రాగం: సాళంగనాట
పల్లవి
ముద్దుగారే యశోద ముంగిటి ముత్యము వీడు |
తిద్దరాని మహిమల దేవకీ సుతుడు ||
చరణములు
అంత నింత గొల్లెతల అరచేతి మాణిక్యము |
పంత మాడే కంసుని పాలి వజ్రము |
కాంతుల మూడు లోకాల గరుడ పచ్చ బూస |
చెంతల మాలో నున్న చిన్ని కృష్ణుడు ||
రతికేళి రుక్మిణికి రంగు మోవి పగడము |
మితి గోవర్ధనపు గోమేధికము |
సతమై శంఖ చక్రాల సందుల వైడూర్యము |
గతియై మమ్ము గాచేటి కమలాక్షుడు ||
కాళింగుని తలలపై గప్పిన పుష్యరాగము |
యేలేటి శ్రీ వేంకటాద్రి యింద్రనీలము |
పాల జలనిధి లోన బాయని దివ్య రత్నము |
బాలునివలె దిరిగీ బద్మ నాభుడు ||
No comments:
Post a Comment