Sri Matkali Kavacham - శ్రీ మత్కాళీ కవచం

శ్రీ మత్కాళీ కవచం

భైరవ్యువాచ :

కాళీపూజా శ్రుతా నాథ భావాశ్చ వివిధాః ప్రభో
ఇదానీం శ్రోతుమిచ్చామి కవచం పూర్వసూచితమ్‌ || 01 || 

త్వమేవస్రష్టా పాతా చ సంహర్తాచ త్వమేవహి
త్వమేవ శరణం నాథ త్రాహిమాం దుఃఖసంకటాత్‌ || 02 || 

భైరవ ఉవాచ :
రహస్యం శృణు వక్ష్యామి భైరవ ప్రాణవల్లభే
శ్రీజగన్మంగళం నామకవచం మంత్రవిగ్రహమ్‌         || 03 ||

పఠిత్వా థారయిత్వా చ త్రైలోక్యం మోహయేతక్షణాత్‌
నారాయణోఽపి యద్ధృత్వా నారీ భూత్వా మహేశ్వరమ్‌|| 04 ||

యోగినం క్లోభోమనయద్యద్ధృత్వా చ రఘూత్తమః
పరితృప్తో జఘానైన రావణాది నిశాచరాన్‌ || 05 ||

యస్య ప్రసాదాదీశోఽహం త్రైలోక్య విజయీ విభుః
ధనాధిపః కుబేరోఽపి సురేశోఽభూచ్చచీ పతిః || 06 ||

ఏవంహి సకలాదేవా స్సర్వసిద్ధీశ్వరాః ప్రియే
శ్రీజగన్మంగళస్యాస్య కవచస్య ఋషిశ్శివః || 07 ||

ఛందోఽనుష్టు బ్దేవతాచ కాళికా దక్షకన్యకా
జగతాంమోహనే ధృష్టా విహితా భుక్తిముక్తిషు || 08 ||

యోషిదా కర్షణేచైవ వినియోగః ప్రకీర్తితః
శిరో మే కాళికాపాతు క్రీం కారైకాక్షరీ పరా || 09 ||

క్రీం క్రీం క్రీం మే లలాటం చ కాళికా ఖడ్గథారిణీ
హూం హూం పాతు నేత్రయుగం హ్రీం హ్రీం పాతుశ్రుతీమమ || 10 ||

దక్షిణేకాళికా పాతు ఘ్రాణయుగ్మం మహేశ్వరీ
క్రీం క్రీం క్రీం రసనాంపాతు హూం హూం పాతు కపోలకమ్‌ || 11 ||

వదనం సకలంపాతు హ్రీం హ్రీం స్వాహా స్వరూపిణీ
ద్వాత్రింశత్యక్షరీ స్కంధౌ మహావిద్యా సుఖప్రదా || 12 ||

ఖడ్గముండధరా కాళీసర్వాంగ మభితోఽవతు
క్రీం హ్రూం హ్రీం త్రక్షరీపాతు చాముండా హృదయంమమ || 13 ||

ఐం హూం ఓం ఐం స్తనద్వంద్వం హ్రీంఫట్‌ స్వాహాకకుత్స్ధలమ్‌
అష్టాక్షరీ మహావిద్యా భుజౌపాతు సమాతృకా || 14 || 

క్రీం క్రీం హ్రూం హ్రూం హ్రీం హ్రీం కారీ పాతుషడక్షరీ మమ
క్రీం నాభిం మధ్యదేశం చ దక్షిణే కాళికాఽవతు. || 15 || 

క్రీం స్వాహా పాతు పృష్ఠం చ కాళికా సా దశాక్షరీ
క్రీం మే గుహ్యం సదాపాతు కాళికాజఘనం మమ || 16 || 

సప్తాక్షరీ మహావిద్యా సర్వతంత్రేషు గోపితా
హ్రీం హ్రీం దక్షిణేకాళికే హూం హూం పాతు కటిద్వయమ్‌ || 17 || 

కాళీ దశాక్షరీ విద్యా స్వాహా మా మూరు యుగ్మకమ్‌
ఓం క్రీం క్రీం మే స్వాహా పాతు కాళికా జానునీ సదా || 18 || 

కాళీ హృన్నామ విద్యేయం చతుర్వర్గ ఫలప్రదా
క్రీం హ్రీం హ్రీం పాతు సాగుల్పౌ దక్షిణే కాళికాఽవతు || 19 || 

క్రీం హ్రూం హ్రీం స్వాహా పదం పాతు చతుర్దశాక్షరీ మమ
ఖడ్గముండధరా కాళీ వరదాభయ ధారిణీ || 20 || 

విద్యాభిస్సా కలాభిస్సా సర్వాంగ మభితోఽవతు
కాళీ కపాలినీ కుల్లా కురుకుల్లా విరోధినీ. || 21 || 

విప్ర చిత్తా తథోగ్రోగ్రప్రభాదీప్తా ఘనత్విషా
నీలాఘానా బలాకా చ మాత్రా ముద్రామితా చ మామ్‌ || 22 || 

ఏతా స్సర్వాఖడ్గధరా ముండమాలా విభూషణాః
రక్షంతు దిగ్విదిక్షు మాం బ్రాహ్మీ నారాయణీతథా || 23 || 

మాహేశ్వరీ చ చాముండా కౌమారీ చా పరాజితా
వారాహీ నారసింహీ చ సర్వాశ్చా మితభూషణాః || 24 || 

రక్షంతు స్వాయుథైర్దిక్షు విదిక్ష్వపిచ మాం సదా
ఇతితే కథితం దివ్యం కవచం పరమాద్భుతమ్‌ || 25 || 

శ్రీజగన్మంగళం నామ మహావిద్యౌఘ విగ్రహమ్‌
త్రైలోక్యాకర్షణం బ్రహ్మన్‌ కవచం మన్ముఖోదితమ్‌ || 26 || 

గురుపూజాం విధాయాదౌ విధివచ్చ పఠేత్తతః
కవచం త్రి స్సకృద్వా పి యావజ్జీవంచ వాపునః || 27 || 

ఏతచ్చతార్థమావృత్య త్రైలోక్య విజయీభవేత్‌
త్రైలోక్యం క్షోభయత్యేవ కవచస్య ప్రసాదతః || 28 || 

మహాకవి ర్భవేన్మాసా త్సర్వసిద్ధీశ్వరో భవేత్‌
పుష్పాంజలిం కాళికాయై మూలేనైవార్పయే త్సకృత్‌ || 29 || 

శతవర్ష సహస్రాణాం పూజాయాః ఫలమాప్నుయాత్‌
భూర్జేవిలిఖితం చైతత్‌ స్వర్ణస్థం ధారయే ద్యది || 30 || 

విశాఖాయాం దక్షబాహో కంఠేవా థారయేద్యది
త్రైలోక్యంమోహయేత్క్రోథాత్‌ త్రైలోక్యం చూర్ణయేతక్షణాత్‌ || 31 || 

పుత్రవాన్‌ ధనవాన్‌ శ్రీమాన్‌ నానావిద్యా నిధిర్భవేత్‌
బ్రహ్మాస్త్రాదీని శస్త్రాణి తద్గాత్ర స్పర్శనాత్తతః || 32 || 

నాశమాయాంతియానారీ వంథ్యావా మృతపుత్రిణీ
బహ్వపత్యా జీవధవా భవతేవ్య నసంశయః || 33 || 

నదేయం పరశిప్యేభ్యో హ్యభక్తేభ్యో విశేషతః
శిష్యేభ్యో భక్తియుక్తేభ్యో హ్యన్యతామృత్యుమాప్నుయాత్‌ || 34 || 

స్పర్థాం విహాయ కమలా వాగ్దేవీ మందిరే శుభే
పౌత్రాన్తం స్థైర్యమాస్థాయ నివసత్యేవ నిశ్చితామ్‌ || 35 || 

ఇదం కవచ మజ్ఞాత్వా యో భజేత్మాళిదేవతామ్‌
శతలక్షణం ప్రజప్త్యాపి తస్యవిద్యా నసిద్ధ్వతి. || 36 || 

|| ఇతి శ్రీ మత్కాళీ కవచం సమాప్తం ||