VINNAPAALU VINAVALE విన్నపాలు వినవలె వింత వింతలు

 విన్నపాలు వినవలె వింత వింతలు

తాళం: ఝంప

రాగం: భూపాళం (మేళకర్త 8, తోడి  జన్యరాగ )

రూపకర్త: అన్నమాచార్య

ఆరోహణ: స రి1 గ2 ప ద1 స

అవరోహణ: స ద1 ప గ2 రి1 స

పల్లవి

విన్నపాలు వినవలె వింత వింతలు |

పన్నగపు దోమతెర పైకెత్తవేలయ్యా ||

చరణము

తెల్లవారె జామెక్కె దేవతలు మునులు |

అల్లనల్ల నంతనింత నదిగోవారే |

చల్లని తమ్మిరేకులు సారసపు గన్నులు |

మెల్లమెల్లనె విచ్చి మేలుకొనవేలయ్యా ||

గరుడ కిన్నరయక్ష కామినులు గములై |

విరహపు గీతముల వింతాలాపాల |

పరిపరివిధముల బాడేరునిన్నదివో |

సిరిమొగము దెరచి చిత్తగించవేలయ్యా ||

పొంకపు శేషాదులు తుంబురునారదాదులు |

పంకజభవాదులు నీ పాదాలు చేరి |

అంకెలనున్నారు లేచి అలమేలుమంగను |

వేంకటేశుడా రెప్పలు విచ్చి చూచి లేవయ్యా ||