Kakaradi Kali Sahasra Nama Stotram - కకారాది కాళీ సహస్ర నామ స్తోత్రం

కకారాది కాళీ సహస్ర నామ స్తోత్రం

కైలాస శిఖరే రమ్యే నానాదేవ గణావృతే
నానా వృక్ష లతా కీర్ణే నానాపుష్పైరలంకృతే ॥ 01 ॥

చతుర్మండల సంయుక్తే శృంగార మండపే స్థితే
సమాధౌ సంస్థితం శాంతం క్రీడంతం యోగినీ ప్రియమ్‌ ॥ 02 ॥

తత్ర మౌనధరం దృష్ట్వా దేవీ పృచ్చతి శంకరమ్‌

దేవ్యువాచ :
కిం త్వయా జప్యతే దేవ కిం త్వయా స్మర్యతే సదా
సృష్టి కుత్ర విలీనాస్తి పునః కుత్ర ప్రజాయతే ॥ 03 ॥

బ్రహ్మాండ కారణం యత్తత్‌ కిమాద్యం కారణం మహత్‌
మనోరథ మయీ సిద్ధిః తథా వాంఛా మయీ శివః ॥ 04 ॥

తృతీయా కల్పనా సిద్ధిః కోటి సిద్ధీశ్వరీ త్వకమ్‌
శక్తిపాతాష్టదశకం చరాచర పురీగతిః ॥ 05 ॥

మహేంద్రజాలమింద్రాది జాలానాం రచనం తథా
అణిమాద్యష్టకం దేవ పరకాయ ప్రవేశనమ్‌ ॥ 06 ॥

నవీన సృష్టి కరణే సముద్ర శోషణ స్తథా
అమాయాం చంద్ర  సందర్శో వా చంద్ర ప్రకాశనమ్‌ ॥ 07 ॥

చంద్రాష్టకం చాష్టదిక్షు తథా సూర్యాష్టకం శివ
జలే జలమయత్వం చ వహ్నో వహ్ని మయత్వకమ్‌ ॥ 08 ॥ 

బ్రహ్మా విష్ణాది నిర్మాణం ఇంద్రాణాం కారణం కరే
పాతాళ గుటికా యక్ష వేతాళ పంచక స్తథా ॥ 09 ॥

రసాయ స్తథా గుప్తి స్తథైవ చాఖిలాంజనమ్‌
మహా మధుమతీ సిద్ధిః తథా పద్మావతీ శివ ॥ 10 ॥

తథా భోగవతీ సిద్ధిః యావత్యస్సంతి సిద్ధయః
కేన యంత్రేణ తపసా కలౌ పాప సమాకులే ॥ 11 ॥

ఆయుష్యం పుణ్య రహితే కథం భవతి తద్వద.

శివ ఉవాచ :
వినా మంత్రం వినా స్తోత్రం వినైన తపసాప్రియే
వినా బలిం వినా న్యాసం భూతశుద్ధిం వినాప్రియే ॥ 12 ॥

వినా ధ్యానం వినా యంత్రం వినా పూజాదినా ప్రియే
వినా క్లేశాదిభిర్దేవి దేహ దుఃఖాదిభి ర్వినా ॥ 13 ॥

సిద్ధి దా శుభ వేద్యేన తదేవం కథ్యతే మయా
శూన్యే బ్రహ్మాండ గోళేతు పంచాశచ్చూన్య మధ్యకే ॥ 14 ॥

పంచశూన్య స్థితా తారా సర్వాంతే కాళికా స్మృతా
అనంత కోటి బ్రహ్మాండ రాజదంతాగ్రకే శివే ॥ 15 ॥

స్థాప్య శూన్యాలయం కృత్వా కృష్ణ వర్ణం విధాయచ
మహా నిర్గుణ రూపాచ వాచాతీతా పరాకలా ॥ 16 ॥

క్రీడాయాం సంస్థితా దేవి శూన్యరూపా ప్రకల్పయేత్‌
సృష్టేరారంభ కార్యేతు దృష్ట్వా చాయతయా యదా ॥ 17 ॥

ఇచ్చా శక్తిస్తు సా జాతా తయా కాలో వినిర్మితః
ప్రతిబింబం తత్ర దృష్ట జ్ఞాతాజ్ఞాతాభిధాతు సా ॥ 18 ॥

ఇదమే తత్కింవిశిష్టం జాతాం విజ్ఞానకం ముదా
తదా క్రియాభిధాజాతా తద్దీక్షాతో మహే హేశ్వరీ ॥ 19 ॥

బ్రహ్మాండగోలే దేవేశి రాజ దంతస్థితం చ యత్‌
సా క్రియా స్థాపయామాస స్వ స్వస్థాన క్రమేణ చ ॥ 20 ॥

తత్రైవ స్వేచ్చయా దేవి సామరస్యపరాయణా
తదిచ్చా కథ్యతే దేవి యధావదవధారయ ॥ 21 ॥

యుగాది సమయే దేవి శివం పరగుణోత్తమమ్‌
తదిచ్చా నిర్గుణం శాంతం సచ్చిదానంద విగ్రహమ్‌ ॥ 22 ॥

శాశ్వతం సుందరం శుక్లం సర్వ దేవయుతం వరం
ఆదినాథం గుణాతీతం కాళ్యా సంయుత మీశ్వరమ్‌ ॥ 23 ॥

విపరీతరతం దేవం సామరస్య పరాయణం
పూజార్థ మాగతం దేవగంధర్వాప్సరసాంగణమ్‌ ॥ 24 ॥

యక్షిణీ కిన్నరీ మాన్యాం ఊర్వశ్యాద్యాం తిలోత్తమాం
వీక్ష్యతం మాయయా ప్రాహ సుందరీ ప్రాణవల్లభా ॥ 25 ॥

త్రైలోక్య సుందరీ ప్రాణస్వామినీ ప్రాణరంజినీ
కిమాగతం భవత్యాద్యం అమ భాగ్యార్ణ వో మహాన్‌ ॥ 26 ॥

ఉక్త్వా మౌనధరం శంభూన్‌ పూజయన్త్య ప్సరోగణాః.

అప్పరస ఉవాచ :-
సంసారాత్తారితా న్దేవ త్వయా విశ్వ జన ప్రియా
సృష్టే రారంభ కార్యార్థం ఉద్యుక్తోహి మహాప్రభో ॥ 27 ॥

వేశ్యా కృత్య మిదం దేవ మంగలార్థ ప్రగాయనమ్‌
ప్రయాణోత్సవ కాలేతు సమారంభే ప్రగాయనమ్‌ ॥ 28 ॥

గుణాద్యారంభ కాలోహి వర్తతే శివశంకర
ఇంద్రాణీ కోటయః సంతి తస్యాః ప్రసవ బిందుతః ॥ 29 ॥

బ్రహ్మాణీ వైష్ణవీ చైవ మాహేశీ కోటి కోటయః
తవసామర సానంద దర్శనార్ధం సముద్భవాః ॥ 30 ॥

సంజాతాశ్చాగ్రతో దేవ చాస్మాకం సౌర్వ్య సాగరః
రతిం హిత్వా కామినీనాం నాన్యత్సౌర్వ్యం మహేశ్వర ॥ 31 ॥

సారతిర్దశ్యతే స్మాభిః మహత్సౌర్వ్యార్థ కారికా
ఏవమేతత్తు చాస్మాభిః కర్తవ్యం భర్తృణా సహ ॥ 32 ॥

ఏవం శ్రుత్వా మహాదేవో ధ్యానావస్థిత మానసః
ధ్యానం హిత్వా మాయ యాతు ప్రోవాచ కాలికం ప్రతి ॥ 33 ॥

కాలి కాలి రుండమాలే ప్రియే భైరవ వాదిని
శివారూపధారే క్రూరే ఘోర దంష్ట్రే భయానకే ॥ 34 ॥

త్రైలోక్య సుందరకరీ సుందర్యః సంతి మేగ్రతః
సుందరీ వీక్షణం కర్మ కురు కాలి ప్రియేశివే ॥ 35 ॥

ధ్యానం ముంచ మహాదేవి తాగచ్చన్తి గృహం ప్రతి
తవ రూపం మహాకాళీ మహాకాళ ప్రియంకరీమ్‌ ॥ 36 ॥

ఏతాసాం సుందరం రూపం త్రైలోక్య ప్రియ కారకమ్‌
ఏవం మాయా ప్రభావిష్ణో మహాకాలో వదన్నితి ॥ 37 ॥

ఇతి కాలవచః శ్రుత్వా కాలం ప్రాహచ కాలికా
మాయాయాచ్చాద్య చాత్మానం నిజస్త్రీ రూపధారిణీ ॥ 38 ॥

ఇతః ప్రభృతి స్త్రీమాత్రం భవిష్యతి యుగే యుగే
వల్ల్యాద్యౌషధయో దేవి దివా వల్లీస్వరూపతామ్‌ ॥ 39 ॥

రాత్రౌ స్త్రీరూపా మాసాద్య రతికేలిః పరస్పరమ్‌
అజ్ఞానం చైవ సర్వేషాం భవిష్యతి యుగే యుగే ॥ 40 ॥

ఏవం శాపం చ దత్వాతు పునః ప్రోవాచ కాళికా
విపరీత రతిం కృత్వా చింతయంతి భజంతి యే ॥ 41 ॥

తేషాం వరం ప్రదాస్యామి నిత్యం తత్ర వసామ్యహం
ఇత్యుక్త్వా కాళికా విద్యా తత్రైవాన్త రధీయత ॥ 42 ॥

త్రింశత్రిఖర్వషడ్‌ వృందన వత్యర్భుదకోటయః
దర్శనార్థం తపస్తేపే సావైకుత్ర గతా ప్రియా ॥ 43 ॥

మమ ప్రాణప్రియా దేవీ హాహా ప్రాణప్రియే శివే
కింకరోమి క్వ గచ్చామి ఇత్యేవం భ్రమ సంకులః ॥ 44 ॥

తస్యాః కాల్యా దయాజాతా మమ చింతా పరః శివః
యంత్ర ప్రస్తార బుద్ధిస్తు కాల్యాదత్తాతిసత్వరమ్‌ ॥ 45 ॥

యంత్ర యాదంతదారభ్య పూర్వం బిందుత్వ గోచరమ్‌
శ్రీ చక్రం యంత్ర ప్రస్తార రచనాభ్యాస తత్పరః ॥ 46 ॥

ఇతస్తతో బ్రామ్యమాణః త్రైలోక్యం చక్ర మధ్యకమ్‌
చక్రపారం దర్శనార్థం కోట్యర్భుదయుగం గతమ్‌ ॥ 47 ॥

భక్త ప్రాణప్రియా దేవీ మహా శ్రీచక్ర నాయికా
తంత్ర బిన్దౌ పరం రూపం సుందరమ్‌ సుమనోహర ॥ 48 ॥

రూప జ్ఞాతం మహేశాని జాగ్ర త్రిపురసుందరి
రూపం దృష్ట్యా మహాదేవో రాజరాజేశ్వరో భవత్‌ ॥ 49 ॥

తస్యాః కటాక్ష మాత్రేణ తస్యారూప ధరః శివః
వినా శృంగార సంయుక్తా తదా జాతా మహేశ్వరి ॥ 50 ॥

వినా కాల్యంశతో దేవి జగత్థావర జంగమమ్‌
న శృంగారో న శక్తిత్వం క్యాపి నాస్తి మహేశ్వరి ॥ 51 ॥

సుందర్యా ప్రార్థితా కాళీ తుష్టా ప్రోవాచ కాలికా
సర్వాసాంనేత్ర కేశే చ మమాంశోత్ర భవిష్యతి॥ 52 ॥

పూర్వావస్థాసు దేవేశి మమాంశోత్ర భవిష్యతి
సావస్థా తరుణార్వ్యాతు తదంతే నైవ విష్ఠతి ॥ 53 ॥

మద్భక్తానాం మహేశాని సదా తిష్ఠతి నిశ్చితమ్‌
శక్తిస్తు కుంఠితా జాతా తథా రూపం న సుందరం ॥ 54 ॥

చింతావిష్టాతు మవినా జాతా తత్రతు సుందరీ
క్షణం స్థిత్వా ధ్యాన పరాకాళీ చింతన తత్పరా ॥ 55 ॥

తదా కాళీ ప్రసన్నాభూత్‌ క్షణార్థేన మహేశ్వరి
వరం బ్రూహి వరం బ్రూహి వరం బ్రూహీతి సాదరమ్‌ ॥ 56 ॥

సుందర్యు వాచ :
మమ సిద్ధి వరందేహి వరోయం ప్రార్థతే మయా
తాదృగుపాయం కథయ యేన శక్తిర్భవిష్యతి ॥ 57 ॥

శ్రీకాళీ ఉవాచ:
మమ నామ సహస్రంచ మయాపూర్వం వినిర్మితం
మత్స్యరూపం కకారాద్యం మహాసామ్రాజ్య నామకం ॥ 58 ॥

వరదానాభిధం నామ క్షణార్ధా ద్వరదాయకం
తత్పఠస్వ మహామాయే తపశ్శక్తి ర్భవిష్యతి ॥ 59 ॥

తతః ప్రభృతి శ్రీవిద్యా తన్నామ పాఠ తత్పరా
తదేవ నామ సాహస్రం సుందరీ శక్తి దాయకమ్‌ ॥ 60 ॥

కథ్యతే నామ సాహస్రం సావధానమనాః శ్రుణు
సర్వ సామ్రాజ్య మేధార్వ్య నామ సహస్రకస్యచ ॥ 61 ॥

మహాకాల బుషిః ప్రోక్త ఉష్ణిక్‌ ఛందః ప్రకీర్తితమ్‌
దేవతా దక్షిణా కాళీ  మాయా బీజం ప్రకీర్తితమ్‌ ॥ 62 ॥

హూం శక్తిః కాలికా బీజం కీలకం పరికీర్తితమ్‌
ధ్యానం చ పూర్వవ త్కృత్వా సాధయ స్వేష్ట సాధనం ॥ 63 ॥

కాలికా వనదానాది స్వేష్టా ర్ధేవి నియోగతః
కీలకేన షడంగాని షడ్‌దీర్ఘాబ్జేన కారయేత్‌ ॥ 64 ॥

అస్య శ్రీసర్వసామ్రాజ్య మేధాకాళీస్వరూప 

కకారాత్మక సహస్రనామస్తోత్ర మంత్రస్య 

మహాకాల ఋషిః అనుష్టుప్ ఛందః 

శ్రీదక్షిణ మహాకాళీ దేవతా 

హ్రీం బీజం హూం శక్తిః క్రీం కీలకం 

కాళీవరదానాద్యఖిలేష్టార్థే పాఠే వినియోగః ।

ఋష్యాదిన్యాసః 

ఓం మహాకాల ఋషయే నమః శిరసి ।

అనుష్టుప్ ఛందసే నమః ముఖే ।

శ్రీ దక్షిణ మహాకాళీ దేవతాయై నమః హృదయే ।

హ్రీం బీజాయ నమః గుహ్యే ।

హూం శక్తయే నమః పాదయోః ।

క్రీం కీలకాయ నమో నాభౌ ।

వినియోగాయ నమః సర్వాంగే ।

కరన్యాసః 

ఓం క్రాం అంగుష్ఠాభ్యాం నమః ।

ఓం క్రీం తర్జనీభ్యాం నమః ।

ఓం క్రూం మధ్యమాభ్యాం నమః ।

ఓం క్రైం అనామికాభ్యాం నమః ।

ఓం క్రౌం కనిష్ఠికాభ్యాం నమః ।

ఓం క్రః కరతలకరపృష్ఠాభ్యాం నమః ।

హృదయాది న్యాసః 

ఓం క్రాం హృదయాయ నమః ।

ఓం క్రీం శిరసే స్వాహా ।

ఓం క్రూం శిఖాయై వషట్ ।

ఓం క్రైం కవచాయ హుమ్ ।

ఓం క్రౌం నేత్రత్రయాయ వౌషట్ ।

ఓం క్రః అస్త్రాయ ఫట్ ।

అథ ధ్యానమ్

కరాళవదనాం ఘోరాం ముక్తకేశీం చతుర్భుజామ్ ।

కాళికాం దక్షిణాం దివ్యాం ముండమాలావిభూషితామ్ ॥ 01 ॥

సద్యశ్ఛిన్నశిరః ఖడ్గవామోర్ధ్వాధః కరాంబుజామ్ ।

అభయం వరదం చైవ దక్షిణాధోర్ధ్వపాణికామ్ ॥ 02 ॥

మహామేఘప్రభాం శ్యామాం తథా చైవ దిగంబరామ్ ।

కంఠావసక్తముండాలీగలద్రుధిరచర్చితామ్ ॥ 03 ॥

కర్ణావతంసతానీత శవయుగ్మభయానకామ్ ।

ఘోరదంష్ట్రాకరాళాస్యాం పీనోన్నతపయోధరామ్ ॥ 04 ॥

శవానాం కరసంఘాతైః కృతకాంచీం హసన్ముఖీమ్ ।

సృక్కాద్వయగలద్రక్తధారావిస్ఫురితాననామ్ ॥ 05 ॥

ఘోరరూపాం మహారౌద్రీం శ్మశానాలయవాసినీమ్ ।

దంతురాం దక్షిణవ్యాపిముక్తలంబకచోచ్చయామ్ ॥ 06 ॥

శవరూపమహాదేవహృదయోపరి సంస్థితామ్ ।

శివాభిర్ఘోరరూపాభిశ్చతుర్దిక్షు సమన్వితామ్ ॥ 07 ॥

మహాకాలేన సార్ధోర్ధముపవిష్టరతాతురామ్ ।

సుఖప్రసన్నవదనాం స్మేరాననసరోరుహామ్ ।

ఏవం సంచింతయేద్దేవీం శ్మశానాలయవాసినీమ్ ॥ 08 ॥

అథ స్తోత్రమ్

ఓం క్రీం కాళీ క్రూం కరాళీ చ కళ్యాణీ కమలా కళా ।

కళావతీ కళాఢ్యా చ కళాపూజ్యా కళాత్మికా ॥ 01 ॥

కళాదృష్టా కళాపుష్టా కళామస్తా కళాకరా ।

కళాకోటిసమాభాసా కళాకోటిప్రపూజితా ॥ 02 ॥

కళాకర్మ కళాధారా కళాపారా కళాగమా ।

కళాధారా కమలినీ కకారా కరుణా కవిః ॥ 03 ॥

కకారవర్ణసర్వాంగీ కళాకోటిప్రభూషితా ।

కకారకోటిగుణితా కకారకోటిభూషణా ॥ 04 ॥

కకారవర్ణహృదయా కకారమనుమండితా ।

కకారవర్ణనిలయా కకశబ్దపరాయణా ॥ 05 ॥

కకారవర్ణముకుటా కకారవర్ణభూషణా ।

కకారవర్ణరూపా చ కాకశబ్దపరాయణా ॥ 06 ॥

కవీరాస్ఫాలనరతా కమలాకరపూజితా ।

కమలాకరనాథా చ కమలాకరరూపధృక్ ॥ 07 ॥

కమలాకరసిద్ధిస్థా కమలాకరపారదా ।

కమలాకరమధ్యస్థా కమలాకరతోషితా ॥ 08 ॥

కథంకారపరాలాపా కథంకారపరాయణా ।

కథంకారపదాంతస్థా కథంకారపదార్థభూః ॥ 09 ॥

కమలాక్షీ కమలజా కమలాక్షప్రపూజితా ।

కమలాక్షవరోద్యుక్తా కకారా కర్బురాక్షరా ॥ 10 ॥

కరతారా కరచ్ఛిన్నా కరశ్యామా కరార్ణవా ।

కరపూజ్యా కరరతా కరదా కరపూజితా ॥ 11 ॥

కరతోయా కరామర్షా కర్మనాశా కరప్రియా ।

కరప్రాణా కరకజా కరకా కరకాంతరా ॥ 12 ॥

కరకాచలరూపా చ కరకాచలశోభినీ ।

కరకాచలపుత్రీ చ కరకాచలతోషితా ॥ 13 ॥

కరకాచలగేహస్థా కరకాచలరక్షిణీ ।

కరకాచలసమ్మాన్యా కరకాచలకారిణీ ॥ 14 ॥

కరకాచలవర్షాఢ్యా కరకాచలరంజితా ।

కరకాచలకాంతారా కరకాచలమాలినీ ॥ 15 ॥

కరకాచలభోజ్యా చ కరకాచలరూపిణీ ।

కరామలకసంస్థా చ కరామలకసిద్ధిదా ॥ 16 ॥

కరామలకసంపూజ్యా కరామలకతారిణీ ।

కరామలకకాళీ చ కరామలకరోచినీ ॥ 17 ॥

కరామలకమాతా చ కరామలకసేవినీ ।

కరామలకబద్ధ్యేయా కరామలకదాయినీ ॥ 18 ॥

కంజనేత్రా కంజగతిః కంజస్థా కంజధారిణీ ।

కంజమాలాప్రియకరీ కంజరూపా చ కంజజా ॥ 19 ॥

కంజజాతిః కంజగతిః కంజహోమపరాయణా ।

కంజమండలమధ్యస్థా కంజాభరణభూషితా ॥ 20 ॥

కంజసమ్మాననిరతా కంజోత్పత్తిపరాయణా ।

కంజరాశిసమాకారా కంజారణ్యనివాసినీ ॥ 21 ॥

కరంజవృక్షమధ్యస్థా కరంజవృక్షవాసినీ ।

కరంజఫలభూషాఢ్యా కరంజవనవాసినీ ॥ 22 ॥

కరంజమాలాభరణా కరవాలపరాయణా ।

కరవాలప్రహృష్టాత్మా కరవాలప్రియాగతిః ॥ 23 ॥

కరవాలప్రియాకంథా కరవాలవిహారిణీ ।

కరవాలమయీ కర్మా కరవాలప్రియంకరీ ॥ 24 ॥

కబంధమాలాభరణా కబంధరాశిమధ్యగా ।

కబంధకూటసంస్థానా కబంధానంతభూషణా ॥ 25 ॥

కబంధనాదసంతుష్టా కబంధాసనధారిణీ ।

కబంధగృహమధ్యస్థా కబంధవనవాసినీ ॥ 26 ॥

కబంధకాంచీకరణీ కబంధరాశిభూషణా ।

కబంధమాలాజయదా కబంధదేహవాసినీ ॥ 27 ॥

కబంధాసనమాన్యా చ కపాలమాల్యధారిణీ ।

కపాలమాలామధ్యస్థా కపాలవ్రతతోషితా ॥ 28 ॥

కపాలదీపసంతుష్టా కపాలదీపరూపిణీ ।

కపాలదీపవరదా కపాలకజ్జలస్థితా ॥ 29 ॥

కపాలమాలాజయదా కపాలజపతోషిణీ ।

కపాలసిద్ధిసంహృష్టా కపాలభోజనోద్యతా ॥ 30 ॥

కపాలవ్రతసంస్థానా కపాలకమలాలయా ।

కవిత్వామృతసారా చ కవిత్వామృతసాగరా ॥ 31 ॥

కవిత్వసిద్ధిసంహృష్టా కవిత్వాదానకారిణీ ।

కవిపూజ్యా కవిగతిః కవిరూపా కవిప్రియా ॥ 32 ॥

కవిబ్రహ్మానందరూపా కవిత్వవ్రతతోషితా ।

కవిమానససంస్థానా కవివాంఛాప్రపూరణీ ॥ 33 ॥

కవికంఠస్థితా కం హ్రీం కంకంకం కవిపూర్తిదా ।

కజ్జలా కజ్జలాదానమానసా కజ్జలప్రియా ॥ 34 ॥

కపాలకజ్జలసమా కజ్జలేశప్రపూజితా ।

కజ్జలార్ణవమధ్యస్థా కజ్జలానందరూపిణీ ॥ 35 ॥

కజ్జలప్రియసంతుష్టా కజ్జలప్రియతోషిణీ ।

కపాలమాలాభరణా కపాలకరభూషణా ॥ 36 ॥

కపాలకరభూషాఢ్యా కపాలచక్రమండితా ।

కపాలకోటినిలయా కపాలదుర్గకారిణీ ॥ 37 ॥

కపాలగిరిసంస్థానా కపాలచక్రవాసినీ ।

కపాలపాత్రసంతుష్టా కపాలార్ఘ్యపరాయణా ॥ 38 ॥

కపాలార్ఘ్యప్రియప్రాణా కపాలార్ఘ్యవరప్రదా ।

కపాలచక్రరూపా చ కపాలరూపమాత్రగా ॥ 39 ॥

కదళీ కదళీరూపా కదళీవనవాసినీ ।

కదళీపుష్పసంప్రీతా కదళీఫలమానసా ॥ 40 ॥

కదళీహోమసంతుష్టా కదళీదర్శనోద్యతా ।

కదళీగర్భమధ్యస్థా కదళీవనసుందరీ ॥ 41 ॥

కదంబపుష్పనిలయా కదంబవనమధ్యగా ।

కదంబకుసుమామోదా కదంబవనతోషిణీ ॥ 42 ॥

కదంబపుష్పసంపూజ్యా కదంబపుష్పహోమదా ।

కదంబపుష్పమధ్యస్థా కదంబఫలభోజినీ ॥ 43 ॥

కదంబకాననాంతఃస్థా కదంబాచలవాసినీ ।

కక్షపా కక్షపారాధ్యా కక్షపాసనసంస్థితా ॥ 44 ॥

కర్ణపూరా కర్ణనాసా కర్ణాఢ్యా కాలభైరవీ ।

కళప్రీతా కలహదా కలహా కలహాతురా ॥ 45 ॥

కర్ణయక్షీ కర్ణవార్తా కథినీ కర్ణసుందరీ ।

కర్ణపిశాచినీ కర్ణమంజరీ కవికక్షదా ॥ 46 ॥

కవికక్షవిరూపాఢ్యా కవికక్షస్వరూపిణీ ।

కస్తూరీమృగసంస్థానా కస్తూరీమృగరూపిణీ ॥ 47 ॥

కస్తూరీమృగసంతోషా కస్తూరీమృగమధ్యగా ।

కస్తూరీరసనీలాంగీ కస్తూరీగంధతోషితా ॥ 48 ॥

కస్తూరీపూజకప్రాణా కస్తూరీపూజకప్రియా ।

కస్తూరీప్రేమసంతుష్టా కస్తూరీప్రాణధారిణీ ॥ 49 ॥

కస్తూరీపూజకానందా కస్తూరీగంధరూపిణీ ।

కస్తూరీమాలికారూపా కస్తూరీభోజనప్రియా ॥ 50 ॥

కస్తూరీతిలకానందా కస్తూరీతిలకప్రియా ।

కస్తూరీహోమసంతుష్టా కస్తూరీతర్పణోద్యతా ॥ 51 ॥

కస్తూరీమార్జనోద్యుక్తా కస్తూరీచక్రపూజితా ।

కస్తూరీపుష్పసంపూజ్యా కస్తూరీచర్వణోద్యతా ॥ 52 ॥

కస్తూరీగర్భమధ్యస్థా కస్తూరీవస్త్రధారిణీ ।

కస్తూరికామోదరతా కస్తూరీవనవాసినీ ॥ 53 ॥

కస్తూరీవనసంరక్షా కస్తూరీప్రేమధారిణీ ।

కస్తూరీశక్తినిలయా కస్తూరీశక్తికుండగా ॥ 54 ॥

కస్తూరీకుండసంస్నాతా కస్తూరీకుండమజ్జనా ।

కస్తూరీజీవసంతుష్టా కస్తూరీజీవధారిణీ ॥ 55 ॥

కస్తూరీపరమామోదా కస్తూరీజీవనక్షమా ।

కస్తూరీజాతిభావస్థా కస్తూరీగంధచుంబనా ॥ 56 ॥

కస్తూరీగంధసంశోభావిరాజితకపాలభూః ।

కస్తూరీమదనాంతఃస్థా కస్తూరీమదహర్షదా ॥ 57 ॥

కస్తూరీకవితానాఢ్యా కస్తూరీగృహమధ్యగా ।

కస్తూరీస్పర్శకప్రాణా కస్తూరీనిందకాంతకా ॥ 58 ॥

కస్తూర్యామోదరసికా కస్తూరీక్రీడనోద్యతా ।

కస్తూరీదాననిరతా కస్తూరీవరదాయినీ ॥ 59 ॥

కస్తూరీస్థాపనాసక్తా కస్తూరీస్థానరంజినీ ।

కస్తూరీకుశలప్రాణా కస్తూరీస్తుతివందితా ॥ 60 ॥

కస్తూరీవందకారాధ్యా కస్తూరీస్థానవాసినీ ।

కహరూపా కహాఢ్యా చ కహానందా కహాత్మభూః ॥ 61 ॥

కహపూజ్యా కహాత్యాఖ్యా కహహేయా కహాత్మికా ।

కహమాలాకంఠభూషా కహమంత్రజపోద్యతా ॥ 62 ॥

కహనామస్మృతిపరా కహనామపరాయణా ।

కహపారాయణరతా కహదేవీ కహేశ్వరీ ॥ 63 ॥

కహహేతు కహానందా కహనాదపరాయణా ।

కహమాతా కహాంతఃస్థా కహమంత్రా కహేశ్వరీ ॥ 64 ॥

కహగేయా కహారాధ్యా కహధ్యానపరాయణా ।

కహతంత్రా కహకహా కహచర్యాపరాయణా ॥ 65 ॥

కహాచారా కహగతిః కహతాండవకారిణీ ।

కహారణ్యా కహరతిః కహశక్తిపరాయణా ॥ 66 ॥

కహరాజ్యనతా కర్మసాక్షిణీ కర్మసుందరీ ।

కర్మవిద్యా కర్మగతిః కర్మతంత్రపరాయణా ॥ 67 ॥

కర్మమాత్రా కర్మగాత్రా కర్మధర్మపరాయణా ।

కర్మరేఖానాశకర్త్రీ కర్మరేఖావినోదినీ ॥ 68 ॥

కర్మరేఖామోహకరీ కర్మకీర్తిపరాయణా ।

కర్మవిద్యా కర్మసారా కర్మాధారా చ కర్మభూః ॥ 69 ॥

కర్మకారీ కర్మహారీ కర్మకౌతుకసుందరీ ।

కర్మకాళీ కర్మతారా కర్మచ్ఛిన్నా చ కర్మదా ॥ 70 ॥

కర్మచాండాలినీ కర్మవేదమాతా చ కర్మభూః ।

కర్మకాండరతానంతా కర్మకాండానుమానితా ॥ 71 ॥

కర్మకాండపరీణాహా కమఠీ కమఠాకృతిః ।

కమఠారాధ్యహృదయా కమఠాకంఠసుందరీ ॥ 72 ॥

కమఠాసనసంసేవ్యా కమఠీ కర్మతత్పరా ।

కరుణాకరకాంతా చ కరుణాకరవందితా ॥ 73 ॥

కఠోరకరమాలా చ కఠోరకుచధారిణీ ।

కపర్దినీ కపటినీ కఠినా కంకభూషణా ॥ 74 ॥

కరభోరూః కఠినదా కరభా కరభాలయా ।

కలభాషామయీ కల్పా కల్పనా కల్పదాయినీ ॥ 75 ॥

కమలస్థా కళామాలా కమలాస్యా క్వణత్ప్రభా ।

కకుద్మినీ కష్టవతీ కరణీయకథార్చితా ॥ 76 ॥

కచార్చితా కచతనుః కచసుందరధారిణీ ।

కఠోరకుచసంలగ్నా కటిసూత్రవిరాజితా ॥ 77 ॥

కర్ణభక్షప్రియా కందా కథా కందగతిః కలిః ।

కలిఘ్నీ కలిదూతీ చ కవినాయకపూజితా ॥ 78 ॥

కణకక్షానియంత్రీ చ కశ్చిత్కవివరార్చితా ।

కర్త్రీ చ కర్తృకాభూషా కారిణీ కర్ణశత్రుపా ॥ 79 ॥

కరణేశీ కరణపా కలవాచా కళానిధిః ।

కలనా కలనాధారా కారికా కరకా కరా ॥ 80 ॥

కలజ్ఞేయా కర్కరాశిః కర్కరాశిప్రపూజితా ।

కన్యారాశిః కన్యకా చ కన్యకాప్రియభాషిణీ ॥ 81 ॥

కన్యకాదానసంతుష్టా కన్యకాదానతోషిణీ ।

కన్యాదానకరానందా కన్యాదానగ్రహేష్టదా ॥ 82 ॥

కర్షణా కక్షదహనా కామితా కమలాసనా ।

కరమాలానందకర్త్రీ కరమాలాప్రతోషితా ॥ 83 ॥

కరమాలాశయానందా కరమాలాసమాగమా ।

కరమాలాసిద్ధిదాత్రీ కరమాలాకరప్రియా ॥ 84 ॥

కరప్రియా కరరతా కరదానపరాయణా ।

కళానందా కలిగతిః కలిపూజ్యా కలిప్రసూః ॥ 85 ॥

కలనాదనినాదస్థా కలనాదవరప్రదా ।

కలనాదసమాజస్థా కహోలా చ కహోలదా ॥ 86 ॥

కహోలగేహమధ్యస్థా కహోలవరదాయినీ ।

కహోలకవితాధారా కహోలృషిమానితా ॥ 87 ॥

కహోలమానసారాధ్యా కహోలవాక్యకారిణీ ।

కర్తృరూపా కర్తృమయీ కర్తృమాతా చ కర్తరీ ॥ 88 ॥

కనీయా కనకారాధ్యా కనీనకమయీ తథా ।

కనీయానందనిలయా కనకానందతోషితా ॥ 89 ॥

కనీయకకరా కాష్ఠా కథార్ణవకరీ కరీ ।

కరిగమ్యా కరిగతిః కరిధ్వజపరాయణా ॥ 90 ॥

కరినాథప్రియా కంఠా కథానకప్రతోషితా ।

కమనీయా కమనకా కమనీయవిభూషణా ॥ 91 ॥

కమనీయసమాజస్థా కమనీయవ్రతప్రియా ।

కమనీయగుణారాధ్యా కపిలా కపిలేశ్వరీ ॥ 92 ॥

కపిలారాధ్యహృదయా కపిలాప్రియవాదినీ ।

కహచక్రమంత్రవర్ణా కహచక్రప్రసూనకా ॥ 93 ॥

కేఈలహ్రీంస్వరూపా చ కేఈలహ్రీంవరప్రదా ।

కేఈలహ్రీంసిద్ధిదాత్రీ కేఈలహ్రీంస్వరూపిణీ ॥ 94 ॥

కేఈలహ్రీంమంత్రవర్ణా కేఈలహ్రీంప్రసూకలా ।

కేవర్గా కపాటస్థా కపాటోద్ఘాటనక్షమా ॥ 95 ॥

కంకాళీ చ కపాలీ చ కంకాళప్రియభాషిణీ ।

కంకాళభైరవారాధ్యా కంకాళమానసంస్థితా ॥ 96 ॥

కంకాళమోహనిరతా కంకాళమోహదాయినీ ।

కలుషఘ్నీ కలుషహా కలుషార్తివినాశినీ ॥ 97 ॥

కలిపుష్పా కలాదానా కశిపుః కశ్యపార్చితా ।

కశ్యపా కశ్యపారాధ్యా కలిపూర్ణకలేవరా ॥ 98 ॥

కలేవరకరీ కాంచీ కవర్గా చ కరాళకా ।

కరాళభైరవారాధ్యా కరాళభైరవేశ్వరీ ॥ 99 ॥

కరాళా కలనాధారా కపర్దీశవరప్రదా ।

కపర్దీశప్రేమలతా కపర్దిమాలికాయుతా ॥ 100 ॥

కపర్దిజపమాలాఢ్యా కరవీరప్రసూనదా ।

కరవీరప్రియప్రాణా కరవీరప్రపూజితా ॥ 101 ॥

కర్ణికారసమాకారా కర్ణికారప్రపూజితా ।

కరీషాగ్నిస్థితా కర్షా కర్షమాత్రసువర్ణదా ॥ 102 ॥

కలశా కలశారాధ్యా కషాయా కరిగానదా ।

కపిలా కలకంఠీ చ కలికల్పలతా మతా ॥ 103 ॥

కల్పమాతా కల్పలతా కల్పకారీ చ కల్పభూః ।

కర్పూరామోదరుచిరా కర్పూరామోదధారిణీ ॥ 104 ॥

కర్పూరమాలాభరణా కర్పూరవాసపూర్తిదా ।

కర్పూరమాలాజయదా కర్పూరార్ణవమధ్యగా ॥ 105 ॥

కర్పూరతర్పణరతా కటకాంబరధారిణీ ।

కపటేశ్వవరసంపూజ్యా కపటేశ్వరరూపిణీ ॥ 106 ॥

కటుః కపిధ్వజారాధ్యా కలాపపుష్పధారిణీ ।

కలాపపుష్పరుచిరా కలాపపుష్పపూజితా ॥ 107 ॥

క్రకచా క్రకచారాధ్యా కథంబ్రూమా కరాలతా ।

కథంకారవినిర్ముక్తా కాళీ కాలక్రియా క్రతుః ॥ 108 ॥

కామినీ కామినీపూజ్యా కామినీపుష్పధారిణీ ।

కామినీపుష్పనిలయా కామినీపుష్పపూర్ణిమా ॥ 109 ॥

కామినీపుష్పపూజార్హా కామినీపుష్పభూషణా ।

కామినీపుష్పతిలకా కామినీకుండచుంబనా ॥ 110 ॥

కామినీయోగసంతుష్టా కామినీయోగభోగదా ।

కామినీకుండసమ్మగ్నా కామినీకుండమధ్యగా ॥ 111 ॥

కామినీమానసారాధ్యా కామినీమానతోషితా ।

కామినీమానసంచారా కాళికా కాలకాళికా ॥ 112 ॥

కామా చ కామదేవీ చ కామేశీ కామసంభవా ।

కామభావా కామరతా కామార్తా కామమంజరీ ॥ 113 ॥

కామమంజీరరణితా కామదేవప్రియాంతరా ।

కామకాళీ కామకళా కాళికా కమలార్చితా ॥ 114 ॥

కాదికా కమలా కాళీ కాలానలసమప్రభా ।

కల్పాంతదహనా కాంతా కాంతారప్రియవాసినీ ॥ 115 ॥

కాలపూజ్యా కాలరతా కాలమాతా చ కాళినీ ।

కాలవీరా కాలఘోరా కాలసిద్ధా చ కాలదా ॥ 116 ॥

కాలాంజనసమాకారా కాలంజరనివాసినీ ।

కాలృద్ధిః కాలవృద్ధిః కారాగృహవిమోచినీ ॥ 117 ॥

కాదివిద్యా కాదిమాతా కాదిస్థా కాదిసుందరీ ।

కాశీ కాంచీ చ కాంచీశా కాశీశవరదాయినీ ॥ 118 ॥

క్రీంబీజా చైవ క్రీం బీజహృదయాయ నమః స్మృతా ।

కామ్యా కామ్యగతిః కామ్యసిద్ధిదాత్రీ చ కామభూః ॥ 119 ॥

కామాఖ్యా కామరూపా చ కామచాపవిమోచినీ ।

కామదేవకళారామా కామదేవకళాలయా ॥ 120 ॥

కామరాత్రిః కామదాత్రీ కాంతారాచలవాసినీ ।

కామరూపా కామగతిః కామయోగపరాయణా ॥ 121 ॥

కామసమ్మర్దనరతా కామగేహవికాశినీ ।

కాలభైరవభార్యా చ కాలభైరవకామినీ ॥ 122 ॥

కాలభైరవయోగస్థా కాలభైరవభోగదా ।

కామధేనుః కామదోగ్ధ్రీ కామమాతా చ కాంతిదా ॥ 123 ॥

కాముకా కాముకారాధ్యా కాముకానందవర్ధినీ ।

కార్తవీర్యా కార్తికేయా కార్తికేయప్రపూజితా ॥ 124 ॥

కార్యా కారణదా కార్యకారిణీ కారణాంతరా ।

కాంతిగమ్యా కాంతిమయీ కాంత్యా కాత్యాయనీ చ కా ॥ 125 ॥

కామసారా చ కాశ్మీరా కాశ్మీరాచారతత్పరా ।

కామరూపాచారరతా కామరూపప్రియంవదా ॥ 126 ॥

కామరూపాచారసిద్ధిః కామరూపమనోమయీ ।

కార్తికీ కార్తికారాధ్యా కాంచనారప్రసూనభూః ॥ 127 ॥

కాంచనారప్రసూనాభా కాంచనారప్రపూజితా ।

కాంచరూపా కాంచభూమిః కాంస్యపాత్రప్రభోజినీ ॥ 128 ॥

కాంస్యధ్వనిమయీ కామసుందరీ కామచుంబనా ।

కాశపుష్పప్రతీకాశా కామద్రుమసమాగమా ॥ 129 ॥

కామపుష్పా కామభూమిః కామపూజ్యా చ కామదా ।

కామదేహా కామగేహా కామబీజపరాయణా ॥ 130 ॥

కామధ్వజసమారూఢా కామధ్వజసమాస్థితా ।

కాశ్యపీ కాశ్యపారాధ్యా కాశ్యపానందదాయినీ ॥ 131 ॥

కాళిందీజలసంకాశా కాళిందీజలపూజితా ।

కాదేవపూజానిరతా కాదేవపరమార్థదా ॥ 132 ॥

కర్మణా కర్మణాకారా కామకర్మణకారిణీ ।

కార్మణత్రోటనకరీ కాకినీ కారణాహ్వయా ॥ 133 ॥

కావ్యామృతా చ కాళింగా కాళింగమర్దనోద్యతా ।

కాలాగురువిభూషాఢ్యా కాలాగురువిభూతిదా ॥ 134 ॥

కాలాగురుసుగంధా చ కాలాగురుప్రతర్పణా ।

కావేరీనీరసంప్రీతా కావేరీతీరవాసినీ ॥ 135 ॥

కాలచక్రభ్రమాకారా కాలచక్రనివాసినీ ।

కాననా కాననాధారా కారుః కారుణికామయీ ॥ 136 ॥

కాంపిల్యవాసినీ కాష్ఠా కామపత్నీ చ కామభూః ।

కాదంబరీపానరతా తథా కాదంబరీ కళా ॥ 137 ॥

కామవంద్యా చ కామేశీ కామరాజప్రపూజితా ।

కామరాజేశ్వరీవిద్యా కామకౌతుకసుందరీ ॥ 138 ॥

కాంబోజజా కాంఛినదా కాంస్యకాంచనకారిణీ ।

కాంచనాద్రిసమాకారా కాంచనాద్రిప్రదానదా ॥ 139 ॥

కామకీర్తిః కామకేశీ కారికా కాంతరాశ్రయా ।

కామభేదీ చ కామార్తినాశినీ కామభూమికా ॥ 140 ॥

కాలనిర్ణాశినీ కావ్యవనితా కామరూపిణీ ।

కాయస్థాకామసందీప్తిః కావ్యదా కాలసుందరీ ॥ 141 ॥

కామేశీ కారణవరా కామేశీపూజనోద్యతా ।

కాంచీనూపురభూషాఢ్యా కుంకుమాభరణాన్వితా ॥ 142 ॥

కాలచక్రా కాలగతిః కాలచక్రమనోభవా ।

కుందమధ్యా కుందపుష్పా కుందపుష్పప్రియా కుజా ॥ 143 ॥

కుజమాతా కుజారాధ్యా కుఠారవరధారిణీ ।

కుంజరస్థా కుశరతా కుశేశయవిలోచనా ॥ 144 ॥

కునటీ కురరీ కుద్రా కురంగీ కుటజాశ్రయా ।

కుంభీనసవిభూషా చ కుంభీనసవధోద్యతా ॥ 145 ॥

కుంభకర్ణమనోల్లాసా కులచూడామణిః కులా ।

కులాలగృహకన్యా చ కులచూడామణిప్రియా ॥ 146 ॥

కులపూజ్యా కులారాధ్యా కులపూజాపరాయణా ।

కులభూషా తథా కుక్షిః కురరీగణసేవితా ॥ 147 ॥

కులపుష్పా కులరతా కులపుష్పపరాయణా ।

కులవస్త్రా కులారాధ్యా కులకుండసమప్రభా ॥ 148 ॥

కులకుండసమోల్లాసా కుండపుష్పపరాయణా ।

కుండపుష్పప్రసన్నాస్యా కుండగోలోద్భవాత్మికా ॥ 149 ॥

కుండగోలోద్భవాధారా కుండగోలమయీ కుహూః ।

కుండగోలప్రియప్రాణా కుండగోలప్రపూజితా ॥ 150 ॥

కుండగోలమనోల్లాసా కుండగోలబలప్రదా ।

కుండదేవరతా క్రుద్ధా కులసిద్ధికరా పరా ॥ 151 ॥

కులకుండసమాకారా కులకుండసమానభూః ।

కుండసిద్ధిః కుండృద్ధిః కుమారీపూజనోద్యతా ॥ 152 ॥

కుమారీపూజకప్రాణా కుమారీపూజకాలయా ।

కుమారీకామసంతుష్టా కుమారీపూజనోత్సుకా ॥ 153 ॥

కుమారీవ్రతసంతుష్టా కుమారీరూపధారిణీ ।

కుమారీభోజనప్రీతా కుమారీ చ కుమారదా ॥ 154 ॥

కుమారమాతా కులదా కులయోనిః కులేశ్వరీ ।

కులలింగా కులానందా కులరమ్యా కుతర్కధృక్ ॥ 155 ॥

కుంతీ చ కులకాంతా చ కులమార్గపరాయణా ।

కుల్లా చ కురుకుల్లా చ కుల్లుకా కులకామదా ॥ 156 ॥

కులిశాంగీ కుబ్జికా చ కుబ్జికానందవర్ధినీ ।

కులీనా కుంజరగతిః కుంజరేశ్వరగామినీ ॥ 157 ॥

కులపాలీ కులవతీ తథైవ కులదీపికా ।

కులయోగేశ్వరీ కుండా కుంకుమారుణవిగ్రహా ॥ 158 ॥

కుంకుమానందసంతోషా కుంకుమార్ణవవాసినీ ।

కుంకుమాకుసుమప్రీతా కులభూః కులసుందరీ ॥ 159 ॥

కుముద్వతీ కుముదినీ కుశలా కులటాలయా ।

కులటాలయమధ్యస్థా కులటాసంగతోషితా ॥ 160 ॥

కులటాభవనోద్యుక్తా కుశావర్తా కులార్ణవా ।

కులార్ణవాచారరతా కుండలీ కుండలాకృతిః ॥ 161 ॥

కుమతిశ్చ కులశ్రేష్ఠా కులచక్రపరాయణా ।

కూటస్థా కూటదృష్టిశ్చ కుంతలా కుంతలాకృతిః ॥ 162 ॥

కుశలాకృతిరూపా చ కూర్చబీజధరా చ కూః ।

కుం కుం కుం కుం శబ్దరతా క్రుం క్రుం క్రుం క్రుం పరాయణా ॥ 163 ॥

కుం కుం కుం శబ్దనిలయా కుక్కురాలయవాసినీ ।

కుక్కురాసంగసంయుక్తా కుక్కురానంతవిగ్రహా ॥ 164 ॥

కూర్చారంభా కూర్చబీజా కూర్చజాపపరాయణా ।

కులినీ కులసంస్థానా కూర్చకంఠపరాగతిః ॥ 165 ॥

కూర్చవీణాభాలదేశా కూర్చమస్తకభూషితా ।

కులవృక్షగతా కూర్మా కూర్మాచలనివాసినీ ॥ 166 ॥

కులబిందుః కులశివా కులశక్తిపరాయణా ।

కులబిందుమణిప్రఖ్యా కుంకుమద్రుమవాసినీ ॥ 167 ॥

కుచమర్దనసంతుష్టా కుచజాపపరాయణా ।

కుచస్పర్శనసంతుష్టా కుచాలింగనహర్షదా ॥ 168 ॥

కుమతిఘ్నీ కుబేరార్చ్యా కుచభూః కులనాయికా ।

కుగాయనా కుచధరా కుమాతా కుందదంతినీ ॥ 169 ॥

కుగేయా కుహరాభాసా కుగేయాకుఘ్నదారికా ।

కీర్తిః కిరాతినీ క్లిన్నా కిన్నరా కిన్నరీక్రియా ॥ 170 ॥

క్రీంకారా క్రీంజపాసక్తా క్రీం హూం స్త్రీం మంత్రరూపిణీ ।

కిర్మీరితదృశాపాంగీ కిశోరీ చ కిరీటినీ ॥ 171 ॥

కీటభాషా కీటయోనిః కీటమాతా చ కీటదా ।

కింశుకా కీరభాషా చ క్రియాసారా క్రియావతీ ॥ 172 ॥

కీంకీంశబ్దపరా క్లాం క్లీం క్లూం క్లైం క్లౌం మంత్రరూపిణీ ।

కాం కీం కూం కైం స్వరూపా చ కః ఫట్ మంత్రస్వరూపిణీ ॥ 173 ॥

కేతకీభూషణానందా కేతకీభరణాన్వితా ।

కైకదా కేశినీ కేశీ కేశిసూదనతత్పరా ॥ 174 ॥

కేశరూపా కేశముక్తా కైకేయీ కౌశికీ తథా ।

కైరవా కైరవాహ్లాదా కేశరా కేతురూపిణీ ॥ 175 ॥

కేశవారాధ్యహృదయా కేశవాసక్తమానసా ।

క్లైబ్యవినాశినీ క్లైం చ క్లైం బీజజపతోషితా ॥ 176 ॥

కౌశల్యా కోశలాక్షీ చ కోశా చ కోమలా తథా ।

కోలాపురనివాసా చ కోలాసురవినాశినీ ॥ 177 ॥

కోటిరూపా కోటిరతా క్రోధినీ క్రోధరూపిణీ ।

కేకా చ కోకిలా కోటిః కోటిమంత్రపరాయణా ॥ 178 ॥

కోట్యనంతమంత్రయుక్తా కైరూపా కేరలాశ్రయా ।

కేరలాచారనిపుణా కేరలేంద్రగృహస్థితా ॥ 179 ॥

కేదారాశ్రమసంస్థా చ కేదారేశ్వరపూజితా ।

క్రోధరూపా క్రోధపదా క్రోధమాతా చ కౌశికీ ॥ 180 ॥

కోదండధారిణీ క్రౌంచా కౌశల్యా కౌలమార్గగా ।

కౌలినీ కౌలికారాధ్యా కౌలికాగారవాసినీ ॥ 181 ॥

కౌతుకీ కౌముదీ కౌలా కౌమారీ కౌరవార్చితా ।

కౌండిన్యా కౌశికీ క్రోధజ్వాలాభాసురరూపిణీ ॥ 182 ॥

కోటికాలానలజ్వాలా కోటిమార్తండవిగ్రహా ।

కృత్తికా కృష్ణవర్ణా చ కృష్ణా కృత్యా క్రియాతురా ॥ 183 ॥

కృశాంగీ కృతకృత్యా చ క్రః ఫట్ స్వాహా స్వరూపిణీ ।

క్రౌం క్రౌం హూం ఫట్ మంత్రవర్ణా క్రీం హ్రీం హూం ఫట్ నమః స్వధా ॥ 184 ॥

క్రీం క్రీం హ్రీం హ్రీం తథా హ్రూం హ్రూం ఫట్ స్వాహా మంత్రరూపిణీ ।

ఇతి శ్రీసర్వసామ్రాజ్యమేధానామ సహస్రకమ్ ॥ 185 ॥

|| ఇతి శ్రీరుద్రయామలే కాళీతంత్రే కకారాది శ్రీ కాళీ సహస్రనామ స్తోత్రమ్ ||