అయ్యయ్యో నే నేరనైతి ఆదినారాయణుని తెలియనైతి
తాళం: త్రిపుట
రాగం: మేచబౌళి (మేళకర్త15, మాయా మాళవ గౌళ జన్యరాగ)
రూపకర్త: రామదాసు
ఆరోహణ: స రి1 గ3 ప ద1 స
అవరోహణ: స ని3 ద1 ప మ1 గ3 రి1 స
పల్లవి:
అయ్యయ్యో నే నేరనైతి ఆదినారాయణుని తెలియనైతి
అను పల్లవి:
వెయ్యారు జన్మాల వెత జెందితి గాని
చెయ్యన సద్గతి సాధింప లేనైతి
చరణము(లు):
మోస మేమని తలచియుండు దోస
వాసనల తగిలితేమందు ఆశా
పాశములను అరసి బ్రోచి ముందు
వాసిగ వైరాగ్య వాసన గననైతి ||1||
మూడు మేలని నమ్మియుంటి నిరు
మూడు శత్రుల కూడియుంటి మాటికి
రెంటి మార్చి శత్రు మూటికెక్కువైన
కూటస్థు పొగడ నేను కూడ లేనయితి ||2||
వదలించి బంధముల విడజేసిన భద్ర
గిరి రాఘవులతో నేను కలసి
సదయుడవైగని శ్రీరామదాసుని
స్థిరముగ పోషించుడని వేడనైతి ||3||
No comments:
Post a Comment