కంటి నఖిలాండ తతి కర్తనధికుని గంటి
తాళం: ఆది
రాగం: బృందావన సారంగ(మేళకర్త 22, ఖరహరప్రియ జన్యరాగ )
రూపకర్త: అన్నమాచార్య
ఆరోహణ: స రి2 మ1 ప ని3 స
అవరోహణ: స ని2 ప మ1 రి2 గ2 స
పల్లవి
కంటి నఖిలాండ తతి కర్తనధికుని గంటి |
కంటి నఘములు వీడుకొంటి నిజమూర్తి గంటి ||
చరణము
మహనీయ ఘన ఫణామణుల శైలము గంటి |
బహు విభవముల మంటపములు గంటి |
సహజ నవరత్న కాంచన వేదికలు గంటి |
రహి వహించిన గోపురములవె కంటి ||
పావనంబైన పాపవినాశము గంటి |
కైవశంబగు గగన గంగ గంటి |
దైవికపు పుణ్యతీర్థములెల్ల బొడగంటి |
కోవిదులు గొనియాడు కోనేరి గంటి ||
పరమ యోగీంద్రులకు భావగోచరమైన |
సరిలేని పాదాంబుజముల గంటి |
తిరమైన గిరిచూపు దివ్యహస్తము గంటి |
తిరు వేంకటాచలాధిపు జూడగంటి ||
No comments:
Post a Comment