NIGAMA NIGAMAANTA VARNITA నిగమనిగమాంతవర్ణిత

 పల్లవి 

నిగమనిగమాంతవర్ణిత మనోహర రూప

నగరాజధరుడ శ్రీనారయణా ||

చరణములు 

దీపించు వైరాగ్యదివ్య సౌఖ్యం బియ్య

నోపకరా నన్ను నొడబరపుచు |

పైపైనె సంసారబంధముల గట్టేవు

నాపలుకు చెల్లునా నారాయణా ||

చికాకుపడిన నా చిత్తశాంతము సేయ

లేకకా నీవు బహులీల నన్ను |

కాకుసేసెదవు బహుకర్మల బడువారు

నాకొలదివారలా నారాయణా ||

వివివిధ నిర్బంధముల వెడలద్రోయక నన్ను

భవసాగరముల నడబడ జేతురా |

దివిజేంద్రవంద్య శ్రీ తిరువేంకటాద్రీశ

నవనీత చోర శ్రీనారాయణా ||