అరుణాచల అష్టకం
దర్శనాదభ్రసదసి జననాత్కమలాలయే ।
కాశ్యాం తు మరణాన్ముక్తిః స్మరణాదరుణాచలే ॥ 01 ॥
కరుణాపూరితాపాంగం శరణాగతవత్సలమ్ ।
తరుణేందుజటామౌలిం స్మరణాదరుణాచలమ్ ॥ 02 ॥
సమస్తజగదాధారం సచ్చిదానందవిగ్రహమ్ ।
సహస్రరథసోపేతం స్మరణాదరుణాచలమ్ ॥ 03 ॥
కాంచనప్రతిమాభాసం వాంఛితార్థఫలప్రదమ్ ।
మాం చ రక్ష సురాధ్యక్షం స్మరణాదరుణాచలమ్ ॥ 04 ॥
బద్ధచంద్రజటాజూటమర్ధనారీకలేబరమ్ ।
వర్ధమానదయాంభోధిం స్మరణాదరుణాచలమ్ ॥ 05 ॥
కాంచనప్రతిమాభాసం సూర్యకోటిసమప్రభమ్ ।
బద్ధవ్యాఘ్రపురీధ్యానం స్మరణాదరుణాచలమ్ ॥ 06 ॥
శిక్షయాఖిలదేవారి భక్షితక్ష్వేలకంధరమ్ ।
రక్షయాఖిలభక్తానాం స్మరణాదరుణాచలమ్ ॥ 07 ॥
అష్టభూతిసమాయుక్తమిష్టకామఫలప్రదమ్ ।
శిష్టభక్తిసమాయుక్తాన్ స్మరణాదరుణాచలమ్ ॥ 08 ॥
వినాయకసురాధ్యక్షం విష్ణుబ్రహ్మేంద్రసేవితమ్ ।
విమలారుణపాదాబ్జం స్మరణాదరుణాచలమ్ ॥ 09 ॥
మందారమల్లికాజాతికుందచంపకపంకజైః ।
ఇంద్రాదిపూజితాం దేవీం స్మరణాదరుణాచలమ్ ॥ 10 ॥
సంపత్కరం పార్వతీశం సూర్యచంద్రాగ్నిలోచనమ్ ।
మందస్మితముఖాంభోజం స్మరణాదరుణాచలమ్ ॥ 11 ॥
|| ఇతి శ్రీఅరుణాచలాష్టకమ్ ||
No comments:
Post a Comment