పలుకే బంగారమాయెనా
తాళం:
రాగం:
రూపకర్త: రామదాసు
పల్లవి
పలుకే బంగారమాయెనా,
కోదండపాణి పలుకే బంగారమాయెనా
చరణము
పలుకే బంగారమాయె పిలచినా పలుకవేమి
కలలో నీ నామస్మరణ మరువ చక్కని తండ్రీ || 1 ||
ఎంత వేడినగాని సుంతైన దయరాదు
పంతము సేయ నేనెంతటివాడను తండ్రీ || 2 ||
ఇరవుగ ఇసుకలోన పొరలిన ఉడుత భక్తికి
కరుణించి బ్రోచితివని నెర నమ్మితిని తండ్రీ || 3 ||
రాతి నాతిగ చేసి భూతలమున
ప్రఖ్యాతి చెందితివని ప్రీతితో నమ్మితి తండ్రీ || 4 ||
శరణాగతత్రాణ బిరుదాంకితుడవుకాదా
కరుణించు భద్రాచల వరరామదాస పోష || 5 ||
No comments:
Post a Comment