The spiritual reason behind using sandalwood paste in worship - పూజలో గంధం (చందనం) వాడటం వెనుక ఆధ్యాత్మిక కారణం

పూజలో గంధం (చందనం) వాడటం వెనుక ఆధ్యాత్మిక కారణం

పూజలో గంధం (చందనం) వాడటం వెనుక ఆధ్యాత్మిక, వైజ్ఞానిక మరియు ఆరోగ్యకరమైన అనేక ముఖ్య కారణాలు ఉన్నాయి.

గంధానికి చాలా విశిష్టమైన స్థానం ఉంది.

మంచి గంధపు చెక్కను అరగదీసి బొట్టు పెట్టుకోవడం వల్ల ఏన్నో ప్రయోజనాలున్నాయి. అంతే కాకుండా ఇది ఎంతో శ్రేష్టమైనది కూడా. బజారులో డబ్బాల్లో లభించే గంధపుపొడి వల్ల ఆరోగ్యానికి హాని కలుగుతుంది. దానిలో ఉండే హానికారక రసాయనాలతో ముఖంపై నల్లటి మచ్చలు ఏర్పడతాయి. గంధాన్ని ముందు దేవునికి సమర్పించి తర్వాత నుదిటిపై దిద్దుకోవాలి. భక్తితో దేవతలకు గంధాన్ని సమర్పిస్తే వారు అనుగ్రహిస్తారని హిందూ పురాణాల్లో తెలిపారు. అంతే కాకుండా పాప పరిహారానికి సాలగ్రామశిలపై ఉంచిన గంధాన్ని నుదిటిపై అద్దుకోవాలని కూడా తెలిపాయి.

హిందూ సంప్రదాయ ప్రకారం సీమంత సమయంలో మహిళలకు గంధాన్ని పూస్తారు. అది పుట్టే బిడ్డకు ఆరోగ్యాన్ని చేకూర్చుతుంది. గంధములో ఉండే సుగుణాలు మన శరీరంలోని కొన్ని రుగ్మతల నుంచి ఉపసమనం కలిగిస్తాయి. నుదిట గంధం ధారణ వల్ల మెదడు చల్లబడి కోపం, ఆవేశం, ఆక్రోశం లాంటి ఉద్వేగాలు అదుపులో ఉంటాయి. దీని వల్ల మనశ్శాంతి కలుగుతుంది. తలపైన గంధాన్ని పూయడం వల్ల ఏకాగ్రత కుదురుతుంది.

లలాట ప్రదేశంలో పూయడం వలన కనుబొమల మధ్య ఉండే జ్ఞాన తంత్రులకు అంటే (సైన్స్ పరంగా చూస్తే పిట్యూటరీ గ్రంథి) ప్రభావితమవుతాయి. దీనివల్ల సంకల్ప బలం సిద్ధిస్తుంది. శరీరంలోని అన్ని అవయవాలూ చక్కగా పనిచేస్తాయి. గంధాన్ని పూసుకోవడం వల్ల ఆధ్యాత్మిక ప్రగతికి మార్గం సుగమమవుతుందని చెబుతారు. గంధ ధారణ వల్ల గలిగే ఆధ్యాత్మిక లాభాన్ని కఠోపనిషత్తు వివరించింది. అంతేకాదు చందన లేపం అన్నివిధాల ఆరోగ్యాన్ని కలిగిస్తుందనడంలో ఏమాత్రం సందేహం లేదు. శరీరంపై ఏర్పడే బొబ్బలు, గజ్జి, తామర లాంటి వ్యాధుల నుంచి గంధం ఉపశమనాన్ని కలిగిస్తుంది.

అహంకార విసర్జన: చందనం చెట్టుకు పాములు చుట్టుకున్నప్పటికీ అది విషాన్ని ఆపాదించుకోకుండా తన సువాసనను ఎలా ఇస్తుందో, అలాగే మనసును మంచిగా ఉంచుకోవాలని ఇది గుర్తుచేస్తుంది.

షోడశోపచార పూజలో ఒక భాగం:
దేవునికి చేసే 16 రకాల ఉపచారాలలో (షోడశోపచారాలు) "గంధం" సమర్పించడం అత్యంత ముఖ్యమైనది. దేవుడి విగ్రహాలకు లేదా చిత్రపటాలకు గంధాన్ని సమర్పించడం ద్వారా దేవుని పట్ల మనకున్న భక్తిని, గౌరవాన్ని తెలియజేస్తాము.

ప్రశాంతత మరియు చల్లదనం:
గంధానికి సహజంగానే శరీరాన్ని, మనస్సును చల్లబరిచే నైజం ఉంటుంది. పూజ చేసేటప్పుడు దేవునికి గంధం పూయడం వల్ల ఆధ్యాత్మిక ప్రశాంతత లభిస్తుంది. మనస్సులోని కోపం, అలజడి తగ్గి ప్రశాంతమైన వాతావరణం ఏర్పడుతుంది.

సానుకూల శక్తి:గంధం నుంచి వచ్చే సువాసన ఇంట్లోని ప్రతికూల శక్తిని తొలగించి, పవిత్రమైన మరియు సానుకూలమైన వాతావరణాన్ని నింపుతుంది. పూజలు, శుభకార్యాలలో గంధం ఉపయోగించడం వల్ల ఆ వాతావరణం మరింత పవిత్రంగా మారుతుంది. ఈ సువాసన మనస్సును పూజపై ఏకాగ్రత నిలిపేలా చేస్తుంది.

దైవిక అనుభూతి: గంధం ధరించడం వల్ల మనసు దైవంపై లగ్నం అవుతుంది. ఇది ధ్యానానికి, ఆధ్యాత్మిక భావనలకు సహాయపడుతుంది.

సంప్రదాయం: హిందూ సంప్రదాయంలో గంధానికి ప్రత్యేక స్థానం ఉంది. దేవతలకు గంధం సమర్పించడం, భక్తులు నుదుట ధరించడం ఆచారంలో భాగం.

ఆజ్ఞా చక్రం ప్రేరణ:
పూజ పూర్తయిన తర్వాత గంధాన్ని నుదుటన (రెండు కనుబొమ్మల మధ్య) బొట్టుగా పెట్టుకుంటారు.
ఈ ప్రదేశంలో 'ఆజ్ఞాచక్రం' ఉంటుంది.ఇక్కడ గంధం పెట్టడం వల్ల నాడీ వ్యవస్థ చల్లబడి, ఏకాగ్రత, జ్ఞాపకశక్తి పెరుగుతాయి.

సాత్విక గుణానికి ప్రతీక:
హిందూ ధర్మంలో గంధాన్ని 'సాత్విక గుణానికి' (శాంతం, పవిత్రత) సంకేతంగా భావిస్తారు. మనలోని అహంకారాన్ని, కల్మషాలను కరిగించి పవిత్రమైన మనస్సుతో దేవుడిని పూజించాలని ఇది గుర్తుచేస్తుంది.

గృహస్థులు- పూజాలూ - ధర్మసందేహాలు

నిత్య స్తోత్రావళి

పంచాంగం

నిత్య పారాయణ శ్లోకాలు

స్తోత్రాలు