పల్లవి :
ఆదిమూర్తి యితడు ప్రహ్లాదవరదుడు |
ఏదేశ జూచినా తానే ఈతడిదే దేవుడు ||
చరణములు
నవ్వుల మోముతోడ నరసింహరూపుతోడ |
జవ్వని తొడమీద సరసమాడ |
పువ్వుల దండలు ఇరుబుజాలపై వేసుకొని |
ఉవ్విళ్లూర కొలువై వున్నాడు దేవుడు||
శంకు చక్రములతోడ జమళి కోరల తోడ |
అంకెల కటి అభయహస్తాలెత్తి |
కంకణాల హారాలతో ఘనకిరీటము వెట్టి |
పొంకమైన ప్రతాపాన పొదలీని దేవుడు||
నానా దేవతలతోడ నారదాదుల తోడ |
గానములు వినుకొంటా గద్దెపై నుండి|
ఆనుక శ్రీవేంకటాద్రి నాహోబలము నందు|
తానకమై వరాలిచ్చి దాసులకు దేవుడు||
No comments:
Post a Comment