పల్లవి
కొలిచిన వారల కొంగుపైడితడు
బలిమి తారక బ్రహ్మమీతడు ||
చరణములు
ఇనవంశాంబుధి నెగసిన తేజము
ఘనయజ్ఞంబుల గల ఫలము |
మనుజరూపమున మనియెడి బ్రహ్మము
నినువుల రఘుకుల నిధానమీతడు ||
పరమాన్నములోపలి సారపుజవి
పరగినదివిజుల భయహరము |
మరిగినసీతా మంగళసూత్రము
ధరలో రామావతారంబితడు ||
చకితదానవుల సంహారచక్రము
సకల వనచరుల జయకరము |
వికసితమగు శ్రీవేంకట నిలయము
ప్రకటిత దశరథ భాగ్యంబితడు ||
No comments:
Post a Comment