రాగము : హంసధ్వని
పల్లవి
చాలదా హరి నామ సౌఖ్యామృతము దమకు
చాలదా హితవైన చవులెల్లను నొసగ ||
చరణములు
ఇది యొకటి హరి నామ మింతైన జాలదా
చెదరకీ జన్మముల చెరలు విడిపించ |
మదినొకటె హరినామ మంత్రమది చాలదా
పదివేల నరక కూపముల వెడలించ ||
కలదొకటి హరినామ కనకాద్రి చాలదా
తొలగుమని దారిద్ర్యదోషంబు చెరుచ |
తెలివొకటి హరినామదీప మది చాలదా
కలుషంపు కఠిన చీకటి పారద్రోల ||
తగువేంకటేశు కీర్తనమొకటి చాలదా
జగములో కల్పభూజంబు వలె నుండ |
సొగసి యీవిభుని దాసుల కరుణ చాలదా
నగవు జూపులను నున్నతమెపుడు జూప ||
No comments:
Post a Comment