ANNI MAMTRAMULU IMDE AAVAHIMCHENU అన్ని మంత్రములు ఇందె ఆవహించెను

 అన్ని మంత్రములు ఇందె ఆవహించెను

తాళం: ఆది

రాగం: అమృతవర్షిణి (మేళకర్త 66, చిత్రంభరి  జన్యరాగ )

రూపకర్త: అన్నమాచార్య

ఆరోహణ: స గ3 మ2 ప ని3 స

అవరోహణ: స ని3 ప మ2 గ3 స

పల్లవి

అన్ని మంత్రములు ఇందె ఆవహించెను -

వెన్నతో నాకు గలిగె వేంకటేశు మంత్రము

చరణము

నారదుడు జపియించె నారాయణ మంత్రము -

చేరె ప్రహ్లాదుడు నారసింహ మంత్రము

కోరి విభీషణుడు చేకొనె రామ మంత్రము -

వేరెనాకు గలిగె వేంకటేశు మంత్రము

రంగగు వాసుదేవ మంత్రము ధృవుండు జపించె -

అంగవించె కృష్ణ మంత్రము అర్జునుడు

ముంగిట విష్ణు మంత్రము మొగిశుకుడు పఠించె -

వింగడమై నాకు నబ్బె వేంకటేశు మంత్రము

ఇన్ని మంత్రముల కెల్ల ఇందిరనాథుడె గుఱి -

పన్నిన దిదియే పరబ్రహ్మ మంత్రము

నన్ను గావగలిగేబో నాకు గురుడియ్యగాను -

వెన్నెల వంటిది శ్రీవేంకటేశు మంత్రము