ADIVO ALLADIVO SREEHARIVAASAMU అదివో అల్లదివో శ్రీహరివాసము

రాగం: మధ్యమావతి

పల్లవి 

అదివో అల్లదివో శ్రీహరివాసము

పదివేల శేషుల పడగలమయము॥

.

చరణములు

అదె వేంకటాచల మఖిలోన్నతము

అదివో బ్రహ్మాదుల కపురూపము

అదివో నిత్యనివాస మఖిలమునులకు

అదె చూడుడదె మ్రొక్కుడానందమయము॥

..

చెంగట నల్లదివో శేషాచలము

నింగి నున్నదేవతల నిజవాసము

ముంగిట నల్లదివో మూలనున్నధనము

బంగారు శిఖరాల బహు బ్రహ్మమయము॥

..

కైవల్యపదము వేంకటనగమదివో

శ్రీ వేంకటపతికి సిరులైనవి

భావింప సకలసంపదరూపమదివో

పావనములకెల్ల పావనమయము॥