అఱి ముఱి హనుమంతుడట్టిబంటు
తాళం : ఆది
రాగం : శ్యామ (మేళకర్త 28, హరి కాంభోజి జన్యరాగ )
రూపకర్త : అన్నమాచార్య
ఆరోహణ : స రి2 మ1 ప ద2 స
అవరోహణ: స ద2 ప మ1 గ3 రి2 స
పల్లవి:
అఱి ముఱి హనుమంతుడట్టిబంటు
వెఱుపు లేని రఘువీరునికి బంటు ||
చరణము:
యేలికను దైవముగా నెంచి కాల్చేవాడే బంటు
తాలిమిగలిగిన యాతడే బంటు
పాలు మాలకయే పోద్దుపని సేయువాడే బంటు
వేళగాచుకవుండేటి వెరవరే బంటు||
చెప్పినట్లనే నడచిన యాతడే బంటు
తప్పులేక హితుడై నాతడే బంటు
మెప్పించుక విశ్వాసాన మెలుగువాడే బంటు
యెప్పుడును ద్రోహిగాని హితుడే బంటు||
కాని పనులకు లోనుగాని వాడే బంటు
అనాజ్ఞ మీరనియాతడే బంటు
నానాగతి శ్రీ వేంకటోన్నతుడైన యతనికి
తానిన్నిటా దాసుడైన ధన్యుడే బంటు
No comments:
Post a Comment