సద్గురు స్తవం
సిద్ధి బుద్ధి మహాయోగ వరణీయో గణాధిపః
యస్స్వయం సచ్చిదానందం సద్గురుం తం నమామ్యహమ్ ॥ 01 ॥
యస్య దత్తాత్రేయ భావో భక్తానా మాత్మ దానతః
సూచ్యతే సచ్చిదానందం సద్గురుం తం నమామ్యహమ్ ॥ 02 ॥
యోగా జ్జ్యోతి స్సముద్దీప్తం జయలక్ష్మీ నృసింహయోః
అద్వయం సచ్చిదానందం సద్గురుం తం నమామ్యహమ్ ॥ 03 ॥
యోగవిద్యా చిత్రభానుం చిత్రభాను శరద్భవం
జ్ఞానదం సచ్చిదానందం సద్గురుం తం నమామ్యహమ్ ॥ 04 ॥
గణేశ హోమేర్కదినే నిత్యం శ్రీచక్ర పూజనే
దీక్షితం సచ్చిదానందం సద్గురుం తం నమామ్యహమ్ ॥ 05 ॥
అగస్త్యముని సంక్రాంత నానా వైద్య దురంధరం
భవఘ్నం సచ్చిదానందం సద్గురుం తం నమామ్యహమ్ ॥ 06 ॥
వాద్యోదంచ ద్దివ్యనామ సంకీర్తన కళానిధిం
నాదాబ్ధిం సచ్చిదానందం సద్గురుం తం నమామ్యహమ్ ॥ 07 ॥
దత్త పీఠాధిపం ధర్మ రక్షణోపాయ బంధురం
సత్కవిం సచ్చిదానందం సద్గురుం తం నమామ్యహమ్ ॥ 08 ॥
విధూత భక్త సమ్మోహ మవధూతం జగద్గురుం
స్వాశ్రయం సచ్చిదానందం సద్గురుం తం నమామ్యహమ్ ॥ 09 ॥
సాధుత్వం భక్తి మైశ్వర్యం దానం యోగ మరోగతాం
సన్మతిం జ్ఞాన మానందం సద్గురు స్తవతో లభేత్ ॥ 10 ॥
No comments:
Post a Comment