ADHE CHUDARAYYA అదె చూడరయ్యా

 అదె చూడరయ్యా

తాళం : ఆది
రాగం : భోళి (మేళకర్త 15, మాయ మాళవ గౌళ జన్యరాగ )
రూపకర్త : అన్నమాచార్య

ఆరోహణ : స రి1 గ3 ప ద1 స
అవరోహణ: స ని3 ద1 ప గ3 రి1 స

పల్లవి
అదె చూడరయ్యా పెద్ద హనుమంతుని
గుదిగొని దేవతలు కొనియాడేరయ్యా ||

చరణము
ఉదయాస్తశైలములు ఒక జంగగా చాచె
అదిగో ధ్రువమండల మందె శిరసు
చదివె సూర్యుని వెంట సారె మొగము ద్రిప్పుచు
ఎదుట ఈతని మహిమ యేమని చెప్పేమయ||

దండిగా బ్రంహ్మాOడము దాక తోకమీదకెత్తి
మెండగు ధిక్కుల నిండా మేను వెంచెను
గుండు గూడా రాకాసుల కొట్టగా చేతులు చాచె
అండ ఈతని ప్రతాప మరుదరుదయ్యా||

ధిక్కులు పిక్కటిల్లగా దేహారో మములు పెంచె
పక్కన లోకములకు ప్రాణమై నిల్చె
ఇక్కడ శ్రీ వేంకటేశు హితవరి బంటాయ
మిక్కిలి ఈతని లావు మేలు మేలయ్య ||

KATTEDURA VAIKUNTHAM కట్టెదుర వైకుంఠము

 పల్లవి 

కట్టెదుర వైకుంఠము కాణాచయిన కొండ

తెట్టలాయ మహిమలే తిరుమల కొండ ||

చరణములు 

వేదములే శిలలై వెలసినది కొండ

యేదెస బుణ్యరాసులే యేరులైనది కొండ |

గాదిలి బ్రహ్మాది లోకముల కొనలు కొండ

శ్రీదేవు డుండేటి శేషాద్రి కొండ ||

సర్వదేవతలు మృగజాతులై చరించే కొండ

నిర్వహించి జలధులే నిట్టచరులైన కొండ |

వుర్వి దపసులే తరువులై నిలచిన కొండ

పూర్వ టంజనాద్రి యీ పొడవాటి కొండ ||

వరములు కొటారుగా వక్కాణించి పెంచే కొండ

పరగు లక్ష్మీకాంతు సోబనపు గొండ |

కురిసి సంపదలెల్ల గుహల నిండిన కొండ

విరివైన దదివో శ్రీ వేంకటపు గొండ ||

CHANDAMAMA RAAVO చందమామ రావో జాబిల్లి రావో

 పల్లవి 

చందమామ రావో జాబిల్లి రావో

కుందనపు పైడి కోర వెన్న పాలు తేవో ||

చరణములు 

నగుమోము చక్కని యయ్యకు నలువ బుట్టించిన తండ్రికి

నిగమము లందుండే యప్పకు మా నీల వర్ణునికి |

జగమెల్ల నేలిన స్వామికి ఇందిర మగనికి

ముగురికి మొదలైన ఘనునికిమా ముద్దుల మురారి బాలునికి ||

తెలిదమ్మి కన్నుల మేటికి మంచి తియ్యని మాటల గుమ్మకు

కలికి చేతల కోడెకుమా కతల కారి ఈ బిడ్డకు |

కుల ముద్ధించిన పట్టెకు మంచి గుణములు కలిగిన కోడెకు

నిలువెల్ల నిండు వొయ్యారికి నవ నిధుల చూపుల జూసే సుగుణునకు ||

సురల గాచిన దేవరకు చుంచు గరుడుని నెక్కిన గబ్బికి

నెరవాది బుద్ధుల పెద్దకు మా నీటు చేతల పట్టికి |

విరుల వింటి వాని యయ్యకు వేవేలు రూపుల స్వామికి

సిరిమించు నెరవాది జాణకు మా శ్రీ వేంకటేశ్వరునికి ||

INDARIKI ABHAYAMBU ఇందరికీ అభయంబు లిచ్చు చేయి

 రాగం: కాంభోజి రాగం

పల్లవి 

ఇందరికీ అభయంబు లిచ్చు చేయి

కందువగు మంచి బంగారు చేయి ||

చరణములు 

వెలలేని వేదములు వెదికి తెచ్చిన చేయి

విలుకు గుబ్బలి కింద చేర్చు చేయి |

కలికియగు భూకాంత కాగలించిన చేయి

వలవైన కొనగోల్ల వాడిచేయి ||

తనివోక బలి చేత దానమడిగిన చేయి

వొనరంగ భూ దాన మొసగు చేయి |

మొనసి జలనిధి యమ్ముమొనకు తెచ్చిన చేయి

ఎనయ నాగేలు ధరియించు చేయి ||

పురసతుల మానములు పొల్లసేసిన చేయి

తురగంబు బరపెడి దొడ్డ చేయి |

తిరువేంకటాచల ధీశుడై మోక్షంబు

తెరువు ప్రాణుల కెల్ల తెలిపెడి చేయి ||

EKKUVA KULAJUDAINA ఎక్కువ కులజుడైన హీన కులజుడైన

 పల్లవి 

ఎక్కువ కులజుడైన హీన కులజుడైన

నిక్కమెరిగిన మహా నిత్యుడే ఘనుడు ||

చరణములు 

వేదములు చదివియును విముఖుడై హరిభక్తి

యాదరించని సోమయాజి కంటె |

ఏదియును లేని కుల హీనుడైనను విష్ణు

పాదములు సేవించు భక్తుడే ఘనుడు ||

పరమ మగు వేదాంత పఠన దొరికియు సదా

హరి భక్తి లేని సన్యాసి కంటె |

సరవి మాలిన అంత్య జాతి కులజుడైన

నరసి విష్ణుని వెదకు నాతడే ఘనుడు ||

వినియు చదివియు, శ్రీ విభుని దాసుడు గాక

తనువు వేపుచు నుండు తపసి కంటె |

ఎనలేని తిరు వేంకటేశు ప్రసాదాన్న

మనుభవించిన యాతడప్పుడే ఘనుడు ||

JO ACHYUTANANDA జో అచ్యుతానంద జోజో ముకుందా

 పల్లవి 

జో అచ్యుతానంద జోజో ముకుందా

రావె పరమానంద రామ గోవిందా ||

చరణములు 

అంగజుని గన్న మా యన్న యిటు రారా

బంగారు గిన్నెలో పాలు పోసేరా |

దొంగ నీవని సతులు గొంకుచున్నారా

ముంగిట నాడరా మోహనాకార ||

గోవర్ధనంబెల్ల గొడుగుగా పట్టి

కావరమ్మున నున్న కంసుపడగొట్టి |

నీవు మధురాపురము నేలచేపట్టి

ఠీవితో నేలిన దేవకీపట్టి ||

నందు నింటను జేరి నయము మీఱంగ

చంద్రవదనలు నీకు సేవ చేయంగ |

నందముగ వారిండ్ల నాడుచుండంగ

మందలకు దొంగ మా ముద్దురంగ ||

పాలవారాశిలో పవళించినావు

బాలుగా మునుల కభయమిచ్చినావు |

మేలుగా వసుదేవు కుదయించినావు

బాలుడై యుండి గోపాలుడైనావు ||

అట్టుగట్టిన మీగ డట్టె తిన్నాడే

పట్టి కోడలు మూతిపై రాసినాడే |

అట్టె తినెనని యత్త యడగ విన్నాడే

గట్టిగా నిది దొంగ కొట్టుమన్నాడే ||

గొల్లవారిండ్లకు గొబ్బునకుబోయి

కొల్లలుగా త్రావి కుండలను నేయి |

చెల్లునా మగనాండ్ర జెలిగి యీశాయీ

చిల్లతనములు సేయ జెల్లునటవోయి ||

రేపల్లె సతులెల్ల గోపంబుతోను

గోపమ్మ మీ కొడుకు మా యిండ్ల లోను |

మాపుగానే వచ్చి మా మానములను

నీ పాపడే చెఱిచె నేమందుమమ్మ ||

ఒకని యాలినిదెచ్చి నొకని కడబెట్టి

జగడములు కలిపించి సతిపతులబట్టి |

పగలు నలుజాములును బాలుడై నట్టి

మగనాండ్ర చేపట్టి మదనుడై నట్టి ||

అలిగి తృణావర్తు నవని గూల్చితివి

బలిమిమై బూతన బట్టి పీల్చితివి |

చెలగి శకటాసురుని జేరి డొల్చితివి

తలచి మద్దులు రెండు ధరణి వ్రాల్చితివి ||

హంగుగా తాల్లపాకన్నయ్య చాల

శృంగార రచనగా చెప్పె నీ జోల |

సంగతిగ సకల సంపదల నీవేళ

మంగళము తిరుపట్ల మదనగోపాల ||

JAGADAPU CHANUVULA జగడపు చనువుల జాజర

 పల్లవి 

జగడపు చనువుల జాజర

సగినల మంచపు జాజర ||

చరణములు 

మొల్లలు తురుముల ముడిచిన బరువున

మొల్లపు సరసపు మురిపెమున |

జల్లన పుప్పొడి జారగ పతిపై చల్లే పతిపై

చల్లే రతివలు జాజర ||

భారపు కుచముల పైపై కడు సిం-

గారము నెరపేటి గంధవొడి |

చేరువ పతిపై చిందగ పడతులు

సారెకు చల్లేరు జాజర ||

బింకపు కూటమి పెనగేటి చెమటల

పంకపు పూతల పరిమళము |

వేంకటపతిపై వెలదులు నించేరు

సంకుమ దంబుల జాజర ||