పల్లవి
నిముషమెడతెగక హరి నిన్ను తలచి |
మమత నీ మీదనే మరపి బ్రతుకుటగాక ||
చరణములు
నిదురచే కొన్నాల్లు నేరముల కొన్నాల్లు
ముదిమిచే కొన్నాల్లు మోసపోయి |
కదిసి కోరినను గతకాలంబు వచ్చునే
మది మదినె యుండి ఏమరక బతుకుట గాక ||
కడు తనయులకు కొంత కాంతలకు నొక కొంత
వెడయాసలకు కొంత వెట్టిసేసి |
అడరి కావలెననిన అందు సుఖమున్నదా
చెడక నీ సేవలే సేసి బతుకుటగాక ||
ధనము వెంట తగిలి ధాన్యంబునకు తగిలి
తనవారి తగిలి కాతరుడైనను |
కను కలిగి శ్రీ వేంకటనాథ కాతువే
కొనసాగి నిన్నునే కొలిచి బతుకుటగాక ||
No comments:
Post a Comment