శౌనకాది మహామునులారా ! వ్యాసభగవానుడు నాకు చెప్పిన నారద-నారాయణ సంవాదరూపమైన
దేవీ ప్రకృతిస్వరూపారాధనను వివరిస్తున్నాను, శ్రద్ధగా ఆలకించండి, అంటూ సూతుడు మళ్లీ ఉపక్రమించాడు.
నారాయణుడు నారుదుడితో చెబుతున్నాడు - విరించితనయా ! గణేశజననియైన దుర్గ, రాధ,
లక్ష్మి, సరస్వతి, సావిత్రి - అని ప్రకృతిస్వరూపిణికి అయిదు రూప నామధేయాలున్నాయి.
నారాయణుడు ఇలా ప్రారంభించగానే నారదుడికి చాలా సందేహాలు కలిగాయి. వినయంగా
అడిగాడు. నారాయణ మహర్షీ! ఆదిపరాశక్తి ఆ రూపాలను ఎందుకు ధరించింది ? ఎలా ధరించింది?
వాటి లక్షణాలు ఏమిటి ? చరిత్ర ఏమిటి ? గుణగణాలు ఏమిటి ? పూజావిధానాలు ఎమిటి ? ఆయా
అవతారాలు ఎక్కడ ధరించింది ? ఈ విశేషాలు అన్నీ వ్యాఖ్యానసహితంగా తెలియజెయ్యి అని ప్రార్థించాడు. నారాయణమహర్షి వివరంగా తెలియజేశాడు.
No comments:
Post a Comment