ANTARYAMI ALASITI అంతర్యామి అలసితి సొలసితి

 రాగం: శివ రంజని

పల్లవి 

అంతర్యామి అలసితి సొలసితి |

ఇంతట నీ శరణిదె జొచ్చితిని ||

చరణములు 

కోరిన కోర్కులు కోయని కట్లు |

తీరవు నీవవి తెంచక |

భారపు బగ్గాలు పాప పుణ్యములు |

నేరుపుల బోనీవు నీవు వద్దనక ||

జనుల సంగముల జక్క రోగములు |

విను విడువవు నీవు విడిపించక |

వినయపు దైన్యము విడువని కర్మము |

చనదది నీవిటు శాంతపరచక ||

మదిలో చింతలు మైలలు మణుగులు |

వదలవు నీవవి వద్దనక |

ఎదుటనె శ్రీ వెంకటేశ్వర నీవదె |

అదన గాచితివి అట్టిట్టనక ||

ATI DUSHTUDA NE NALUSUDANU అతిదుష్టుడ నే నలసుడను

 పల్లవి 

అతిదుష్టుడ నే నలసుడను |

యితరవివేకం బికనేల ||

చరణములు 

ఎక్కడ నెన్నిట యేమి సేసితినొ

నిక్కపుదప్పులు నేరములు |

గక్కన నిన్నిట కలిగిననీవే

దిక్కుగాక మరి దిక్కేది ||

ఘోరపుబాపము కోట్లసంఖ్యలు

చేరువ నివె నాచేసినివి |

నీరసునకు నిటు నీకృప నాకిక

కూరిమి నా యెడ గుణమేది ||

యెఱిగి చేసినది యెఱుగక చేసిన-

కొఱతలు నాయెడ గోటులివే |

వెఱపు దీర్చి శ్రీవేంకటేశ కావు

మఱవక నాగతి మఱి యేది ||

BHAAVAMU LONA భావములోనా బాహ్యమునందును

 రాగం: దేసాక్షి

పల్లవి 

భావములోనా బాహ్యమునందును |

గోవింద గోవిందయని కొలువవో మనసా ||

చరణములు 

హరి యవతారములే యఖిల దేవతలు

హరి లోనివే బ్రహ్మాండంబులు |

హరి నామములే అన్ని మంత్రములు

హరి హరి హరి హరి యనవో మనసా ||

విష్ణుని మహిమలే విహిత కర్మములు

విష్ణుని పొగడెడి వేదంబులు |

విష్ణుడొక్కడే విశ్వాంతరాత్ముడు

విష్ణువు విష్ణువని వెదకవో మనసా ||

అచ్యుతుడితడే ఆదియు నంత్యము

అచ్యుతుడే యసురాంతకుడు |

అచ్యుతుడు శ్రీవేంకటాద్రి మీదనిదె

అచ్యుత యచ్యుత శరణనవో మనసా ||

CHAALADAA BRAHMAMID చాలదా బ్రహ్మమిది సంకీర్తనం మీకు

 పల్లవి 

చాలదా బ్రహ్మమిది సంకీర్తనం మీకు

జాలెల్ల నడగించు సంకీర్తనం ||

చరణములు 

సంతోష కరమైన సంకీర్తనం

సంతాప మణగించు సంకీర్తనం |

జంతువుల రక్షించు సంకీర్తనం

సంతతము దలచుడీ సంకీర్తనం ||

సామజము గాంచినది సంకీర్తనం

సామమున కెక్కుడీ సంకీర్తనం |

సామీప్య మిందరికి సంకీర్తనం

సామాన్యమా విష్ణు సంకీర్తనం ||

జముబారి విడిపించు సంకీర్తనం

సమ బుద్ధి వొడమించు సంకీర్తనం |

జమళి సౌఖ్యములిచ్చు సంకీర్తనం

శమదమాదుల జేయు సంకీర్తనం ||

జలజాసనుని నోరి సంకీర్తనం

చలిగొండ సుతదలచు సంకీర్తనం |

చలువ గడు నాలుకకు సంకీర్తనం

చలపట్టి తలచుడీ సంకీర్తనం ||

సరవి సంపదలిచ్చు సంకీర్తనం

సరిలేని దిదియపో సంకీర్తనం |

సరుస వేంకట విభుని సంకీర్తనం

సరుగనను దలచుడీ సంకీర్తనం ||

CHAALADAA HARI NAAMA చాలదా హరి నామ సౌఖ్యామృతము దమకు

రాగము : హంసధ్వని

పల్లవి 

చాలదా హరి నామ సౌఖ్యామృతము దమకు

చాలదా హితవైన చవులెల్లను నొసగ ||

చరణములు 

ఇది యొకటి హరి నామ మింతైన జాలదా

చెదరకీ జన్మముల చెరలు విడిపించ |

మదినొకటె హరినామ మంత్రమది చాలదా

పదివేల నరక కూపముల వెడలించ ||

కలదొకటి హరినామ కనకాద్రి చాలదా

తొలగుమని దారిద్ర్యదోషంబు చెరుచ |

తెలివొకటి హరినామదీప మది చాలదా

కలుషంపు కఠిన చీకటి పారద్రోల ||

తగువేంకటేశు కీర్తనమొకటి చాలదా

జగములో కల్పభూజంబు వలె నుండ |

సొగసి యీవిభుని దాసుల కరుణ చాలదా

నగవు జూపులను నున్నతమెపుడు జూప ||

CHADUVULONE HARINA చదువులోనే హరిని జట్టిగొనవలెగాక

 పల్లవి 

చదువులోనే హరిని జట్టిగొనవలెగాక

మదముగప్పినమీద మగుడ నది గలదా ||

చరణములు 

జడమతికి సహజమే సంసారయాతన యిది

కడు నిందులో బరము గడియించవలెగాక |

తొడరి గాలప్పుడు తూర్పెత్తక తాను

విడిచి మఱచిన వెనక వెదకితే గలదా ||

భవబంధునకు విధిపాపపుణ్యపులంకె

తివిరి యిందునే తెలివి తెలుసుకోవలెగాక |

అవల వెన్నెలలోనే అల్లునేరే ళ్లింతే

నివిరి నిన్నటివునికి నేటికి గలదా ||

దేహధారికి గలదే తెగనియింద్రియబాధ

సాహసంబున భక్తి సాధించవలెగాక |

యిహలను శ్రీవేంకటేశుదాసులవలన

వూహించి గతిగానక వొదిగితే గలదా ||

CHAKKANI TALLIKI చక్కని తల్లికి చాంగుభళా తన

 రాగం: పాడి

పల్లవి 

చక్కని తల్లికి చాంగుభళా తన

చక్కెర మోవికి చాంగుభళా ||

చరణములు 

కులికెడి మురిపెపు కుమ్మరింపు తన

సళుపు జూపులకు చాంగుభళా |

పలుకుల సొంపుల బతితో గసరెడి

చలముల యలుకకు చాంగుభళా ||

కిన్నెరతో పతి కెలన నిలుచు తన

చన్ను మెఱుగులకు చాంగుభళా |

ఉన్నతి బతిపై నొరగి నిలుచు తన

సన్నపు నడిమికి చాంగుభళా ||

జందెపు ముత్యపు సరులహారముల

చందన గంధికి చాంగుభళా |

విందయి వెంకట విభుబెన చినతన

సంది దండలకు చాంగుభళా ||