మాయా పంచకం
నిరుపమనిత్యనిరంశకేఽప్యఖండే
మయి చితి సర్వవికల్పనాదిశూన్యే |
ఘటయతి జగదీశజీవభేదం
త్వఘటితఘటనాపటీయసీ మాయా || 01 ||
శ్రుతిశతనిగమాంతశోధకాన
ప్యహహ ధనాదినిదర్శనేన సద్యః |
కలుషయతి చతుష్పదాద్యభిన్నా
నఘటితఘటనాపటీయసీ మాయా || 02 ||
సుఖచిదఖండవిబోధమద్వితీయం
వియదనలాదివినిర్మితే నియోజ్య |
భ్రమయతి భవసాగరే నితాంతం
త్వఘటితఘటనాపటీయసీ మాయా || 0౩ ||
అపగతగుణవర్ణజాతిభేదే
సుఖచితి విప్రవిడాద్యహంకృతిం చ |
స్ఫుటయతి సుతదారగేహమోహం
త్వఘటితఘటనాపటీయసీ మాయా || 04 ||
విధిహరిహరవిభేదమప్యఖండే
బత విరచయ్య బుధానపి ప్రకామమ్ |
భ్రమయతి హరిహరభేదభావా
నఘటితఘటనాపటీయసీ మాయా || 05 ||
No comments:
Post a Comment