ALARULU KURIYAGA అలరులు గురియగ నాడెనదే

తాళం : ఆది
రాగం: శంకరాభరణం (మేళకర్త 29, ____ జన్యరాగ )
రూపకర్త : అన్నమాచార్య

ఆరోహణ : స రి2 గ3 మ1 ప ద2 ని3 స

అవరోహణ: స ని3 ద2 ప మ1 గ3 రి2 స

పల్లవి 

అలరులు గురియగ నాడెనదే |

అలకల గులుకుల నలమేలుమంగ ||

చరణములు 

అరవిరి సొబగుల నతివలు మెచ్చగ

అర తెర మరుగున నాడె నదే |

వరుసగ పూర్వదు వాళపు తిరుపుల

హరి గరగింపుచు నలమేలుమంగ ||

మట్టపు మలపుల మట్టెలకెలపుల

తట్టెడి నడపుల దాటెనదే |

పెట్టిన వజ్రపు పెండెపు దళుకులు

అట్టిట్టు చిమ్ముచు నలమేలుమంగ ||

చిందుల పాటల శిరిపొలయాటల

అందెల మ్రోతల నాడె నదే |

కందువ తిరువెంకటపతి మెచ్చగ

అందపు తిరుపుల నలమేలుమంగ ||