభిస్తాయని భక్తుల విశ్వాసం.
ఇంట్లో ఆర్థిక స్థిరత్వం, వ్యాపారాభివృద్ధి, ధనసంపద, శుభం కలగాలని కోరుకునే వారు లక్ష్మీ కుబేరులను కలిసి పూజిస్తూ ఈ మంత్రాన్ని జపిస్తారు.
ఇది కేవలం ధనం కోసం మాత్రమే కాదు... సంపాదించిన ఐశ్వర్యం నిలవాలని, కుటుంబంలో శాంతి, శ్రేయస్సు నెలకొనాలని కూడా ప్రార్థించే దైవిక సాధనగా భావిస్తారు.
కుబేర మంత్రం
No comments:
Post a Comment