Ashwini - అశ్విని

అశ్విని

1. అశ్వని నక్షత్రము

అశ్వని నక్షత్రము కొన్ని వివరణలు

నక్షత్రం - అశ్వని
రాశి - మేషం
అధిపతి - కేతువు
గణము - దేవ
జాతి - పురుష
వృక్షం - అడ్డరస
జంతువు - గుర్రం
నాడి - ఆది
పక్షి - గరుడ
అధిదేవత - అశ్వినీదేవతలు

అశ్వని నక్షత్ర నాలుగు పాదాలకు అంశ గుణాలు :
1) తస్కరాంశ : అశ్వని నక్షత్ర ప్రధమ పాదం కుజుడిది. ఈ జాతకులు మంచి సంపద, భోగాలను అనుభవించువాడు, లోభ గుణం కలవాడు,

2) భోగ్యాంశ : అశ్వని నక్షత్ర ద్వితీయ పాదం శుక్రుడిది. ఈ జాతకులు తేజస్సు కలవాడు, ధన, ధాన్యాభివృద్ధి కలవాడు, దాన గుణం కలవాడు అగును.

3) విచక్షణాంశ : అశ్వని నక్షత్ర తృతీయ పాదం బుధుడిది. ఈ జాతకులు సమస్త భోగాలు కలవారు, ప్రతి పనిని సాధించువాడు, పనులను నేర్పుతో చేయువాడు అగును.

4) ధర్మాంశ : అశ్వని నక్షత్ర చతుర్ధ పాదం చంద్రుడిది. ఈ జాతకులు భగవంతుడి పైన భక్తి కలవాడు, పూజలు చేయువాడు, సంధ్యావందన తత్పురుడును, నిత్యం ధర్మ కార్యాచరణలో ఉండువారు అగును.

నక్షత్రం - అధిపతులు

నామం - 1 పాదం - 2 పాదం - 3 పాదం - 4 పాదం

అశ్విని - కుజుడు - శుక్రుడు - బుధుడు - చంద్రుడు

అశ్విని 1వ పాదములో జన్మంచిన పిల్లల వలన తండ్రికి దోషం. ఈ దోషము 3 నెలలు ఉండును. ఇక్కడ గమనించవలసిన విషయము రేవతి, అశ్విని నక్షత్రముల మధ్య సుమారు 48 నిమిషములు సంధి కాలము ఉంటుంది. ఈ సంధి సమయములో జన్మించిన శిశువుకు ఆయుర్దాయము తక్కువగా ఉంటుంది. అశ్విని 2,3,4 పాదములలో జన్మించిన వారికి దోషములేదు.

నక్షత్రాలు - శాంతులు
ప్రతి నక్షత్రంలో పుట్టిన జాతకుడు కొన్ని దానాలు చేయడం వలన ఆ జాతకుడి భవిష్యత్తు ఆనందకరంగా ఉంటుంది అని అంటారు. అలాగే నక్షత్ర శాంతికి హోమాలు, జపాలు చేయించుకోవలసి ఉంటుంది. అవి చాలా వ్యయ ప్రయాసలతో కూడుకొని ఉంటాయి. అలా చేయించుకోలేని వారి కోసం తంత్ర శాస్త్రం ప్రకారం ఈ పరిష్కారాలు చెప్పటం జరిగింది.

అశ్వని: వాయువ్యంలో గుఱ్ఱపు బొమ్మ లొహంతో చేసినది పెట్టడం మంచిది.

॥ ఓం॥
తదశ్వినావశ్వయుజోపయాతామ్ ।
శుభంగమిష్టౌ సుయమేభిరశ్వై: ।
స్వం నక్షత్రగ్మ్ హవిషా యజ౦తౌ ।
మధ్వాసంపృక్తౌ యజుషాసమక్తౌ ।
యౌ దేవానాం భిషజౌ హవ్యవాహౌ ।
విశ్వస్య దూతావమృతస్య గోపౌ ।
తౌ నక్షత్రం జుజుషాణోపయాతామ్ ।
నమో శ్విభ్యాం కృణుమో శ్వయుగ్భ్యామ్ ॥

నక్షత్రాల మంత్రాలను వారి వారి నక్షత్రాలను బట్టి రోజూ 11 సార్లు పఠించటం వల్ల సర్వశుభాలు కలుగుతాయి.

అశ్వని నక్షత్ర జాతకుల గుణగణాలు :
అశ్వత్థామ ఈ అశ్వని నక్షత్రం నందు జననం పొందినాడని ప్రతీతి. సువర్ణ దానం మంచిది. రెవత్యేశివని యేర్మధ్యే పితృగాండా: ప్రకీర్తితా: కావున అశ్వని ప్రథమ పాదంలో పుడితే యథావిధిగా హోమ శాంతి చేయాలి. ఏ పాదంలో జననం కలిగినా ఎక్కువ ఆయుర్ధాయం కలవారు వీరు.

ఏకాగ్రత నక్షత్రములో మొదటిదైన అశ్వని నక్షత్రంలో పుట్టిన జాతకులు స్వశక్తితో అంచెలంచెలుగా ఎదిగి ఉన్నత స్థానాన్ని సొంతం చేసుకుంటారని జ్యోతిష్య నిపుణులు అంటున్నారు. అశ్వనీ నక్షత్ర అధిదేవత అశ్వినీ దేవతలు. వీరు సూర్య భగవానునికి మరియు ఇతని భార్య సంజ్ఞ దేవికి పుట్టినవారు అశ్వని దేవతలు. ఈ నక్షత్రం సన్య నక్షత్రంగా క్షిపు తారగా పురుష లక్షణంగా వుంది. దీనికి అధిష్టాన దేవత కేతువు. ఈ నక్షత్రంలో జన్మించినవారు శివుడి అర్చన చేస్తే మంచిది.

అశ్వనీ నక్షత్రజాతకులు అశ్వమువలె ఉత్సాహవంతులుగా ఉంటారు. వీరికి పోటీ మనస్తత్వము అధికము. క్రీడల అందు ఆసక్తి అధికము. అశ్వినీదేవతలు శస్త్రచికిత్స, ఆయుర్వేద వైద్యములో నిపుణులు కనుక అశ్వనీ నక్షత్ర జాతకులు ఆయుర్వేదము వంటి వైద్యము నందు ఆసక్తి కలిగి ఉంటారు. వీరు ఉద్రేకపూరిత మనస్తత్వము కలిగి ఉంటారు.

రాశ్యాధిపతి కుజుడు కనుక వీరికి ధైర్యసాహసాలు అధికం. ఎటువంటి పరిస్థితులనైనా మనోధైర్యంతో ఎదుర్కొనగలరు. ఓర్పు, నేర్పు, సామర్థ్యంతో కార్యనిర్వహణ చేస్తారు. ఉత్సాహవంతులుగా ఉంటారు. పోటీ మనస్త్వంతో విజయం వైపు అడుగులు వేస్తారు. వీరు ఇతరుల సలహాలు విన్నా తమకు నచ్చినట్లు నిర్ణయము తీసుకుంటారు.

ఈ నక్షత్రము దేవగణ నక్షత్రము కనుక న్యాయము, ధర్మము పాటించడములో ఆసక్తి కనపరుస్తారు. వీరు రుజువర్తనులై ఉంటారు. వీరికి నాయకత్వ లక్షణాలు అధికం కనుక అధికారులుగా చక్కగా రాణిస్తారు.

నక్షత్రాధిపతి కేతువు కనుక వైరాగ్యము, దైవోపాసనా, భక్తి వంటి లక్షణాలు వీరికి అధికము. కొంత అలసత్వము కలిగి ఉండడము సహజమే. తాము అనుకున్నది సాధించాలన్న పట్టుదల అధికమే. ఇతరులకు లొంగి పనిచేయడం వీరికి నచ్చదు. అన్ని విషయాలలో ఆధిపత్య మనస్తత్వము కలిగి ఉంటారు.

క్రీడాకారులుగా, వైద్యులుగా, సైనికపరమైన ఉద్యోగులుగా చక్కగా రాణించగలరు. ఇవి అశ్వనీ నక్షత్ర జాతకుల సాధారణ గుణాలు అయినా జాతకచక్రము, లగ్నము, పుట్టిన సమయము, మాసముల వలన గుణగణాలలో మార్పులు ఉంటాయి. ఈ నక్షత్ర జాతకులకు 45 సంవత్సరముల వరకు జీవితము సాఫీగా జరుగుతుంది. బాల్యము నుండి యుక్తవయస్కులు అయ్యే వరకు వీరికి జీవితము వీరికి ఆనందదాయకముగా జరుగుతుంది.

అశ్వని నక్షత్ర జాతకులకు అదృష్ట సంఖ్య 9. ఇంకా 9, 18, 27, 36, 45, 54, 63, 72 అనే సంఖ్యలు కూడా శుభ ఫలితాలనిస్తాయి. అలాగే అశ్వని నక్షత్ర జాతకులకు మంగళవారం అన్ని విధాలా అనుకూలిస్తుంది. బుధవారం, ఆదివారాల్లో శుభకార్యాలు ఆరంభించడం మంచిది. అయితే గురువారం మాత్రం అశ్వని నక్షత్ర జాతకులకు ఏ మాత్రం కలిసిరావడం కష్టం.

ఈ నక్షత్రము దేవగణ నక్షత్రము కనుక న్యాయం, ధర్మము పాటిస్తారు. వీరికి నాయకత్వ లక్షణాలు అధికం కనుక రాజకీయ నాయకులుగా, అధికారులుగా చక్కగా రాణిస్తారు. నక్షత్రాధిపతి కేతువు కనుక వైరాగ్యం, దైవోపాసనా, భక్తి వంటి లక్షణాలు వీరికి అధికం. తాము అనుకున్నది సాధించాలన్న పట్టుదల ఉంటుంది. ఇతరుల కింద పనిచేయడం వీరికి నచ్చదు. అన్ని విషయాలలో ఆధిపత్య మనస్తత్వం కలిగి ఉంటారు. ఈ నక్షత్ర జాతకులకు కటి ప్రదేశంలో మత్స్య రేఖలు ఉండవచ్చు.

అశ్వని నక్షత్ర జాతకులు చాలా శక్తివంతంగాను మరియు చురుకుగాను ఉంటారు. అదనంగా, మీరు ఎల్లప్పుడూ ఉత్సాహంగా ఉంటారు. ప్రాథమిక విషయాలు ఎన్నడూ వీరికి సంతృప్తిని ఇవ్వవు. ప్రతి పనిని కూడా వేగంగా పూర్తి చేసే అలవాటును కలిగి ఉంటారు. వేగం, శక్తి మరియు చురుకుదనం అనేవి వీరిలో స్పష్టంగా ఉంటాయి. వీరికి ఎప్పుడైనా ఏదైనా ఆలోచన వస్తే, వెంటనే అమలు చేయాలని నిర్ణయం తీసుకుంటారు. వీరు కాస్తంత క్రీడాస్ఫూర్తిని కలిగి ఉంటారు మరియు వీరు తెలివైన వారు కూడా.

ప్రతి విషయాన్ని బాగా అర్థం చేసుకున్న తరువాత వీరు చాలా తెలివైన నిర్ణయాలు తీసుకుంటారు. వీరు చాలా నిర్భయంగాను మరియు సాహసోపేతంగా ఉంటారు, కానీ వీరు తప్పనిసరిగా తమ కోపాన్ని నియంత్రించుకోవాలి. శత్రువులు వీరికి ఎన్నడూ సమస్యలను కలిగించలేరు, ఎందుకంటే వారితో ఎలా వ్యవహరించాలనే విషయం వీరికి సహజసిద్ధంగానే తెలుసు.

అధికారం, ఒత్తిడి లేదా మరేదైనా వీరిని నియంత్రించలేదు, కేవలం ప్రేమ మరియు అభిమానం ద్వారా మాత్రమే వీరిని గెలవవచ్చు. వీరు ఎన్నడూ వేగవంతమైన నిర్ణయాలు తీసుకోరు. ఒక విషయం గురించి లోతైన విశ్లేషణ చేసిన తరువాత మాత్రమే వీరు నిర్ణయాలు తీసుకుంటారు, మరియు వీరు ఏదైనా నిర్ణయం తీసుకున్న తరువాత, వారి అభిప్రాయాన్ని మార్చడం అంత తేలిక కాదు. ఇతరుల యొక్క ప్రభావంతో నిర్ణయాలు మార్చుకునే స్వభావం వీరికి ఉండదు. వీరు తమ పనుల్ని ఎలా పూర్తి చేయాలో వీరికి బాగా తెలుసు. వీటన్నింటిని మించి, వీరు ఒక అద్భుతమైన స్నేహితుడిగా రుజువు చేసుకుంటారు.

వీరు ఇష్టపడే వారి కోసం వీరు ఏదైనా చేస్తారు. ఎవరైనా బాధపడుతున్నట్లుగా వీరు చూస్తే, వారికి సాధ్యమైనంత వరకు సహాయం చేయడానికి వీరు ప్రయత్నిస్తారు. పరిస్థితి ఎంత క్లిష్టంగా ఉన్నప్పటికీ కూడా వీరు సహనంగా ఉంటారు మరియు వీరికి దేవుడిపై అచంచల నమ్మకం ఉంటుంది. సంప్రదాయల పట్ల వీరికి ప్రేమ ఉండటం వల్ల, వీరు ఆధునీకీకరణను వ్యతిరేకిస్తారు. వీటన్నింటికి అదనంగా, వీరు తమ పరిసరాలను శుభ్రంగాను మరియు నిర్వహించుకునే విధంగా ఉంచుకుంటారు.

అశ్వని నక్షత్ర నాలుగు పాదాల వారి గుణగణాలు

అశ్వని 4 పాదాలు మేష రాశిలోనే ఉన్నాయి :

అశ్వని నక్షత్రం మొదటి పాదం
అశ్వని నక్షత్రం తొలి పాదంలో పుట్టిన వారి నక్షత్ర అధిపతి కుజుడు. వీరు శక్తికి మించిన సామర్థ్యం ప్రదర్శించాలని ప్రయత్నిస్తారు. అస్థిర చిత్తంతో ఉంటారు. కొన్నిసార్లు రాజీ ధోరణితో ఉండాల్సిన పరిస్థితి ఉంటుంది. అనవసర విషయాలపై దృష్టి పెడతారు. సమాజంలో మంచి గుర్తింపు, గౌరవం పొందాలన్న తాపత్రయం ఉంటుంది.

మొదటి పాదం వారు దర్శనీయ క్షేత్రం :
తమిళనాడులోని తిరుతురైపూండి సమీపంలో ఉన్న శ్రీ పిరవి ముందీశ్వరర్ (శివాలయం) ని దర్శించడం వల్ల నక్షత్ర దోషాలు తొలగిపోతాయి.

మొదటి పాదం గ్రహ దశలు :
పుట్టినప్పటి నుంచి కేతు మహర్దశ 7 సంవత్సరాలు, శుక్ర మహర్దశ ఇరవై సంవత్సరాలు, రవి మహర్దశ ఆరు సంవత్సరాలు, చంద్ర మహర్దశ పది సంవత్సరాలు, కుజ మహర్దశ ఏడు సంవత్సరాలు ఉంటుంది.

అశ్వని నక్షత్రం రెండో పాదం
అశ్వని నక్షత్రం రెండవ పాదంలో పుట్టిన వారి నక్షత్ర అధిపతి కుజుడు. నవాంశ రాశ్యధిపతి శుక్రుడు. వీరు పట్టుదల గలవారు. ఎదుటి వ్యక్తుల స్వభావాన్ని వెంటనే గ్రహించే నేర్పు ఉంటుంది. చాలా విషయాల్లో చురుగ్గా వ్యవహరిస్తారు. మొదలు పెట్టిన కార్యాన్ని సాధించడంలో అనుకూలమైన మార్గాన్ని ఎంచుకుంటారు. మంచి ఆత్మవిశ్వాసం గలవారై ఉంటారు.

రెండో పాదం వారు దర్శనీయ క్షేత్రం :
ఆంధ్రప్రదేశ్ లోని ఉప్పుమిల్లి భవానీ శంకర లింగం క్షేత్రాన్ని దర్శించడం విశేష ఫలితాలను ఇస్తుంది.

రెండో పాదం గ్రహ దశలు :
వీరు పుట్టినప్పటి నుంచి కేతు దశ ఐదు సంవత్సరాల మూడు నెలలు. శుక్ర మహర్దశ ఇరవై సంవత్సరాలు. రవి మహర్దశ ఆరు సంవత్సరాలు. చంద్ర మహర్దశ 10 సంవత్సరాలు, కుజ మహర్దశ 7 సంవత్సరాలు అనుభవిస్తారు.

అశ్వని నక్షత్రం మూడో పాదం
అశ్వని మూడో పాదంలో జన్మించినవారు ప్రాచీన శాస్త్రాలను ఇష్టపడతారు. ముఖ్యంగా జ్యోతిష్య, తర్కశాస్త్రాలపై మక్కువ ఉంటుంది. చక్కటి సలహాలు ఇవ్వడంలో నేర్పరులు. అయితే ఆ సలహాల వల్ల తమకు తాము ఎలాంటి లాభాన్ని పొందలేరు.

మూడో పాదం వారు దర్శనీయ క్షేత్రం :
శ్రీ పిరవి మరుందీశ్వరర్ ఆలయం (తమిళనాడు, తిరుతురైపూండి) క్షేత్రం అత్యంత ప్రధానమైన క్షేత్రం. ఇక్కడ శివుడిని దర్శించడం వల్ల నక్షత్ర దోషాలు తొలగిపోతాయని నమ్ముతారు.

మూడో పాదం గ్రహ దశలు :
పుట్టినప్పటి నుంచి కేతు మహర్దశ మూడున్నర సంవత్సరాలు, శుక్ర మహర్దశ ఇరవై సంవత్సరాలు. రవి మహర్దశ ఆరు సంవత్సరాలు. చంద్ర మహర్దశ పది సంవత్సరాలు, కుజ మహర్దశ ఏడు సంవత్సరాలు, రాహు దశ 18 ఏళ్ల పాటు అనుభవిస్తారు.

అశ్వని నక్షత్రం నాలుగో పాదం
అశ్వని నాలుగో పాదంలో జన్మించిన వారు కళాత్మకంగాను, అలంకార ప్రియులుగానూ, నిదానమైన ప్రవర్తనతోనూ ఉంటారు. గాఢమైన ఆలోచనలు కలిగి మేధావులుగా గుర్తింపు పొందుతారు. నిరంతరం కొత్త విషయాలపై ఆసక్తి చూపిస్తారు. లక్ష్యసాధనలో వెనుకడుగు వేయరు. అయినా వీరికి ఫలితం సునాయాసంగా అందదు. శ్రమ పడాల్సిన అవసరం ఉంటుంది.

నాల్గవ పాదం వారు దర్శించవలసిన క్షేత్రం :
ఈ పాద జాతకులు దుగ్గుదుర్రులోని శ్రీపార్వతీ సమేత మల్లేశ్వరస్వామి వారిని అర్చించుకొంటే శుభమని చెబుతారు.

నాలుగో పాదం గ్రహ దశలు :
పుట్టినప్పటి నుంచి కేతు మహర్దశ 7 సంవత్సరాల 9 నెలలు, శుక్ర మహర్దశ ఇరవై సంవత్సరాలు. రవి మహర్దశ ఆరు సంవత్సరాలు. చంద్ర మహర్దశ 10 సంవత్సరాలు, కుజ మహర్దశ ఏడు సంవత్సరాలు, రాహు దశ 18 సంవత్సరాలు అనుభవిస్తారు.

అదృష్ట సంఖ్యలు : 1, 4, 5, 9
మణి : వైఢూర్యం/రత్నం
వారములు : ఆదివారము, బుధవారము, శుక్రవారము
ఫలములు : ఏకాగ్రత.

అశ్వని నక్షత్ర జాతకులు పెంచవలసిన వృక్షములు:
అశ్వని నక్షత్రం వారు విషముష్టి లేదా జీడిమామిడిని పెంచడం, పూజించడం వలన జననేంద్రియాల, మరియు చర్మ సంబంధిత సమస్యల నుండి ఉపశమనం పొందవచ్చు. ఈ చెట్లని పెంచి పూజించడం ద్వారా సంతాన అభివృద్ధి కలుగుతుంది. అలాగే, అన్ని విషయాలలోనూ సూటిగా వ్యవహరించడం, సమయాన్ని వృధా చేయకుండా అన్ని పనులను సమర్ధవంతంగా నిర్వహించడం కొరకు చక్కగా ఉపయోగపడుతుంది.

అశ్వినీ నక్షత్ర జాతకులకు తారాఫలాలు:
తార నామం - తారలు - ఫలం
జన్మ తార - అశ్వని, మఖ, మూల - శరీరశ్రమ
సంపత్తార - భరణి, పూర్వఫల్గుణి, పూర్వాషాఢ - ధన లాభం
విపత్తార - కృత్తిక, ఉత్తరఫల్గుణి, ఉత్తరాషాఢ - కార్యహాని
క్షేమత్తార - రోహిణి, హస్త, శ్రవణం - క్షేమం
ప్రత్యక్ తార - మృగశిర, చిత్త, ధనిష్ట - ప్రయత్న భంగం
సాధన తార - ఆరుద్ర, స్వాతి, శతభిష - కార్య సిద్ధి, శుభం
నైత్య తార - పునర్వసు, విశాఖ, పూర్వాభాద్ర - బంధనం
మిత్ర తార - పుష్యమి, అనూరాధ, ఉత్తరాభాద్ర - సుఖం
అతిమిత్ర తార - ఆశ్లేష, జ్యేష్ట, రేవతి - సుఖం, లాభం

అశ్వము (గుఱ్ఱం):అశ్విని నక్షత్రానికి ముఖ్యమైన చిహ్నం గుఱ్ఱము ఇది వేగం, చురుకుదనం, శక్తిని సూచిస్తుంది. అశ్వినీ దేవతలు గుఱ్ఱపు తలలతో ఉన్న వైద్య దేవతలుగా పేర్కొనబడతారు.

ఆధ్యాత్మిక చిహ్నం:ఈ నక్షత్రానికి శివుడు అధిపతి కావడంతో, ఓం లేదా శివలింగం కూడా ఒక ఆధ్యాత్మిక ప్రతీకగా ఉపయోగిస్తారు.

ఆధ్యాత్మిక అభివృద్ధి: అశ్వినులు దేవతల వైద్యులు కాబట్టి, ఈ నక్షత్రం వారికి ధ్యానం, పూజలు, మంత్రోచ్చారణ వంటి కార్యక్రమాల ద్వారా అంతరంగిక శక్తి పెరుగుతుంది.

ఆరోగ్య లాభాలు: అశ్విని నక్షత్రంలో జన్మించినవారు లేదా దీని సమయాన పూజలు చేసినవారికి శరీరారోగ్యం మెరుగవుతుంది. రోగనిరోధక శక్తి పెరుగుతుంది.

దుష్ట ప్రభావాల నివారణ: శని, రాహు వంటి దోషాల నివారణకు ఈ నక్షత్ర సమయములో రుద్రాభిషేకం లేదా హనుమాన్ పూజ లాంటి ఆధ్యాత్మిక చర్యలు మంచివిగా పరిగణించబడతాయి.

ఆర్థిక స్థిరత: అశ్విని దేవతలు శుభలక్షణాలకు ప్రతీకలుగా ఉన్నందున, దీని ప్రభావంలో ఉన్నవారికి ధనం, ఉద్యోగ విజయాలు కలిగే అవకాశం ఉంటుంది.

పరమేశ్వర అనుగ్రహం: అశ్విని నక్షత్రానికి శివుడు అధిపతి. కాబట్టి శివపూజ, శివనామస్మరణ చేస్తే అధిక శుభఫలాలు లభిస్తాయి. అశ్విని నక్షత్ర సమయంలో శివారాధన, హనుమాన్ ఉపాసన చేయడం వల్ల ఆరోగ్యం, ధనం, శాంతి, రక్షణ లభిస్తాయి.

అశ్విని నక్షత్రం వారు దర్శించవలసిన ముఖ్యమైన దేవాలయాలు:

అశ్విని నక్షత్రానికి అధిదేవతలు అశ్విని దేవతలు. ఈ నక్షత్రానికి అధిపతి కేతువు. కాబట్టి ఈ నక్షత్ర జాతకులు కేతు గ్రహ దోష నివారణకు మరియు అశ్విని దేవతల అనుగ్రహం కోసం ఈ క్రింది క్షేత్రాలను దర్శించడం శుభప్రదం. అశ్విని నక్షత్రం వారు దర్శించవలసిన ముఖ్యమైన దేవాలయాల వివరాలు ఇక్కడ ఉన్నాయి:

1. తిరువణ్ణామలై (అరుణాచలం) - తమిళనాడు

అశ్విని నక్షత్రం కేతు గ్రహానికి సంబంధించింది కాబట్టి, కేతు దోషాల నివారణకు అరుణాచలం అత్యంత శక్తివంతమైన క్షేత్రం. ఇక్కడ శివుడు అగ్ని లింగ రూపంలో ఉంటాడు. గిరిప్రదక్షిణం చేయడం వల్ల అశ్విని నక్షత్రం వారికి మానసిక ప్రశాంతత, ఆరోగ్య సిద్ధి కలుగుతాయి.

2. శ్రీ వత్తవనేశ్వర స్వామి ఆలయం (తిరుత్తురైపూండి)

తమిళనాడులోని తిరువారూర్ జిల్లాలో ఉన్న తిరుత్తురైపూండి లోని వత్తవనేశ్వర స్వామి ఆలయం అశ్విని నక్షత్రం వారికి ప్రత్యేకమైనది.

విశిష్టత: ఇక్కడ అశ్విని దేవతలు స్వామివారిని పూజించారని పురాణాలు చెబుతున్నాయి.

3. శ్రీ కాళహస్తి - ఆంధ్రప్రదేశ్: రాహు-కేతు దోష నివారణకు ప్రసిద్ధి చెందిన క్షేత్రం శ్రీకాళహస్తి. అశ్విని నక్షత్ర జాతకులు ఇక్కడ కేతు శాంతి పూజలు లేదా రుద్రాభిషేకం చేయించుకోవడం వల్ల వృత్తి, వ్యాపారాల్లో ఉన్న ఆటంకాలు తొలగిపోతాయి.

4. ఇతర ముఖ్యమైన దేవాలయాలు:

శ్రీ విఘ్నేశ్వర ఆలయం (కాణిపాకం): కేతువుకు గణపతి అధిదేవత. కాబట్టి కాణిపాకం వినాయకుడిని దర్శించడం వల్ల అశ్విని నక్షత్రం వారికి కార్యసిద్ధి కలుగుతుంది.

శ్రీ నవపాషాణ క్షేత్రం (దేవిపట్నం): ఇక్కడ కేతు గ్రహానికి ప్రత్యేక పూజలు నిర్వహించడం శుభప్రదం.

అశ్విని నక్షత్రం వారు చేయవలసిన కొన్ని పరిహారాలు:

మంగళవారం లేదా శనివారం రోజుల్లో కేతువుకు పూజ చేయడం మంచిది.

జ్యోతిషశాస్త్రము

నిత్య స్తోత్రావళి

నిత్య పారాయణ శ్లోకాలు

స్తోత్రాలు

పంచాంగం