సోమవతి అమావాస్య
సోమవతి అమావాస్య అనేది శివునికి ప్రీతికరమైన సోమవారం మరియు పితృదేవతలకు విశిష్టమైన అమావాస్య కలిసొచ్చే పవిత్రమైన పుణ్యదినం.
ఈ రోజున పరమశివుని ఆరాధించడం, పితృదేవతలను స్మరించడం విశేష ఫలితాలను ఇస్తుందని శాస్త్రాలు చెబుతున్నాయి.
ఈ రోజు పవిత్ర నదులలో స్నానం చేయడం, శివకేశవులను పూజించడం, రావి చెట్టు చుట్టూ ప్రదక్షిణలు చేయడం, తర్పణం సమర్పించడం , దానధర్మాలు చేయడం ప్రత్యేక ప్రయోజనాలను చేకూరుస్తాయి.
ఈ రోజు గంగానదిలో లేదా ఇతర పవిత్ర నదులలో స్నానం చేయడం అత్యంత పుణ్యకార్యం. సూర్యోదయానికి ముందు స్నానం చేస్తే విష్ణుమూర్తి ఆశీస్సులు లభిస్తాయని నమ్ముతారు.
అమావాస్య రోజున పూర్వీకులు రావి చెట్టులో నివసిస్తారని నమ్ముతారు. ఈ రోజు రావి చెట్టును, విష్ణుమూర్తిని పూజిస్తే మీ కోరికలన్నీ నెరవేరుతాయి.
లక్ష్మీదేవి రావి చెట్టులో నివసిస్తుందని నమ్మకం కాబట్టి, ఆమె అనుగ్రహం పొందడానికి ఈ రోజున తీపి నీటితో కలిపిన పాలను సమర్పించండి.
సోమవారం అమావాస్య కలిసి వచ్చిన సోమవతి అమావాస్య రోజు శివుని పంచామృతాలతో, గంగాజలంతో, చెరుకు రసంతో అభిషేకిస్తే చికిత్సలకు లొంగని మొండి రోగాలు సైతం నయమవుతాయని విశ్వాసం.
No comments:
Post a Comment