పరశురామ ఉవాచ ।
నమః శ్కరకాన్తాయై సారాయై తే నమో నమః ।
నమో దుర్గతినాశిన్యై మాయాయై తే నమో నమః || 01 ||
నమో నమో జగద్ధాత్ర్యై జగత్కర్యై నమో నమః |
నమోఽస్తు తే జగన్మాత్రే కారణాయై నమో నమః || 02 ||
ప్రసీద జగతాం మాతః సృష్టిసంహారకారిణి ।
త్వత్పాదౌ శరణం యామి ప్రతిజ్ఞాం సార్థికాం కురు || 03 ||
త్వయి మే విముఖాయాం చ కో మాం రక్షితుమీశ్వరః I
త్వం ప్రసన్నా భవ శుభే మాం భక్తం భక్తవత్సలే || 04 ||
యుష్మాభిః శివలోకే చ మహ్యం దత్తో వరః పురా ।
తం వరం సఫలం కర్తుం త్వమర్హసి వరాననే || 05 ||
రేణుకేయస్తవం (జామదగ్న్యస్తవం) శ్రుత్వా ప్రసన్నా భవదామ్భికా
మా భైరిత్యేవముక్త్వా తు తత్రైవాన్తరధీయత || 06 ||
ఏతద్‌ భృగుకృతం స్తోత్రం భక్తియుక్తశ్చ యః పఠేత్‌ ।
మహాభయాత్సముత్తీర్ణః స భవేదేవ లీలయా || 07 ||
స పూజితశ్చ త్రైలోక్యే తత్రైవ విజయీ భవేత్‌ ।
జ్ఞానిశ్రేష్ఠో భవేచ్చైవ వైరిపక్షవిమర్దకః || 08 ||
|| ఇతి శ్రీబ్రహ్మవైవర్తపురాణే గణేశఖండే షట్రింశోఽధ్యాయాన్తర్గతమ్‌
శ్రీ పరశురామకృతం కాళీస్తోత్రం సంపూర్ణం ||
No comments:
Post a Comment