అదిగో భద్రాద్రి
తాళం: ఆది
రాగం: వరాళి (మేళకర్త 39, జలవరాళి జన్యరాగ)
రూపకర్త: రామదాసు
ఆరోహణ: స గ1 రి1 గ1 మ2 ప ద1 ని3 స
అవరోహణ: స ని3 ద1 ప మ2 గ1 రి1 స
పల్లవి
అదిగో భద్రాద్రి గౌతమి ఇదిగో చూడండి.
చరణము
ముదముతో సీత ముదిత లక్ష్మణుడు
కదసి కొలువగా కలడదె రఘుపతి ॥ 1 ॥
చారు స్వర్ణ ప్రాకార గోపుర
ద్వారములతో సుందరమై యుండెడి ॥ 2 ॥
అనుపమానమై అతిసుందరమై
తనరు చక్రమది ధగ ధగ మెరిసెడి ॥ 3 ॥
కలియుగమందున నిల వైకుంఠము
నలరుచునున్నది నయముగ మ్రొక్కుడి ॥ 4 ॥
పొన్నల పొగడల పూపొద రిండ్లతొ
చెన్ను మీరగను చెలగుచునున్నది ॥ 5 ॥
శ్రీకరముగ శ్రీరామదాసుని
ప్రాకటముగ బ్రోచే ప్రభువాసము ॥ 6 ॥
No comments:
Post a Comment