ఇట్టి ముద్దులాడి బాలు డేడవాడు వాని
తాళం:
రాగం: దేవగాంధారి(మేళకర్త 29, శంకరాభరణం జన్యరాగ)
రూపకర్త: అన్నమాచార్య
ఆరోహణ: స రి2 మ1 ప ద2 స
అవరోహణ: స ని3 ద2 ని2 ద2 ప మ1 గ3 రి2 స
పల్లవి
ఇట్టి ముద్దులాడి బాలు డేడవాడు వాని
బట్టి తెచ్చి పొట్టనిండ బాలు వోయరే ||
చరణము
గామిడై పారితెంచి కాగెడి వెన్నెలలోన
చేమ పూవు కడియాల చేయి పెట్టి |
చీమ గుట్టెనని తన చెక్కిట గన్నీరు జార
వేమరు వాపోయే వాని వెడ్డు వెట్టరే ||
ముచ్చువలె వచ్చి తన ముంగ మురువుల చేయి
తచ్చెడి పెరుగులోన దగబెట్టి |
నొచ్చెనని చేయిదీసి నోర నెల్ల జొల్లుగార
వొచ్చెలి వాపోవువాని నూరడించరే ||
ఎప్పుడు వచ్చెనో మా యిల్లు చొచ్చి పెట్టెలోని
చెప్పరాని వుంగరాల చేయి పెట్టి |
అప్పడైన వేంకటాద్రి అసవాలకుడు గాన
తప్పకుండ బెట్టె (బట్టి) వాని తలకెత్తరే ||
No comments:
Post a Comment