అబ్బబ్బ దెబ్బలకు తాళలేరా
తాళం: ఆది
రాగం: అసావేరి (మేళకర్త 8, హనుమ తోడి జన్యరాగ)
రూపకర్త: రామదాసు
ఆరోహణ: స రి1 మ1 ప ద1 స
అవరోహణ: స ని2 స ప ద1 ప మ1 గ2 రి1 స
పల్లవి:
అబ్బబ్బ దెబ్బలకు తాళలేరా రామప్ప గొబ్బున నన్నేలుకోరా.
చరణము(లు):
మేలుచేయుదు నంటిగదరా మేలుచేసితినేమి భయమంటి గదరా
వరహాలు మొహరీలు జమజేస్తిగదరా నీ పరిచారకులకు నే పెట్టితిగదరా || 1 ||
పరులకొక్కరువ్వ యీయలేదుగదరా ఓ పరమాత్మ నీ పాదముల్‌ నమ్మితిరా
కొరడాలు తీసుక గొట్టిరిగదరా హరనుత గోవింద హరితాళలేరా || 2 ||
అంతటిలో నిన్ను నెరనమ్మినారా శరణాగత గోవింద హరితాళలేరా
శరధిబంధించిన శౌర్యమెక్కడరా రాక్షససంహార రక్షింపరారా || 3 ||
రామ భద్రాద్రిసీతారామ రామా నీనామమెప్పుడు భజియించితిగదరా
రామదాసుని నిటుల చేయించితేరా || 4 ||
No comments:
Post a Comment