GANDHAMU PUYARUGA గంధము పుయ్యరుగా పన్నీరు

గంధము పుయ్యరుగా పన్నీరు

తాళం: ఆది  
రాగం: పున్నాగవరాళి( మేళకర్త 8, హనుమ తోడి  జన్యరాగ)
రూపకర్త: త్యాగరాజ

ఆరోహణ: ని2 స రి1 గ2 మ1 ప ద1 ని2
అవరోహణ: ని2 ద1 ప మ1 గ2 రి1 స ని2

పల్లవి:

గంధము పుయ్యరుగా పన్నీరు

గంధము పుయ్యరుగా

అను పల్లవి:

అందమయిన యదునందనుపై

కుందరదన లిరవొందగ పరిమళ ||గంధము||

తిలకము దిద్దరుగా కస్తూరి తిలకము దిద్దరుగా

కలకలమను ముఖకళగని సొక్కుచు

బలుకుల నమృతము లొలికెడు స్వామికి ||గంధము||

చేలము గట్టరుగా బంగారు చేలము గట్టరుగా

మాలిమితో గోపాలబాలులతో

నాల మేపిన విశాలనయనునికి ||గంధము||

హారతులెత్తరుగా ముత్యాల హారతులెత్తరుగా

నారీమణులకు వారము యౌవన

వారక యొసగెడు వారిజాక్షునికి ||గంధము||

పూజలు సేయరుగా మనసార పూజలు సేయరుగా

జాజులు మరి విరజాజులు దవనము

రాజిత త్యాగరాజ నుతునికి ||గంధము||