అబ్బబ్బా దెబ్బలకు నోర్వలేనురా
తాళం: ఆది
రాగం: అసావేరి (మేళకర్త 8, హనుమ తోడి జన్యరాగ)
రూపకర్త: రామదాసు
ఆరోహణ: స రి1 మ1 ప ద1 స
అవరోహణ: స ని2 స ప ద1 ప మ1 గ2 రి1 స
పల్లవి:
అబ్బబ్బా దెబ్బలకు నోర్వలేనురా
జబ్బుసేయకురా తబ్బిబ్బాయెనురా.
చరణము(లు):
అట్టె నిను పూజించినట్టి చేతులనిదిగో
కట్టె బెట్టి కొట్టిరెటు తాళుదునయ్య || 1 ||
రట్టుతీర్చీవేళ గట్టిగా నీవునను
జెట్టుబట్టి యేలుకో పట్టాభిరామ || 2 ||
శరణాగతత్రాణ బిరుదాంకుడవుగాద
శరధిబంధించిన శౌర్యమేమాయెరా || 3 ||
పరంధామ నీ పాదములాన వినరా
పరులకొక్క కాసు నే నివ్వలేదురా || 4 ||
భద్రాద్రి శ్రీరామ నీ నామమెపుడు
ప్రేమతో భజియించు రామదాసునేలు || 5 ||
No comments:
Post a Comment