పల్లవి
ఏలే యేలే మరదలా చాలుజాలు
చాలును చాలు నీతోడి సరసంబు బావ ||
చరణములు
గాటపు గుబ్బలు గదలగ గులికేవు
మాటల దేటల మరదలా |
చీటికి మాటికి జెనకేవే వట్టి
బూటకాలు మానిపోవే బావ ||
అందిందె నన్ను నదలించి వేసేవు
మందమేలపు మరదలా |
సందుకో దిరిగేవి సటకారివో బావ
పొందుగాదిక బోవే బావ ||
చొక్కపు గిలిగింతల చూపుల నన్ను
మక్కువ సేసిన మరదలా |
గక్కున నను వేంకటపతి కూడితి
దక్కించుకొంటివి తగులైతి బావ ||
No comments:
Post a Comment