అరసినన్ను గాచినాతనికి శరణు
తాళం: ఆది
రాగం: మళహరి (మేళకర్త 15, మాయ మాళవ గౌళ జన్యరాగ )
రూపకర్త: అన్నమాచార్య
ఆరోహణ: స రి1 మ1 ప ద1 స
అవరోహణ: స ద1 ప మ1 గ3 రి1 స
పల్లవి
అరసినన్ను గాచినాతనికి శరణు
పరము నిహము నేలే పతికిని శరణు||
చరణము
వేదములు దెచ్చినట్టివిభునికి శరణు
ఆదిమూలమంటే వచ్చినతనికి శరణు
యేదెసా తానైయున్న యీతనికి శరణు
శ్రీదేవి మగడైన శ్రీపతికి శరణు||
అందరికి ప్రాణమైన అతనికి శరణు
ముందు మూడు మూర్తుల మూర్తికి శరణు
దిందుపడి దేవతల దేవునికి శరణు
అంది మిన్ను నేలనేకమైన తనికి శరణు||
తానే చైతన్యమైన దైవానకు శరణు
నానాబ్రహ్మాండాలనాథునికి శరణు
అనుక శ్రీ వేంకటాద్రి యందునుండి వరములు
దీనుల కిందరి కిచ్చే దేవునికి శరణు||
No comments:
Post a Comment