Sri Lakshmi Gayatri Mantra Stuthi - శ్రీ లక్ష్మీ గాయత్రీ మంత్రస్తుతిః

శ్రీ లక్ష్మీ గాయత్రీ మంత్రస్తుతిః

శ్రీలక్ష్మీః కల్యాణీ కమలా కమలాలయా పత్మా |
మామకచేతస్సద్మని హృతపద్మే వసతు విష్ణునా సాకం || 01 ||

తత్సదోం శ్రీమితి పదైశ్చతుర్భిశ్చతురాగమైః |
చతుర్ముఖస్తుతా మహ్యమిందిరేష్టం ప్రయచ్ఛతు || 02 ||

సచ్చిత్సుఖా త్రయీమూత్తిస్సర్వపుణ్యఫలాత్మికా |
సర్వేశమహిషీ మహ్యమిందిరేష్టం ప్రయచ్ఛతు || 03 ||

విద్యావేదాంతసిద్ధాంతవివేచనవిచారజా |
విష్ణుస్వరూపిణీ మహ్యమిందిరేష్టం ప్రయచ్ఛతు || 04 ||

తురీయాద్వైతవిజ్ఞానసిద్ధిసత్త్వస్వరూపిణి |
సర్వతత్త్వమయీ మహ్యమిందిరేష్టం ప్రయచ్ఛతు || 05 ||

వరదాభయదాంభోజాధరపాణిచతుష్టయా |
వాగీశజననీ మహ్యమిందిరేష్టం ప్రయచ్ఛతు || 06 ||

రేచకైః పూరకైః పూర్ణకుంభకైః పూతదేహిభిః |
మునిభిర్భావితా మహ్యమిందిరేష్టం ప్రయచ్ఛతు || 07 ||

ణీత్యక్షరముపాసంతో యత్ప్రసాదేన సంతతిం |
కులస్యప్రాప్నుయుర్మహ్యమిందిరేష్టం ప్రయచ్ఛతు || 08 ||

యంత్రమంత్రక్రియాసిద్ధిరూపా సర్వసుఖాత్మికా |
యజనాదిమయీ మహ్యమిందిరేష్టం ప్రయచ్ఛతు || 09 ||

భగవత్యచ్యుతే విష్ణావనంతే నిత్యవాసినీ |
భగవత్యమలామహ్యమిందిరేష్టం ప్రయచ్ఛతు || 10 ||

గోవిప్రవేదసూర్యాగ్నిగంగాబిల్వసువర్ణగా |
సాలగ్రామమయీ మహ్యమిందిరేష్టం ప్రయచ్ఛతు || 11 ||

దేవతా దేవతానాంచ క్షీరసాగరసంభవా |
కల్యాణీ భార్గవీ మహ్యమిందిరేష్టం ప్రయచ్ఛతు || 12 ||

వక్తి యో వచసా రిత్యం సత్యమేవ న చానృతం |
తస్మిన్ న్యాయమతే మహ్యమిందిరేష్టం ప్రయచ్ఛతు || 13 ||

స్యమంతకాది మణి యో యత్ప్రసాదాంశకాంశకాః |
అనంతవిభవా మహ్యమిందిరేష్టం ప్రయచ్ఛతు || 14 ||

ధీరాణాం వ్యాసవాల్మీకిపూర్వాణాం వాచకం తపః |
యత్ప్రాప్తిఫలదం మహ్యమిందిరేష్టం ప్రయచ్ఛతు || 15 ||

మహానుభావైర్మునిభిర్మహాభాగైస్తపస్విభిః |
ఆరాధ్య ప్రార్థితా మహ్యమిందిరేష్టం ప్రయచ్ఛతు || 16 ||

హిమాచలసుతావాణీ సఖ్యసౌహార్దలక్షణా |
యా మూలప్రకృతిర్మహ్యమిందిరేష్టం ప్రయచ్ఛతు || 17 ||

ధియా భక్త్యా భియా వాచా తపశ్శౌచక్రియార్జవైః |
సద్భిస్సమర్చితా మహ్యమిందిరేష్టం ప్రయచ్ఛతు || 18 ||

యోగేన కర్మణా భక్త్యా శ్రద్ధయా శ్రీస్సమాప్యతే |
సత్యశ్శౌచపరైర్మహ్యమిందిరేష్టం ప్రయచ్ఛతు || 19 ||

యోగక్షేమౌ సుఖాదీనాం పుణ్యజానాం నిజార్థినే |
దదాతి దయయా మహ్యమిందిరేష్టం ప్రయచ్ఛతు || 20 ||

మనశ్శరీరాణి చేతాంసి కరణాని సుఖాని చ |
యదధీనాని సా మహ్యమిందిరేష్టం ప్రయచ్ఛతు || 21 ||

ప్రజ్ఞామాయుర్బలం విత్తం ప్రజామారోగ్యమీశతాం |
యశః పుణ్యం సుఖం మహ్యమిందిరేష్టం ప్రయచ్ఛతు || 22 ||

చోరారివ్యాలరోగార్ణగ్రహపీడానివారిణీ |
అనీతేరభయం మహ్యమిందిరేష్టం ప్రయచ్ఛతు || 23 ||

దయామాశ్రితవాత్సల్యం దాక్షిణ్యం సత్యశీలతా |
నిత్యం యా వహతే మహ్యమిందిరేష్టం ప్రయచ్ఛతు || 24 ||

యా దేవ్యవ్యాజకరుణా యా జగజ్జననీ రమా |
స్వతంత్రశక్తిర్యా మహ్యమిందిరేష్టం ప్రయచ్ఛతు || 25 ||

బ్రహ్మణ్యసుబ్రహ్మణ్యోక్తాం గాయత్ర్యక్షరసమ్మితాం |
ఇష్టసిద్ధిర్భవేన్నిత్యం పఠతామిందిరాస్తుతిం || 26 ||

|| ఇతి శ్రీ లక్ష్మీ గాయత్రీస్తుతిః సంపూర్ణం ||