పల్లవి
కొలని దోపరికి గొబ్బిల్లో యదు
కుల స్వామికిని గొబ్బిల్లో ||
చరణములు
కొండ గొడుగుగా గోవుల గాచిన
కొండొక శిశువునకు గొబ్బిల్లో |
దండగంపు దైత్యుల కెల్లను తల
గుండు గండనికి గొబ్బిల్లో ||
పాప విధుల శిశుపాలుని తిట్టుల
కోపగానికిని గొబ్బిల్లో |
యేపున కంసుని యిడుమల బెట్టిన
గోప బాలునికి గొబ్బిల్లో ||
దండివైరులను తరిమిన దనుజుల
గుండె దిగులునకు గొబ్బిల్లో |
వెండిపైడి యగు వేంకట గిరిపై
కొండలయ్యకును గొబ్బిల్లో ||
No comments:
Post a Comment