పల్లవి
సువ్వి సువ్వి సువ్వాలమ్మా
నవ్వుచు దేవకి నందను గనియె ||
చరణములు
శశి వొడచె అలసంబులు గదచె
దిశ దేవతల దిగుల్లు విడచె ||
కావిరి విరసె కంసుడు గినిసె
వావిరి పువ్వుల వానలు గురిసె ||
గతి సేసె అటు గాడిద గూసె
కుతిలకుడిచి జనకుడు నోరు మూసె ||
గగురు పొడిచె లోకము విధి విడిచె
మొగులు గురియగ యమునపై నదచె ||
కలిజారె వేంకటపతి మీరె
అలమేల్మంగ నాంచారమ్మకలుకలు తీరె ||
No comments:
Post a Comment