రాగం:ఆభేరి
తాళం :ఆదితాళం
పల్లవి
ఏమని పొగదుడుమే యికనిను
ఆమని సొబగుల అలమేల్మంగ ||
చరణములు
తెలికన్నుల నీ తేటలే కదవే
వెలయగ విభునికి వెన్నెలలు |
పులకల మొలకల పొదులివి గదవే
పలుమరు పువ్వుల పానుపులు ||
తియ్యపు నీమోవి తేనెలే కదవే
వియ్యపు రమణుని విందులివి |
ముయ్యక మూసిన మొలక నవ్వు గదె
నెయ్యపు గప్పురపు నెరి బాగాలు ||
కైవసమగు నీ కౌగిలే కదవే
శ్రీ వేంకటేశ్వరు సిరి నగరు |
తావు కొన్న మీ తమకములే కదే
కావించిన మీ కల్యాణములు ||
No comments:
Post a Comment