Sri Matangi Devi Ashtottara Sata Nama Sthotram - శ్రీ మాతంగీ అష్టోత్తర శత నామ స్తోత్రం

శ్రీ రుద్రయామళే మాతంగీ అష్టోత్తర శతనామ స్తోత్రం

శ్రీభైరవ ఉవాచ:
భగవాన్‌ శ్రోతు మిచ్చామి మాతంగ్యాః శతనామకమ్‌
యద్గుహ్యం సర్వతంత్రేషు నకస్యాపి ప్రకాశితమ్‌ ॥ 01 ॥

శ్రుణు దేవి ప్రవక్ష్యామి రహస్యాతి రహస్యకమ్‌ ।
నాఖ్యేయం యత్ర కుత్రాపి పఠనీయం పరాత్పరమ్‌ ॥ 02 ॥

యస్యైకవారపఠనాత్‌ సర్వే విఘ్నాః ఉపద్రవా ।
నశ్యంతి తక్షణాద్దేవి వహ్నినా తూలరాశివత్‌ ॥ 03 ॥

ప్రసన్నా జాయతే దేవి మాతంగీ చాస్యపాఠతః ।
సహస్ర నామపఠనే యత్ఫలం పరికీర్తితమ్‌ ॥
తత్కోటి గుణితమ్‌ దేవి నామాష్ట శతకమ్‌ శుభమ్‌ ॥ 04 ॥

వినియోగః
ఓం అస్య శ్రీ మాతంగీ శతనామ స్తోత్రస్య భగవన్‌ మతంగ ఋషిః
అనుష్టుప్ఛందః మాతంగీ దేవతా మాతంగీ ప్రీతయే పాఠే వినియోగః ।
మహామత్తమాతంగినీ సిద్ధిరూపాతథా యోగినీ భద్రకాళీ రమా చ
భవానీ భయప్రీతిదా భూతియుక్తా భవారాధితా భూతి సంపత్కరీ చ ॥ 01 ॥

జనాధీశమాతా ధనాగారదృష్టి ర్దనేశార్చితా ధీరవాపీ వరాంగీ ।
ప్రహృష్టా ప్రభారూపిణీ కామరూపా ప్రకృష్టా మహాకీర్తిదా కర్ణనాళీ ॥ 02 ॥

కరాళీ భగా ఘోరరూపా భగాంగీ భగాఖ్యా భగప్రీతిదా భీమరూపా ।
భవానీ మహాకౌశికీ కోశపూర్ణా కిశోరీ కిశోరప్రియా కాళికా నందయీహా ॥ 03 ॥

మహాకారణాஉకారణా కర్మశీలా కపాలీ ప్రసిద్ధా మహాసిద్ధి ఖండా ।
మకార ప్రియా మానరూపా మహేశీ మనోల్లాసినీ లాస్యలీలాలయాంగీ ॥ 04 ॥

క్షమాక్షేమశీలా క్షపాకారిణీ చా క్షయప్రీతిదా భూతి యుక్తాభవానీ ।
భవారాధితా భూతిసత్యాత్మికా చ ప్రభోద్భాసితా భానుభాస్వత్కరా చ॥ 05 ॥

దరాధీశమాతా ధనాగార దృష్టి ర్థనేశార్చితా ధీవర్ణా ధీవరాంగీ ।
ప్రకృష్ట ప్రభారూపిణీ ప్రాణరూపా ప్రకృష్ట స్వరూపా స్వరూప ప్రియా చ॥ 06 ॥

చలత్కుండలా కామినీ కాంతయుక్తా కపాలాచలా కాలకోద్దారిణీ చ ।
కదంబప్రియా కోటరీ కోటదేహా క్రమా కీర్తిదా కర్ణరూపాచ కాక్ష్మీః ॥ 07 ॥

క్షమాంగీ క్షయప్రేమరూపా క్షపా చ
క్షయాక్షా క్షయాఖ్యా క్షయా ప్రాంతరా చ ।
క్షవత్కామినీ క్షారిణీ క్షీరపూర్ణా
శివాంగీ చ శాకంభరీ శాకదేహా ॥ 08 ॥

మహాశాకయజ్ఞా ఫలప్రాశకా చ
శకాహ్వా శకాహ్వా శకాఖ్యా శకా చ ।
శకాక్షాంతరోషా సురోషా సురేఖా
మహాశేషయజ్ఞోపవీత ప్రియా చ ॥ 09 ॥

జయంతీ జయా జాగ్రతీ యోగ్యరూపా
జయాంగా జపధ్యాన సంతుష్టసంజ్ఞా ।
జయ ప్రాణరూపా జయస్వర్ణదేహా
జయజ్వాలినీ యామినీ యామ్య రూపా॥ 10 ॥

జగన్మాతృరూపా జగద్రక్షణా చ
స్వథావౌషడంతా విలంబా విళంబా ।
షడంగా మహాలంబరూపా సిஉహస్తా
తదాహారిణీ హారిణీ హారిణీ చ ॥ 11 ॥

మహామంగళా మంగళ ప్రేమకీర్తిర్ని
నిశుంభ క్షిదా శుంభదర్పాపహా చ ।
తథాஉనందబీజాది ముక్తి స్వరూపా
తథా చండముండాపదా ముఖ్యచండా ॥ 12 ॥

ప్రపచండాஉప్రచండా మహాచండవేగా
చలచ్చామరా చామరా చంద్రకీర్తిః ।
సుచామీకరా చిత్ర భూషోజ్జ్వలాంగీ
సుసంగీత గీతం చ పాయాదపాయాత్‌ ॥ 13 ॥

ఇతి తే కథితందేవి నామ్నా మష్టోత్తరం శతమ్‌ ।
గోప్యం చ సర్వత్రంతే షు గోపనీయం చ సర్వదా ॥ 14 ॥

ఏతస్య సతతాభ్యాసా త్సాక్షాద్దేవో మహేశ్వరః ।
త్రిసంధ్యాం చ మహాభక్త్యా పఠనీయం సుఖోదయం ॥ 15 ॥

న తస్యదుష్కరం కించిజ్జాయతే స్పర్శతః క్షణాత్‌ ।
సుకృతం యత్తదేవాప్తం తస్మాదావర్తయేత్సదా ॥ 16 ॥

సదైవ సన్నిధౌ తస్యదేవీ వసతి సాదరమ్‌ ।
అయోగా యే త ఏవాగ్రే సుయోగాశ్చ భవంతి వై ॥ 17 ॥

త ఏవ మిత్ర భూతాశ్చ భవంతి తత్ప్రసాదతః ।
విషాణి నోపసర్పంతి వ్యాధయో న స్పృశంతి తాన్‌ ॥ 18 ॥

లూతా విస్ఫోటకాః సర్వేశమం యాంతి చ తక్షణాత్‌ ।
జరాపలిత నిర్ముక్తః కల్పజీవీ భవేన్నరః ॥ 19 ॥

అపికింబహునోక్తేన సాన్నిధ్యం ఫలమాప్నుయాత్‌ ।
యావన్మయాపురాప్రోక్తం ఫలం సాహస్రనామకమ్‌ ॥ 20 ॥

తత్సర్యం లభతే మర్త్యో మహామాయా ప్రసాదతః

॥ ఇతి శ్రీ రుద్రయామళే మాతంగీ శతనామ స్తోత్రం సమాప్తం ॥

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం

Sri Matangi Devi Ashtottara Sata Namavali - శ్రీ మాతంగీ అష్టోత్తర శత నామావళి

శ్రీ మాతంగీ అష్టోత్తర శత నామావళి

ఓం మహామత్త మాతంగిన్యై నమః
ఓం సిద్ధిరూపాయై నమః
ఓం యోగిన్యై నమః
ఓం భద్రకాళ్యై నమః
ఓం రమాయై నమః
ఓం భవాన్యై నమః
ఓం భయప్రీతిదాయై నమః
ఓం భూతియుక్తాయై నమః
ఓం భవారాధితాయై నమః
ఓం భూతిసంపత్కర్యై నమః ॥ 10 ॥

ఓం జనాధీశమాత్రే నమః
ఓం ధనాగారదృష్టయే నమః
ఓం ధనేశార్చితాయై నమః
ఓం ధీరవాసిన్యై నమః
ఓం వరాంగ్యై నమః
ఓం ప్రకృష్టాయై నమః
ఓం ప్రభారూపిణ్యై నమః
ఓం కామరూపాయై నమః
ఓం ప్రహృష్టాయై నమః
ఓం మహాకీర్తిదాయై నమః ॥ 20 ॥

ఓం కర్ణనాల్యై నమః
ఓం కరాళ్యై నమః
ఓం భగాయై నమః
ఓం ఘోరరూపాయై నమః
ఓం భగాంగై నమః
ఓం భగాఖ్యాయై నమః
ఓం భగప్రీతిదాయై నమః
ఓం భీమరూపాయై నమః
ఓం భవాన్యై నమః
ఓం మహాకౌశిక్యై నమః ॥ 30 ॥

ఓం కోశపూర్ణాయై నమః
ఓం కిశోరీకిశోర ప్రియానంద ఈహాయై నమః
ఓం మహాకారణా కారణాయై నమః
ఓం కర్మశీలాయై నమః
ఓం కపాలిన్యై నమః
ఓం ప్రసిద్ధాయై నమః
ఓం మహాసిద్ధఖందాయై నమః
ఓం మకారప్రియాయై నమః
ఓం మానరూపాయై నమః
ఓం మహేశ్యై నమః ॥ 40 ॥

ఓం మహోల్లాసిన్యై నమః
ఓం లాస్యలీలాయై నమః
ఓం లయాంగ్యై నమః
ఓం క్షమాయై నమః
ఓం క్షేమలీలాయై నమః
ఓం క్షపాకారిణ్యై నమః
ఓం అక్షయ ప్రీతిదాయై నమః
ఓం భూతియుక్తాయై నమః
ఓం భవాన్యై నమః
ఓం భవారాధితాయై నమః ॥ 50 ॥

ఓం భూతిసత్యాత్మికాయై నమః
ఓం ప్రభోద్భాసితాయై నమః
ఓం భానుభాస్వత్కరాయై నమః
ఓం ధరాధీశమాత్రే నమః
ఓం ధనాగార దృష్ట్యై నమః
ఓం ధనేశార్చితాయై నమః
ఓం ధీవరాయై నమః
ఓం ధీవరాంగ్యై నమః
ఓం ప్రకృష్ణాయై నమః
ఓం ప్రభారూపిణ్యై నమః ॥ 60 ॥

ఓం ప్రాణరూపాయై నమః
ఓం ప్రకృష్ణస్వరూపాయై నమః
ఓం స్వరూపప్రియాయై నమః
ఓం కదంబ ప్రియాయై నమః
ఓం కోటర్వ్యై నమః
ఓం కోటదేహాయై నమః
ఓం క్రమాయై నమః
ఓం కీర్తిదాయై నమః
ఓం కర్ణరూపాయై నమః
ఓం లక్ష్మ్యై నమః ॥ 70 ॥

ఓం క్షమాంగ్యై నమః
ఓం క్షయ ప్రేమరూపాయై నమః
ఓం క్షపాయై నమః
ఓం క్షయాక్షయాయై నమః
ఓం క్షయాఖ్యాయై నమః
ఓం క్షయాప్రాంతరాయై నమః
ఓం క్షవత్కామిన్యై నమః
ఓం క్షారిణ్యై నమః
ఓం క్షీరపూషాయై నమః
ఓం శివాంగ్యై నమః ॥ 80 ॥

ఓం శాకంభర్యై నమః
ఓం శాకదేహాయై నమః
ఓం మహాశాకయజ్ఞాయై నమః
ఓం ఫలప్రాశకాయై నమః
ఓం శకాహ్వాయై నమః
ఓం శకథ్యాయై నమః
ఓం శకాఖ్యాయై నమః
ఓం శకాయై నమః
ఓం శకాక్షాంతరోషాయై నమః
ఓం సురోషాయై నమః ॥ 90 ॥

ఓం సురేఖాయై నమః
ఓం మహాశేషయజ్ఞోపవీత ప్రియాయై నమః
ఓం జయంత్యై నమః
ఓం జయాయై నమః
ఓం జాగ్రత్యై నమః
ఓం యోగ్యరూపాయై నమః
ఓం జయాంగాయై నమః
ఓం జపధ్యాన సంతుష్ట సంజ్ఞాయై నమః
ఓం జయప్రాణరూపాయై నమః
ఓం జయస్వర్ణదేహాయై నమః ॥ 100 ॥

ఓం జయజ్వాలిన్యై నమః
ఓం యామిన్యై నమః
ఓం యామ్యరూపాయై నమః
ఓం జగన్మాతృరూపాయై నమః
ఓం జగద్రక్షణాయై నమః
ఓం స్వధాయై నమః
ఓం ఔషడంతాయై నమః
ఓం విలంబాయై నమః
ఓం విళంబాయై నమః
ఓం షడంగాయై నమః ॥ 110 ॥

ఓం మహాలంబరూపాయై నమః
ఓం అసిహస్తాయై నమః
ఓం హరిణీ హరిణీ హారిణ్యై నమః
ఓం మహామంగళాయై నమః
ఓం ప్రేమకీర్యై నమః
ఓం నిశుంభాక్షిదాయై నమః
ఓం శుంభదర్పాపహాయై నమః
ఓం ఆనంద బీజాదిముక్తి స్వరూపాయై నమః
ఓం చండముండాపదాయై నమః
ఓం ముఖ్యచండాయై నమః ॥ 120 ॥

ఓం ప్రచండా ప్రచండా మహాచండవేగాయై నమః
ఓం చలచ్చామరాయై నమః
ఓం చంద్రకీర్యై నమః
ఓం శుచామీకరాయై నమః
ఓం చిత్రభూషోజ్జ్వలాంగ్యై నమః
ఓం మాతంగ్యై నమః

॥ శ్రీ మాతంగీ అష్టోత్తర శతనామావళి సమాప్తం ॥

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం

Sri Matangi Sthotra Pushpamjali - శ్రీ మాతంగి స్తోత్ర పుష్పాంజలిః

 శ్రీ మాతంగీ స్తోత్ర పుష్పాంజలిః

అస్తి నానావిధంశస్తం వస్తునావైణికేన వః ।
అమృతాంబునిధేర్మధ్యే మాణిక్య ద్వీపమాశ్రయే ॥ 01 ॥

సుధాతరంగ సంచారిమారుతస్పర్శ శీతలం ।
కల్పద్రుమకదంబాలి పారిజాతపటీరకైః ॥ 02 ॥

నివడీకృతముద్యానం నిషేవేనిర్భరోత్సవం ।
తదలసలతోన్మీలత్కుసుమామోద మేదురం ॥ 03 ॥

జాగర్తి మానసే మత్కేతరుణం నీపకాననం ।
తస్యాంతరాలతరలాముక్తముక్తాలతాతతేః ॥ 04 ॥

జ్యోతిర్మయమహన్నౌమిమహితం రత్నమండపం ।
సరస్వత్యా చ లక్ష్మ్యా చ పూర్వాదిద్వారభూమిషు ॥ 05 ॥

శంఖపద్మనిధిభ్యాం చ సతతాధ్యుషి సంస్తువే ।
ఇంద్రాదీన్లోకపాలాన్‌ చ సాయుధాన్‌ సపరిచ్చదాన్‌ ॥ 06 ॥

మండపస్యబహిర్భాగేஉప్యష్టదిక్షు క్రమస్థితాన్‌ ।
అథధ్యాయామి రత్నార్చిరయత్నాకஉప్తదీపికాం ॥ 07 ॥

హరిచందన సంలిప్తాం హారిణీం మణిదీపికాం ।
తత్రత్రికోణ పంచారాష్టారషోడశపత్రకైః ॥ 08 ॥

అష్టాష్టధారవేదా స్త్రైశ్చిన్మయం వక్త్ర మీమహే ।
తస్యమధ్యే కృతానాసామ సాధారణ వైభవాం ॥ 09 ॥

ఇందురేఖావతీమేణీ లోచనాం వేణిశాలినీం ।
హాసాంశూల్లాసనాసీర నాసాభరణ మౌక్తికాం ॥ 10 ॥

మదరక్తకపోలశ్రీ మగ్నమాణిక్య దర్పణాం ।
ఆనందహారిణీం తాలిదలతాటంకధారిణీం ॥ 11 ॥

ఉచ్చపీనకుచామచ్చహారాం తుచ్చవలగ్భకాం ।
సుకుమారభుజావల్లీ వేల్లత్కంకణరింఖణాం ॥ 12 ॥

వామస్తనముఖన్యస్త వీణావాదవినోదినీం ।
వలినాభినభోభూత కాంచీ హారిప్రభాం శుభాం ॥ 13 ॥

న్యస్తైకచరణాం పద్మే సలీలాసాలసాననాం ।
అనర్థ్యలావణ్యవతీం మాదినీం వర్ణ మాతృకాం ॥ 14 ॥

అనంగ శక్తిజీవాతు తద్విక్షేప హరాంగనాం ।
త్య్రస్రేరతిం ప్రీతిమపి ప్రణమామి మనోభవాం ॥ 15 ॥

ద్రావణంరోషణంచైవ బంధనం మోహనం తథా ।
అస్త్రమున్మాదనాఖ్యం చ పంచమం పాతుమే హృది ॥ 16 ॥

కామరాజం చ కందర్పం మన్మథం మకరధ్వజం ।
మనోభవం చ పంచార కోణాగ్రావస్థితం స్తుమః ॥ 17 ॥

బ్రాహ్మీం మాహేశ్వరీం చైవకౌమారీం వైష్ణవీమపి ।
వారాహీమపి మాహేంద్రీం చ చాముండాం చండికాం నుమః ॥ 18 ॥

లక్ష్మీః సరస్వతీచైవ రతిః ప్రీతిస్తథైవ చ ।
కీర్తిశ్శాంతిచ పుష్టిశ్చతుష్టిరిత్యష్టకం భజే ॥ 19 ॥

వామాజ్యేష్ఠా చ రౌద్రీ చ శాంతిః శ్రద్ధాసరస్వతీ ।
క్రియాశక్తిశ్చ లక్ష్మీశ్చ సృష్టిశ్చైవతు మోహినీ ॥ 20 ॥

తథాపుర్ణాదినే చాశ్వాసినీవాలీ తథైవ చ ।
విద్యున్మాలిన్యథసురా నందాద్యా నాగవద్ధికా ॥ 21 ॥

ఇతిషోడశ శక్తీనాం మండలం మానయామహే ।
అసితాంగో రురుశ్చండ క్రోధనోన్మత్తభైరవాః ॥ 22 ॥

కపాలీభీషణశ్చైవ సంహారశ్చేతి పాంత్వమీ ।
మాతంగీం సిద్ధలక్ష్మీం చ మహామాతంగికామపి ॥ 23 ॥

మహతీం సిద్ధలక్ష్మీం చ తుర్యాం చ తదుపాస్మహే ।
గణనాథశ్చ దుర్గా చ వటుకః క్షేత్రపోஉవతు ॥ 24 ॥

శక్తిరూపాణి చాంగాని మనసాంగీ కరోమ్యహం ।
హంసమూర్తిః స చ పరః ప్రకాశానంద దేశికః ॥ 25 ॥

పూర్ణోనిత్యశ్చవరుణః పాతు మాం పంచదేశికీ ।
శివేత్వాంశేషకాదేవి మాతంగేశ్వరి మానయే ॥ 26 ॥

ఈక్షే చ మానసేమత్కే క్షేత్రపాలం కృపాలయం ।
శుకినీ శోకనిర్హంత్రీ సవీణావేణి భాసురా ॥ 27 ॥

సురార్చితా ప్రసన్నా చ సంవిద్భవతి శాంభవీ ॥ 28॥

మదేనశోణా పదపాంగకోణా విభక్తవీణా నిగమప్రవీణా ।
ఏణాంక చూడాకరుణాధురీణా ప్రీణాతు వః పోషిత పుష్పవాణా ॥ 29 ॥

సంవిన్మయంరుద్ర వసన్నతోషినః సాధకీంద్ర భృంగకులః ।
కమపుష్పాంజలి రేషమతాం మాతంగకన్యకా యాః ॥ 30 ॥

॥ ఇతి శ్రీమాతంగీస్తోత్ర పుష్పాంజలిః సమాప్తం ॥

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం

Sri Matangi Devi Hrudaya Sthotram - శ్రీ మాతంగి దేవి హృదయ స్తోత్రం

శ్రీ మాతంగి దేవి హృదయ స్తోత్రం

ఏకదాకౌతుకావిష్టా భైరవం భూతసేవితం
ఖైరవీ పరిపప్రచ్చ సర్వభూతహితే రతా ॥ 01 ॥

భగవన్‌ సర్వధర్మజ్ఞ భూతవాత్సల్యభావన
అహం వేదితుమిచ్చామి సర్వభూతోపకారకమ్‌ ॥ 02 ॥

కేన మంత్రేణ జప్తేన స్తోత్రేణ పఠితేన చ
సర్వథా శ్రేయసాం ప్రాప్తి ర్భూతానాం భూతిమిచ్చతామ్‌ ॥ 03 ॥

శ్రీ బైరవ ఉవాచ:
శృణు దేవి తవ స్నేహాత్ప్రాయో గోప్యమపి ప్రియే
కథయిష్యామి తత్సర్వం సుఖసంపత్కరం శుభమ్‌ ॥ 04 ॥

పఠతాం శృణ్వతాం నిత్యం సర్వసంపత్తిదాయకమ్‌
విద్యైశ్వర్య సుఖావ్యాప్తి మంగళప్రదముత్తమమ్‌ ॥ 05 ॥

మాతంగ్యా హృదయ స్తోత్రం దుఃఖదారిద్య భంజనమ్‌
మంగళం మంగళానాం చ అస్తి సర్వసుఖప్రదమ్‌ ॥ 06 ॥

ఓం అస్య శ్రీ మాతంగీహృదయస్తోత్ర మంత్రస్య-దక్షిణామూర్తి
ఋషిః విరాట్ఛందః శ్రీ మాతంగీ దేవతా హ్రీం బీజం - క్లీం శక్తిః
హ్రూం కీలకం సర్వవాంఛితార్థసిద్ధ్యర్థే జపే వినియోగః.

కరాంగన్యాసః
ఓంహ్రీం హృదయాయ నమః 

ఓం క్లీం శిరసే స్వాహా 

ఓం హ్రూం శిఖాయై వషట్‌ 

ఓం హ్రీం నేత్రత్రయాయ వౌషట్‌ 

ఓం క్లీం కవచాయ హుం 

ఓం హ్రూం అస్త్రాయ ఫట్‌ 

ఏవం కరన్యాసః

ధ్యానమ్‌
శ్యామాం శుభ్రాం సుఫాలాం త్రికమలనయనాం రత్నసింహాసనస్థాం
భక్తాభీష్టప్రదాత్రీం సురనీకరకరాసేవ్య కంజాంఘ్రియుగ్మాం
నీలాంభోజాతకాంతిం నిశిచరనికరారన్య దావాగ్నిరూపాం
మాతంగీమావహంతీ మభిమతఫలదాం మోహినీం చింతయామి ॥ 07 ॥

నమస్తే మాతంగ్యై మృదుముదితతన్వై తనుమతాం
పరశ్రేయోదాయై కమలచరణధ్యానమనసాం
సదా సంసేవ్యాయై సదసి విబుధైర్థి వ్యధిషణైః
దయార్ద్రాయై దేవ్యై దురితదలనోద్దండ మనసే ॥ 08 ॥

పరం మాతస్తే యో జపతి మనుమేవోగ్రహృదయః
కవిత్వం కల్పానాం కలయతి సుకల్పః ప్రతిపదం
అపిప్రాయో రమ్యాஉమృతమయపదా తస్య లలితా
నటీ చాద్యా వాణీ నటనరసనాయాం చ ఫలితా ॥ 09 ॥

తవ ధ్యాయంతో యే వపురనుజపంతి ప్రవలితం
సదా మంత్రం మాతర్నహి భవతి తేషాం పరిభవః
కదంబానాం మాల్యైరపి శిరసి యుంజంతి యది
యే భవంతి ప్రాయస్తే యువతి జనయూథస్వవశగాః ॥ 10 ॥

సరోజై స్సాహస్త్రైస్సరసిజపదద్వంద్వమపి యే
సహస్రం నా మోక్త్వా తదపిచ తవాంగే మనుమితం
పృథజ్నామ్నా తేనాయుతకలితమర్చంతి ప్రసృతే సదా
దేవవ్రాత ప్రణమిత పదాం భోజయుగళాః ॥ 11 ॥

తవ ప్రీత్యైర్తా ర్దదతి బలిమాదాయ సలిలం
సమత్స్యం మాంసం వా సురుచిరసితం రాజరుచితం
సుపుణ్యాయై స్వాంతస్తవ చరణప్రేమైకరసికాః
అహోభాగ్యం తేషాం త్రిభువన మలం వశ్యమఖిలమ్‌ ॥ 12 ॥

లసల్లోలశ్రోత్రాభరణకిరణక్రాంతి లలితం
మితస్మేరజ్యోత్స్నా ప్రతిఫలితభాభిర్వికిరితం ముఖాంభోజం
మాతస్తవ పరిలుఠ ద్భ్రుమధుకరం రమే యే
ధ్యాయంతి త్యజసి నహి తేషాం సుభవనమ్‌ ॥ 13 ॥

పరశ్శ్రీమాతంగ్యా జపతి హృదయాఖ్యస్సుమనసా
మయం సేవ్యస్సద్యోభిమతఫలదశ్చాతి లలితః
నరా యే శృణ్వంతి స్తవమపి పఠంతీమ మనునిశం
న తేషాం దుష్ప్రాప్యం జగతి యద లభ్యం దివిషదామ్‌ ॥ 14 ॥

ధనార్ధీ ధనమాప్నోతి దారార్థీ సుందరీః ప్రియాః
సుతార్థీ లభతే పుత్రం స్తవస్యాస్య ప్రకీర్తనాత్‌ ॥ 15 ॥

విద్యార్థీ లభతే విద్యాం వివిధాం విభవప్రదాం
జయార్ధీ పటనాదస్య జయం ప్రాప్నోతి నిశ్చితమ్‌ ॥ 16 ॥

నష్టరాజ్యో లభేద్రాజ్యం సర్వసంపత్సమాణశ్రితం
కుబేర సమసంపత్తిః స భవేర్దృదయం పఠన్‌ ॥ 17 ॥

కిమత్ర బహునోక్తేన యద్యదిచ్చతి మానవః
మాతంగీ హృదయస్తోత్ర పఠనా త్సర్వమాప్నుయాత్‌ ॥ 18 ॥

॥ ఇతి శ్రీ దక్షిణామూర్తి సంహితాయాం 

శ్రీ మాతంగీ హృదయ స్తోత్రం సమాప్తం ॥

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం

Sumukhee Athava Matangi Kavacham - సుముఖీ అథవా మాతంగీకవచం

సుముఖీ అథవా మాతంగీకవచం

శ్రీగణేశాయ నమః ।

శ్రీపార్వత్యువాచ ।
దేవదేవ మహాదేవ సృష్టిసంహారకారక ।
మాతంగ్యాః కవచం బ్రూహి యది స్నేహోஉస్తి తే మయి॥ 01 ॥

శివ ఉవాచ ।
అత్యంతగోపనం గుహ్యం కవచం సర్వకామదం ।
తవ ప్రీత్యా మయాஉఖ్యాతం నాన్యేషు కథ్యతే శుభే ॥ 02 ॥

శపథం కురు మే దేవి యది కించిత్రకాశసే ।
అనయా సదృశీ విద్యా న భూతా న భవిష్యతి ॥ 03 ॥

శవాసనాం రక్తవస్త్రాం యువతీం సర్వసిద్ధిదాం ।
ఏవం ధ్యాత్వా మహాదేవీం పఠేత్కవచముత్తమం ॥ 04 ॥

ఉచ్చిష్టం రక్షతు శిరః శిఖాం చండాలినీ తతః ।
సుముఖీ కవచం రక్షేద్దేవీ రక్షతు చక్షుషీ ॥ 05 ॥

మహాపిశాచినీ పాయాన్నాసికాం హ్రీం సదాஉవతు ।
ఠః పాతు కంఠదేశం మే ఠః పాతు హృదయం తథా ॥ 06 ॥

ఠో భుజౌ బాహుమూలే చ సదా రక్షతు చండికా ।
ఐం చ రక్షతు పాదౌ మే సౌః కుక్షిం సర్వతః శివా ॥ 07 ॥

ఐం హ్రీం కటిదేశం చ ఆం హ్రీం సంధిషు సర్వదా ।
జ్యేష్ఠమాతంగ్యంగులిర్మే అంగుల్యగ్రే నమామి చ ॥ 08 ॥

ఉచ్చిష్టచాండాలి మాం పాతు త్రైలోక్యస్య వశంకరీ ।
శివే స్వాహా శరీరం మే సర్వసౌభాగ్యదాయినీ ॥ 09 ॥

ఉచ్చిష్టచాండాలి మాతంగి సర్వవశంకరి నమః ।
స్వాహా స్తనద్వయం పాతు సర్వశత్రువినాశినీ ॥ 10 ॥

అత్యంతగోపనం దేవి దేవైరపి సుదుర్లభం ।
భ్రష్టేభ్యః సాధకేభ్యోஉపి ద్రష్టవ్యం న కదాచన ॥ 11 ॥

దత్తేన సిద్ధిహానిః స్యాత్సర్వథా న ప్రకాశ్యతాం ।
ఉచ్చిష్టేన బలిం దత్వా శనౌ వా మంగలే నిశి ॥ 12 ॥

రజస్వలాభగం స్పృష్ట్వా జపేన్మంత్రం చ సాధకః ।
రజస్వలాయా వస్త్రేణ హోమం కుర్యాత్సదా సుధీః ॥ 13 ॥

సిద్ధవిద్యా ఇతో నాస్తి నియమో నాస్తి కశ్చన ।
అష్టసహస్రం జపేన్మంత్రం దశాంశం హవనాదికం ॥ 14 ॥

భూర్జపత్రే లిఖిత్వా చ రక్తసూత్రేణ వేష్టయేత్‌ ।
ప్రాణప్రతిష్ఠామంత్రేణ జీవన్యాసం సమాచరేత్‌ ॥ 15 ॥

స్వర్ణమధ్యే తు సంస్థాప్య ధారయేద్దక్షిణే కరే
సర్వసిద్ధిర్భవేత్తస్య అచిరాత్పుత్రవాన్భవేత్‌ ॥ 16 ॥

స్త్రీభిర్వామకరే ధార్యం బహుపుత్రా భవేత్తదా ।
వంద్యా వా కాకవంద్యా వా మృతవత్సా చ సాంగనా॥ ॥ 17॥

జీవద్వత్సా భవేత్సాపి సమృద్ధిర్భవతి ధ్రువం ।
శక్తిపూజాం సదా కుర్యాచ్చివాబలిం ప్రదాపయేత్‌ ॥ 18 ॥

ఇదం కవచమజ్ఞాత్వా మాతంగీ యో జపేత్సదా ।
తస్య సిద్ధిర్న భవతి పురశ్చరణలక్షతః ॥ 19 ॥

॥ ఇతి శ్రీరుద్రయామలే తంత్రే మాతంగీసుముఖీకవచం సమాప్తం ॥

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం

Sri Matangi Devi Kavacham 2 - శ్రీ మాతంగి దేవి కవచం- 2

శ్రీ మాతంగి దేవి కవచం- 2

ఓం అస్యశ్రీ మాతంగీ కవచ మహామంత్రస్య మహా యోగీశ్వర
ఋషిః అనుష్టుప్ఛందః శ్రీ మాతంగీశ్వరీ దేవతా శ్రీ మాతంగీ ప్రసాద
సిద్ధ్యర్థే జపే వినియోగః

నీలోత్పలప్రతీకాశామంజనాద్రిసమప్రభామ్‌
వీణాహస్తాం గానరతాం మధుపాత్రం చ బిభ్రతీమ్‌ ॥ 01 ॥

సర్వాలంకారసంయుక్తాం శ్యామలాం మదశాలినీమ్‌
నమామి రాజమాతంగీం భక్తానామిష్టదాయినీమ్‌ ॥ 02 ॥

ఏవం ధ్యాత్వా జపేన్నిత్యం కవచం సర్వకామదమ్‌
ఓం శిఖాం మే శ్యామలా పాతు మాతంగీ మే శిరోవతు ॥ 03 ॥

లలాటం పాతు చండేశీ భ్రువౌ మే మదశాలినీ
కర్ణౌ మే పాతు మాతంగీ శంఖీ కుండలశోభితా ॥ 04 ॥

నేత్రే మే పాతు రక్తాక్షీ నాసికాం పాతు మే శివా
గండౌ మే పాతు దేవేశీ ఓష్ఠౌ బింబఫలాధరా ॥ 05 ॥

జిహ్వాం మే పాతు వాగీశీ దంతాన్కల్యాణకారిణీ
పాతు మే రాజమాతంగీ వచనం సర్వసిద్ధిదా ॥ 06 ॥

కంఠం మే పాతు హృద్యాంగీ వీణాహస్తా కరౌ మమ
హృదయం పాతు మే లక్ష్మీర్నాభిం మే విశ్వనాయికా ॥ 07 ॥

మమ పార్శ్వద్వయం పాతు సూక్ష్మమథ్యా మహేశ్వరీ
శుకశ్యామా కటిం పాతు గుహ్యం మే లోకమోహినీ ॥ 08 ॥

ఊరూ మే పాతు భద్రాంగీ జానునీ పాతు శాంకరీ
జంఘాద్వయం మే లోకేశీ పాదౌమే పరమేశ్వరీ ॥ 09 ॥

ప్రాగాదిదిక్షు మాం పాతు సర్వైశ్వర్య ప్రదాయినీ
రోమాణి పాతు మే కృష్ణా భార్యాం మే భవవల్లభా ॥ 10 ॥

శంకరీ సర్వతః పాతు మమ సర్వవశంకరీ
మహాలక్ష్మీర్మమధనం విశ్వమాతా సుతాన్‌ మమ ॥ 11 ॥

శ్రీ మాతంగీశ్వరీ నిత్యం మాం పాతు జగదీశ్వరీ
మాతంగీ కవచం నిత్యం య ఏతత్పఠతే నరః ॥ 12 ॥

సుఖిత్వా సకలాన్‌ లోకాన్‌ దాసీభూతాన్కరోత్యసౌ
ప్రాప్నోతి మహతీం కాంతిం భవేత్కామశత ప్రభః ॥ 13 ॥

లభతే మహతీం లక్ష్మీం త్రైలోక్యే చాపి దుర్లభామ్‌
అణిమాద్యష్టసిద్దోஉయం సంచరత్యేష మానవః ॥ 14 ॥

సర్వవిద్యానిధిరయం భవేద్వాగీశ్వరేశ్వరః
బ్రహ్మరాక్షసభేతాళభూతప్రేత పిశాచకైః ॥ 15 ॥

జ్వలన్వహ్న్యాదివత్త్రస్తై ర్వీక్ష్యతే భూతపూర్వకైః
పరమం యోగమాప్నోతి దివ్యజ్ఞానం సమశ్నుతే ॥ 16 ॥

పుత్రాన్‌ పౌత్రానవాప్నోతి శ్రీం విద్యాం కాంతిమవ్యయాం
తద్భార్యా దుర్భగా చాపి కాంత్యా రతిసమాభవేత్‌ ॥ 17 ॥

సర్వాన్‌ కామానవాప్నోతి మహాభోగాన్‌ సుదుర్లభాన్‌
ముక్తిమంతే సమాప్నోతి సాక్షాత్పరశివోభవేత్  ॥ 18 ॥

వామదేవ ఉవాచ :
భగవన్‌ యోగినాం శ్రేష్ఠ సర్వకామ ఫలప్రదం
కులపూజావిధిం బ్రూహి కృపయా మే జగద్గురో ॥ 19 ॥

శ్రీ దత్తాత్రేయ ఉవాచ :
అహోభాగ్యం తవ బ్రహ్మన్‌ కులపూజారతం మనుః
యత్పృష్టవాంస్తు యోగీశ తచ్చృుణుష్వ మునీశ్వర ॥ 20 ॥

విధానం కుల పూజాయాః వక్ష్యామి భువి దుర్లభం
యస్య శ్రవణమాత్రేణ జీవన్ముక్తో నరో భవేత్‌ ॥ 21 ॥

నిత్యం ప్రాతస్సముత్థాయ లలితాస్మరణం చరేత్‌
అనంతరం జపేదేతచ్ఛ్రీగురుస్తోత్రముత్తమమ్‌ ॥ 22 ॥

సహస్రదళసంయుక్తపద్మస్థం కరుణానిధిం
నమామి శ్రీ గురుం దేవం దక్షిణామూర్తి రూపిణీమ్‌ ॥ 23 ॥

పూర్ణచంద్రప్రతీకాశం వదనాంభోజశోభితం
సర్వకామప్రదం పుంసాం శ్రీగురుం ప్రణమామ్యహమ్‌ ॥ 24 ॥

శుద్ధస్ఫటిక సంకాశం బిభ్రాణంభయం సదా
భక్తానాం ముక్తిదం వందే గురుమాత్మ స్వరూపిణమ్‌ ॥ 25 ॥

జ్ఞానముద్రాలసద్బాహుం బిభ్రాణం స్వర్ణమాలికాం
నమామ్యరుణనేత్రాంతం గురుం పరశివాత్మకమ్‌ ॥ 26 ॥

నృకపాలం మధూపేతం బిభ్రాణం జగదీశ్వరం
దివ్యాలంకారసంయుక్తం నమామి గురుమవ్యయమ్‌ ॥ 27 ॥

దివ్యవస్త్రపరీధానం దివ్యమాల్యవిభూషితం
దివ్యచందన భూషాంగం శరనం శ్రీగురుం భజే ॥ 28 ॥

మధ్యాహ్నే సూర్యసంకాశం కమలాయతలోచనం
మహాయోగేశ్వరం వన్దే ప్రణమామి గురుం సదా ॥ 29 ॥

ఏతచ్ఛ్రీ గురురూపస్య శివస్య పరమాత్మనః
స్తోత్రముక్తం మహాపుణ్యం మహాపాతకనాశనమ్‌ ॥ 30 ॥

వీరహత్యావినిర్ముక్తశ్శతావృత్త్యా పఠన్‌ ద్విజః
వీరద్రవ్యాపహారాదిపాపం ఝటితి నాశయేత్‌ ॥ 31 ॥

వీరస్త్రీగమనాత్పాపం దశావృత్త్యా వినశ్యతి
పరస్త్రీ గమనాత్పాపం షడావృత్త్యా వ్యపోహతి ॥ 32 ॥

వాజపేయసహస్రస్య లభేత్పుణ్యం దినేదినే
మహేశ్వర మహాపాపైః పశుపాశైర్విముచ్యతే ॥ 33 ॥

బ్రహ్మజ్ఞానం సమఖ్యేత్య తరేత్స తు న సంశయః ॥ 34 ॥

॥ ఇతి శ్రీ మహాగమరహస్యే దత్తాత్రేయవామదేవ 

సంవాదే సప్తమ పరిచ్చేదే శ్రీ మాతంగీ కవచం ॥ 

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం

Sri Matangi Devi Kavacham 1 - శ్రీ మాతంగి దేవి కవచం- 1

శ్రీ మాతంగీ దేవి కవచం- 1

శ్రీ దేవ్యువాచ :
సాధు సాధు మహాదేవ కథయస్వ సురేశ్వర
మాతంగీ కవచం దివ్యం సర్వసిద్ధికరం నృణామ్‌ ॥ 01 ॥

శ్రీ మహేశ్వర ఉవాచ :
శృణుదేవి ప్రవక్ష్యామి మాతంగీకవచం శుభం
గోపనీయం మహాదేవి మౌనిజాప్యం సమాచరేత్‌ ॥ 02 ॥

ఓం అస్య శ్రీ మాతంగీకవచస్య దక్షిణామూర్తి ఋషిః విరాట్ఛందో
మాతంగీ దేవతా చతుర్వర్గసిద్ధ్యర్థే శ్రీమాతంగీ కవచ పాఠే వినియోగః

ఓం శిరో మాతంగినీ పాతు భువనేశీ తు చక్షుషీ
కుండలా కర్ణయుగళం త్రిపురా వదనం మమ ॥ 03 ॥

పాతు కంఠే మహామాయా హృది మహేశ్వరీ తథా
త్రిపుష్పా పార్శ్వయోః పాతు గుదే కామేశ్వరీ మమ ॥ 04 ॥

ఊరుద్వయే తథా చండీ జంఘయోశ్చ హరిప్రియా
మహామాయా పాదయుగ్మే సర్వాంగే నకులేశ్వరీ ॥ 05 ॥

అంగం ప్రత్యంగకం చైవ సదా రక్షతు వైష్ణవీ
బ్రహ్మరంధ్రే సదా రక్షేన్మాతంగీ నామ సంస్థితా ॥ 06 ॥

లలాటే రక్షయేన్నిత్యం మహాపైశాచినీతి చ
నేత్రాభ్యాం సుముఖీ రక్షే ద్దేవీ రక్షతు నాసికామ్‌ ॥ 07 ॥

మహాపిశాచినీ పాయాన్ముఖే రక్షతు సర్వదా
లజ్జా రక్షతు మాం దంతే చోష్ఠౌసమ్మార్జనీ కరీ ॥ 08 ॥

చిబుకే కంఠదేశే తు చకారత్రితయం పునః
సవిర్గం మహాదేవీ హృదయం పాతు సర్వదా ॥ 09 ॥

నాభిం రక్షతు మాలోలా కాళికావతు లోచనే
ఉదరే పాతు చాముండా లింగే కాత్యాయనీ తథా ॥ 10 ॥

ఉగ్రతారా గుదే పాతు పాదౌ రక్షతు చాంబికా
భజౌ రక్షతు శర్వాణీ హృదయం చండభూషణా ॥ 11 ॥

జిహ్వాయాం మాతృకా రక్షేత్‌ పూర్వే రక్షతు పుష్టికా
విజయా దక్షిణే పాతు మేథా రక్షతు వారుణే ॥ 12 ॥

నైరృత్యాం సుదయా రక్షేద్వాయవ్యాం పాతు లక్షణా
ఐశాన్యాం రక్షయేద్దేవీ మాతంగీ శుభకారిణీ ॥ 13 ॥

రక్షేత్సురేశా చాగ్నేయే బగళా పాతు చోత్తరే
ఊర్ధ్వం పాతు మహాదేవీ దేవానాం హితకారిణీ ॥ 14 ॥

పాతాళే పాతు మాం నిత్యం వశినీ విశ్వరూపిణీ
ప్రణవం చ తతో మాయా కామబీజం చ కూర్చకమ్‌ ॥ 15 ॥

మాతంగినీ జేయుతాస్త్రం వహ్నిజాయావధిర్మనుః
సార్థైకాదశవర్ణోஉసౌ సర్వత్ర పాతు మాం సదా ॥ 16 ॥

ఇతి తే కథితం దేవి గుహ్యాద్గుహ్యతరం పరమ్‌
త్రైలోక్యమంగళం నామ కవచం దేవదుర్లభమ్‌ ॥ 17 ॥

య ఇదం ప్రపఠేన్నిత్యం జాయతే సంపదాలయమ్‌
పరమైశ్వర్య మతులం ప్రాప్నుయాన్నాత్ర సంశయః ॥ 18 ॥

గురుమభ్యర్చ్య విధివత్కవచం ప్రపఠేద్యది
ఐశ్వర్యం సుకవిత్వం చ వాక్సిద్ధిం లభతే ధ్రువమ్‌ ॥ 19 ॥

నిత్యం తస్య తు మాతంగీ మహిళా మంగళం చరేత్‌
బ్రహ్మా, విష్ణుశ్చ రుద్రశ్చ యే దావస్సురసత్తమాః ॥ 20 ॥

బ్రహ్మరాక్షసభేతాళా గ్రహాద్యా భూతజాతయః
తం దృష్ట్వా సాధకం దేవి లజ్జాయుక్తా భవంతి తే ॥ 21 ॥

కవచం ధారయేద్యస్తు సర్వసిద్ధిం లభేద్ధ్రువమ్‌
రాజానోஉపిచ దాసత్వం షట్కర్మాణి చ సాధయేత్‌ ॥ 22 ॥

సిద్ధో భవతి సర్వత్ర కిమన్యైర్భహుభాపషితైః
ఇదం కవచమజ్ఞాత్వా మాతంగీం యో భజేన్నరః ॥ 23 ॥

అల్పాయుర్నిర్ధనో మూర్ఖో భవత్యేన న సంశయః
గురౌభక్తి స్సదా కార్యా కవచే చ ధృఢామతిః ॥ 24 ॥

తసై మాతంగినీ దేవీ సర్వసిద్ధిః ప్రయచ్చతి ॥ 25 ॥

॥ ఇతి నంద్యావర్తే ఉత్తరఖండే త్వరితఫలదాయినీ 

శ్రీ మాతంగీ కవచం సమాప్తం ॥

శ్రీ మాతంగి మహా విద్యా

దశ మహా విద్యలు

నిత్య స్తోత్రావళి

పంచాంగం