Oils to be used for lamp worship - దీపారాధనకు వాడవలసిన నూనెలు

దీపారాధనకు వాడవలసిన నూనెలు

మన సనాతన ధర్మంలో దీపం వెలిగించడం అనేది కేవలం చీకటిని పోగొట్టడానికి మాత్రమే కాదు.. అది ఇంట్లోకి దైవత్వాన్ని, సానుకూల శక్తిని ఆహ్వానించడం. దీపం పెట్టేటప్పుడు కొన్ని నియమాలు పాటిస్తే ఆ పూజ ఫలితం పూర్తిగా దక్కుతుంది.

దీపం - నియమాలు

1. దీపపు ప్రమిదలు 

ఉత్తమమైనవి: మట్టి ప్రమిదలు, ఇత్తడి, వెండి లేదా రాగి ప్రమిదలు దీపం పెట్టడానికి అత్యంత శుభప్రదం.

నిషేధం: స్టీలు లేదా ఇనుప ప్రమిదలలో దీపం ఎప్పుడూ పెట్టకూడదు.

ముఖ్య గమనిక: నిన్న వాడిన మట్టి ప్రమిదలను ఈరోజు మళ్లీ వాడకూడదు (అవి నూనెను పీల్చుకుని అపవిత్రమవుతాయి). లోహపు ప్రమిదలను ప్రతిరోజూ శుభ్రంగా తోమి, బొట్టు పెట్టిన తర్వాతే వాడాలి.

2. నూనె:

ఆవు నెయ్యి: దీపారాధనకు ఆవు నెయ్యి అత్యంత శ్రేష్ఠం. ఇది ఇంట్లో ఉన్న నెగెటివ్ ఎనర్జీని పూర్తిగా తొలగిస్తుంది.

నువ్వుల నూనె (మంచి నూనె): లక్ష్మీదేవి అనుగ్రహం కోసం, శని దోషాలు పోవడానికి నువ్వుల నూనె వాడవచ్చు.

ఆముదం: బుద్ధి వికాసానికి, కుటుంబ వృద్ధికి ఆముదం మంచిది.

గమనిక: పూజకు ఎట్టి పరిస్థితుల్లోనూ వేరుశనగ నూనె (పల్లీల నూనె) వాడకూడదు.

3. వత్తుల సంఖ్య మరియు దిశ: కనీసం మూడు వత్తులు: దీపంలో ఎప్పుడూ ఒకే ఒక్క ఒత్తి వేసి దీపం పెట్టకూడదు.

దిశలు:

తూర్పు ముఖం: ఆరోగ్యం, కీర్తి ప్రతిష్టల కోసం.

ఉత్తర ముఖం: ధనలాభం, ఐశ్వర్యం, వ్యాపార వృద్ధి కోసం (చాలా మంది ఉత్తర ముఖంగా దీపం పెట్టడానికి ఇష్టపడతారు).

పడమర ముఖం: అప్పుల బాధలు, శని దోషాలు తొలగడానికి.

దక్షిణ ముఖం: ఈ దిశగా దీపం పెట్టకూడదు (పితృకార్యాలు లేదా యమదీపం పెట్టేటప్పుడు మాత్రమే దక్షిణ దిశ వాడతారు).

4. వెలిగించే విధానం: దీపాన్ని ఎప్పుడూ అగ్గిపుల్లతో నేరుగా వెలిగించకూడదు.

మొదట ఒక ఏక హారతి (చిన్న కర్పూర బిళ్ల లేదా వేరే చిన్న వత్తి) వెలిగించి, దాని సహాయంతో పూజ దీపాన్ని వెలిగించాలి.

5. దీపం కింద ఆధారం (పీఠం):- దీపపు ప్రమిదను నేరుగా నేల మీద గానీ, పూజా పీఠం మీద గానీ పెట్టకూడదు.

దీపం కింద ఒక చిన్న ప్లేట్ (రాగి లేదా ఇత్తడిది) పెట్టి, అందులో కొన్ని అక్షతలు లేదా పూలు ఉంచి, దానిపై దీపాన్ని ఉంచాలి.

దీపం వెలిగించిన తర్వాత ప్రమిదకు క్రింది భాగంలో కుంకుమ, గంధం బొట్లు పెట్టడం మరువకండి. దీపాన్ని లక్ష్మీ స్వరూపంగా భావిస్తాం కాబట్టి, దీపం కొండెక్కకుండా (వెలిగి ఆరిపోకుండా) తగినంత నూనె ఉండేలా చూసుకోవాలి.

దీపారాధన చేసేటప్పుడు చదువుకోవలసిన శ్లోకం:

"దీపజ్యోతిః పరంబ్రహ్మ దీపజ్యోతిర్జనార్దనః

దీపో హరతు మే పాపం దీపజ్యోతిర్నమోఽస్తుతే"

హిందూ ధర్మశాస్త్రాల ప్రకారం దీపారాధనకు వివిధ రకాల నూనెలు మరియు నెయ్యిని ఉపయోగిస్తారు. ఒక్కో రకమైన నూనెకు ఒక్కో విశిష్టత మరియు ఫలితం ఉంటుంది.

ఆవు నెయ్యి: ఇది అన్నింటికంటే అత్యుత్తమమైనది. ఆవు నెయ్యితో దీపం వెలిగిస్తే అష్టైశ్వర్యాలు, అష్టభోగాలు మరియు అనంతమైన ఫలితాలు లభిస్తాయని నమ్మకం.

నువ్వుల నూనె: దీనిని మంచి నూనె అని కూడా అంటారు. ఇది అన్ని దేవతలకు ఇష్టమైనది, ముఖ్యంగా వినాయకుడికి మరియు శని దోష నివారణకు నువ్వుల నూనెతో దీపం పెట్టడం శ్రేష్ఠం.

విప్ప నూనె: దీనిని పూజలలో 'అధమం'గా పరిగణించినప్పటికీ, ఆరోగ్యం కోసం మరియు గ్రహ దోష నివారణకు ఉపయోగిస్తారు.

వేప నూనె : విప్ప నూనె, ఆముదం మరియు ఆవు నెయ్యితో కలిపి వేప నూనెను వాడటం వల్ల ఆరోగ్య సమస్యలు తొలగిపోతాయని విశ్వసిస్తారు.

కొబ్బరి నూనె: ముఖ్యంగా వినాయకుడికి చేసే పూజల్లో కొబ్బరి నూనెను ఉపయోగిస్తే శుభం జరుగుతుందని పెద్దలు చెబుతారు.

పంచ దీపం నూనె: ఇది ఐదు రకాల నూనెల (నువ్వులు, ఆముదం, విప్ప, వేప, కొబ్బరి/నెయ్యి) మిశ్రమం. ఇది ఆధ్యాత్మిక శక్తిని పెంచి శుభాన్ని కలిగిస్తుంది.

ద్వాదశ రాశుల వారు వెలిగించాల్సిన వత్తులు
సాంప్రదాయ పరంగా సరైన వాతావరణాన్ని సృష్టించడానికి చేసే మొదటి పని దీపాన్ని వెలిగించడం. దీపం సానుకూల శక్తికి, దైవిక శక్తికి చిహ్నంగా పరిగణించబడుతుంది. ఇది భూమికి, దైవిక శక్తికి మధ్య వారధిగా పనిచేస్తుంది, భక్తులు దైవంతో మరింతగా అనుసంధానించబడటానికి సహాయపడుతుంది. ద్వాదశ రాశుల వారు వారి రాశులను బట్టి ఎన్ని వత్తులు వెలిగించాలో తెలుసుకుందాం.

ద్వాదశ రాశులవారు వెలిగించాల్సిన వత్తులు

మేష రాశి - త్రివత్తులు (3)

వృషభ రాశి - చతుర్ వత్తులు (4)

మిధున రాశి - సప్తవత్తులు (7)

కర్కాటక రాశి - త్రివత్తులు (3)

సింహ రాశి - పంచమవత్తులు (5)

కన్య రాశి - చతుర్ వత్తులు (4)

తులా రాశి - షణ్ముఖ వత్తులు (6)

వృశ్చిక రాశి - పంచమవత్తులు (5)

ధనుస్సు రాశి - త్రివత్తులు (3)

మకర రాశి - సప్తమవత్తులు (7)

కుంభ రాశి - చతుర్ వత్తులు (4)

మీన రాశి - పంచమవత్తులు (5)

ముఖ్య గమనిక: దీపారాధనకు వేరుశెనగ నూనె ఎప్పుడూ వాడకూడదు.

మట్టి, వెండి లేదా పంచలోహాలతో చేసిన దీప కుందులను ఉపయోగించడం అత్యుత్తమం.

గృహస్థులు- పూజాలూ - ధర్మసందేహాలు

నిత్య స్తోత్రావళి

పంచాంగం

నిత్య పారాయణ శ్లోకాలు

స్తోత్రాలు