పల్లవి
నల్లని మేని నగవు చూపుల వాడు |
తెల్లని కన్నుల దేవుడు ||
చరణములు
బిరుసైన దనుజుల పింఛమణచినట్టి |
తిరుపు కైదువ తోడి దేవుడు |
సరిపడ్డ జగమెల్ల చక్క ఛాయకు దెచ్చి |
తెరవు చూపినట్టి దేవుడు ||
నీటగలసినట్టి నిండిన చదువులు |
తేట పరచినట్టి దేవుడు |
పాటిమాలినట్టి ప్రాణుల దురితపు |
తీట రాసినట్టి దేవుడు ||
గురుతువెట్టగరాని గుణముల నెలకొన్న |
తిరువేంకటాద్రిపై దేవుడు |
తిరముగ ధృవునికి దివ్యపదంబిచ్చి |
తెరచి రాజన్నట్టి దేవుడు ||
No comments:
Post a Comment