అబ్బబ్బా రామనామం అత్యద్భుతము
తాళం: ఆది (చాపు)
రాగం: ధన్యాసి (మేళకర్త 8, తోడి జన్యరాగ)
రూపకర్త: రామదాసు
ఆరోహణ: స గ2 మ1 ప ని2 స
అవరోహణ: స ని2 ద1 ప మ1 గ2 రి1 స
పల్లవి:
అబ్బబ్బా రామనామం అత్యద్భుతము
గొబ్బున నే భాగ్యశాలికబ్బునో రామనామమది.
చరణము(లు):
సారములేని సంసారసాగరమీదే రామనామం
పారదోలు మున్నూటరువది భవరోగములన్నీ ||1||
చేరి పంచేంద్రియములన్ని చేరనియ్యదు రామనామం
ఘోరమైన యమదూతలకొట్టెడిది రామనామం ||2||
దినదినము జిహ్వకింపై దీయగనుండు రామనామం
ధనకనక వస్తువులు దయచేయు రామనామం ||3||
ముక్కంటిసతికి శాశ్వతకీర్తినిచ్చే రామనామం
ఎక్కువై వాల్మీకిఋషికి యెప్పుడనుష్ఠాననామం ||4||
కామక్రోధలోభ మోహగర్వంబణచు రామనామం
స్వామి భద్రగిరీశుని సద్గతి శ్రీరామనామం ||5||
నీమముతో బిలిచినను నిత్యమోక్ష పదవినామం
రామదాసునేలిన శ్రీరామచంద్రునినామం ||6||
No comments:
Post a Comment