చంద్ర
చంద్రారాధన - మనశ్శాంతి మరియు మానసిక బలాన్ని ప్రసాదించే చంద్రుడి పూజా ఫలాలుచంద్రుడిని పూజించడం వల్ల కలిగే ముఖ్య ప్రయోజనాలు..
మానసిక ప్రశాంతత :చంద్రుడు మనస్సుకు అధిపతి. చంద్రుడిని ఆరాధించడం వల్ల ఒత్తిడి, ఆందోళన మరియు అనవసరపు భయాలు తొలగిపోతాయి. మనస్సు నిలకడగా ఉంటుంది.
తరచుగా మనసు మారుతూ ఉండేవారు చంద్రుడిని పూజించడం వల్ల స్థిరమైన ఆలోచనలు పొందుతారు. ఏకాగ్రత మరియు నిర్ణయాధికారం వలన సరైన నిర్ణయాలు తీసుకోవడానికి సహాయపడుతుంది.
జ్యోతిష్యశాస్త్రం ప్రకారం చంద్రుడు మాతృకారకుడు. చంద్రుడి అనుగ్రహం ఉంటే తల్లితో ఉన్న విభేదాలు తొలగి, ఆమె ఆరోగ్యం మెరుగుపడుతుంది మరియు ఆమెతో సత్సంబంధాలు ఏర్పడతాయి.
ఆరోగ్యం: నిద్రలేమితో బాధపడేవారు చంద్రుడిని ప్రార్థించడం వల్ల మంచి ఫలితం ఉంటుంది.
శరీరంపై చంద్రుడి ప్రభావం ఎక్కువగా ఉంటుంది. చంద్రారాధన వల్ల రక్త ప్రసరణ మరియు దేహంలోని ద్రవాల సమతుల్యత బాగుంటుంది.
కళాకారులు, రచయితలు మరియు సృజనాత్మక రంగాల్లో ఉండేవారికి చంద్రుడి అనుగ్రహం చాలా అవసరం. ఇది కొత్త ఆలోచనలను, ఊహాశక్తిని పెంచుతుంది.
దోషాలు నివారణ : శివారాధన, చంద్రుడు శివుని శిరస్సుపై ఉంటాడు, కాబట్టి శివుడిని పూజించడం వల్ల చంద్ర దోషాలు తొలగుతాయి. పౌర్ణమి రోజున చంద్రుడిని చూడటం లేదా వెన్నెలలో గడపడం వల్ల మనస్సు ఉత్తేజితమవుతుంది.
దానాలు : సోమవారం రోజున పాలు, బియ్యం లేదా తెలుపు రంగు వస్త్రాలను మరియు వీలైతే వెండి చంద్రబింబం దానం చేయడం శుభప్రదం.
చంద్ర ధ్యానం
శ్వేతాంబరః శ్వేతవపుః కిరీటీ
శ్వేతద్యుతిర్ధండధరో ద్విబాహుః ।
చంద్రోఽమృతాత్మ వరదః కిరీటీ
శ్రేయాంసి మహ్యం విదధాతు దేవః ॥
బీజమంత్రం:
ఓం శ్రామ్ శ్రీమ్ శ్రౌమ్ సః చంద్రాయ నమః
చంద్ర గాయత్రి:
1.ఓం క్షీర పుత్రాయ విద్మహే
అమృతతత్త్వాయ ధీమహి,
తన్నోశ్చంద్రః ప్రచోదయాత్
2.ఓం పద్మద్వజాయ విద్మహే
హేమ రూపాయ ధీమహి
తన్నో చంద్ర ప్రచోదయాత్.
No comments:
Post a Comment