Purvashadha Nakshatra - పూర్వాషాఢ నక్షత్రము

పూర్వాషాఢ నక్షత్రము

నక్షత్రం - పూర్వాషాఢ
అధిపతి - శుక్రుడు
గణము - మానవ
జాతి - స్త్రీ
వృక్షం - నెమ్మి
జంతువు - వానరము
నాడి - మధ్య
పక్షి - మయూరము
అధిదేవత - గంగ
రాశి - ధనసు

పూర్వాషాఢ నక్షత్ర జాతకుల గుణగణాలు:
నక్షత్రములలో పూర్వాషాఢ నక్షత్రం 20వ నక్షత్రము. ఈ నక్షత్రము శాంతి నక్షత్రం. 1,2,4 వ పాదములో జననం (స్వల్ప దోషం) సామాన్య శాంతి చాలు. 3వ పాదంలో పుత్ర జననం తండ్రికి, పుత్రిక జననం తల్లికి దోషము. ఇందుకై హోమ శాంతి, రుద్రాభిషేకం, నక్షత్ర జపం, దానములు చేయవలెను.

పూర్వాషాఢ నక్షత్రముకు అధిపతి శుక్రుడు, అధి దేవత గంగ, మనుష్య గణం, జంతువు వానరం, రాశి అధిపతి గురువు. ఈ నక్షత్ర జాతకులు విలాసవంతమైన జీవితాన్ని కోరుకుని సాధిస్తారు. పూర్వీకుల ఆస్తులలో కొంత భాగం మిగులుతుంది.

చాకచక్యం, కొంటెతనం వీరి స్వంతం. బాల్యజీవితం సుఖవంతము. వివాహ జీవితం సాధారణం. పుట్టిన ప్రాంతానికి దూరంగా రాణిస్తారు. నాయకత్వ లక్షణాలు ఉంటాయి. జీవితంలో అనుభవాలను చూసి పాఠాలు నేర్చుకుంటారు.

స్నేహితుల సహాయ సహకారాలతో ఉన్నత స్థాయి సాధిస్తారు. స్నేహితులతో కలసి జీవితంలో విజయాలు సాధిస్తారు. విద్యా, వ్యాపార, రాజకీయ రంగాలలో ఖ్యాతి రాణింపు లభిస్తుంది. వీరి ఓర్పుకు సహనానికి పరీక్షలు ఎదురౌతాయి.

ఏ రంగంలోనైనా ఓటమిని అంగీకరించరు. సహోదరీ వర్గం అన్ని విధాలా సహకరిస్తారు. ఆధ్యాత్మిక జీవితం మీద ఆసక్తి సదభిప్రాయం ఉంటుంది. దైవభీతి ఉంటుంది. విదేశీయానం కలుగుతుంది. విదేశీ వ్యాపారము, వ్యవహారము లాభిస్తాయి.

పూర్వాషాఢ నక్షత్ర జాతకులు సంతానము మీద ఎవ్వరి నీడ పడకుండా కాపాడతారు. వ్యక్తిగతమైన వృత్తి సంబంధిత వ్యవహారాల నీడలు కుటుంబం మీద పడకుండా జాగ్రత్త వహిస్తారు. కుటుంబ జీవితానికి సామాజిక జీవితానికి మధ్య గోడను నిర్మించి జీవించడం మంచికి దారి తీస్తుంది.

పూర్వాషాఢ నక్షత్ర జాతకుల ప్రవర్తన వినయ పూర్వకమైనది మరియు దైవీకమైనది. చాలా తార్కికంగా ఉంటారు మరియు విశ్వాసాలపై ఎంతో బలంగా ఉంటారు. చక్కటి రచనా లక్షణాలు వీరిలో ఉంటాయి.

ఏదైనా చేయాలని నిర్ణయించుకున్న తరువాత, కేవలం దానినే చేయడం అనేది వీరి యొక్క ఒక ప్రత్యేక లక్షణం. వెంటనే నిర్ణయాలు తీసుకునే లక్షణం ఉంటుంది, మాటల్లో వీరిని ఎవరూ జయించలేరు. కేవలం వీరిలో ఉన్న ఈ లక్షణం వల్ల ప్రజలు వీరిని అమితంగా ఇష్టపడతారు. వీరికి అద్భుతమైన ఆత్మవిశ్వాసం ఉంటుంది. ఎన్నటికీ విడిచిపెట్టాలనే స్వభావం లేని వారు వీరు. అలాగే చాలా కఠినమైన పరిస్థితుల్లోనూ, అద్భుతమైన సహనాన్ని కలిగి ఉంటారు.

ప్రతిష్టాత్మకంగా ఉంటారు మరియు ఎల్లప్పుడూ ప్రమాదాలను ఎదుర్కొనడానికి సిద్ధంగా ఉంటారు. సహనం మరియు విశ్వాసంతో సరైన సమయం కొరకు ఎదురుచూస్తారు. అడ్డంకుల వల్ల వీరు ఎన్నడూ ఒత్తిడికి గురికారు. చక్కటి విద్య ఉంటుంది మరియు వైద్యరంగంలో వీరు ప్రత్యేక విజయాన్ని సాధిస్తారు.

వ్యాపారంలో విజయం సాధిస్తారు, అయితే, ఉద్యోగులు నిజాయితీగాను మరియు విశ్వసించేవిధంగా ఉండాలి. హృదయంలో అందరి పట్ల ప్రేమాభిమానాలుంటాయి. వీరి వ్యక్తిత్వంలోని ఈ లక్షణం వల్ల, సమాజంలో తగిన గౌరవ మర్యాదలను పొందుతారు.

పూర్వాషాఢ నక్షత్ర జాతకులు ఎల్లప్పుడూ సంతోషంగా ఉండటానికి ప్రయత్నిస్తారు. సహజంగా వినయంగాను మరియు వివిధరకాల కళలు మరియు యాక్టింగ్ పట్ల ఆసక్తిని కలిగి ఉంటారు.

సాహిత్యంలో అపారమైన అనుభవం ఉంటుంది, అంటే వాటి గురించి వీరికి చక్కటి విషయావగాహన ఉంటుంది. వీరు నిజాయితీగా ప్రవర్తిస్తారు మరియు చక్కటి హృదయాన్ని కలిగి ఉంటారు. వీరు స్నేహాలను జీవితకాలం కొనసాగిస్తారు కనుక, వీరిని ఆదర్శవంతుడైన స్నేహితుడిగా పేర్కొనవచ్చు.

వీరికి చక్కటి విద్య ఉంటుంది మరియు వ్యక్తిత్వం చక్కటి ఆకర్షణను కలిగి ఉంటుంది. వీరు పూర్తి శక్తి మరియు ఉత్సాహంతో ఉంటారు. ప్రతికూల పరిస్థితులలో, ఎన్నడూ వెనక్కి తిరగరు. అబద్దాలు చెప్పడాన్ని తీవ్రంగా ద్వేషిస్తారు, ఎల్లప్పుడూ సత్యంగా ఉండటాన్ని మరియు ప్రతిదీ కూడా స్పష్టంగా ఉండటానికి ఇష్టపడతారు. ఆరోగ్యం విషయానికి వస్తే, వీరు దాని గురించి చక్కటి శ్రద్ధ వహించాలి.

పూర్వాషాఢ నక్షత్రం మొదటి పాదము
పూర్వాషాఢ నక్షత్ర అధిపతి శుక్రుడు. ఈ నక్షత్ర జాతకుల మీద సూర్య, శుక్ర గ్రహ ప్రభావం ఉంటుంది. వీరు మానవ గణ ప్రధానులు కాబట్టి వీరికి సమయానుకూలంగా వ్యవహరించే నేర్పు ఉంటుంది. వీరికి అతిశయభావం, నిర్వహణ సామర్థ్యం ఉంటుంది. కళాత్మకమైన వృత్తులు, వ్యాపారం, ఉద్యోగాలు వీరికి అనుకూలిస్తాయి.

ఈ జాతకులు చిన్న వయసు నుంచే కళాత్మక రంగంలో ప్రతిభా పాటవాలు చూపిస్తారు. విద్య ఆరంభం నుంచి బాగా సాగుతుంది. శుక్రదశ కారణంగా విలాసాలు అంటే ఆసక్తి ఉంటుంది. అయితే పట్టుదలతో మనసును విద్య వైపు మళ్ళించాలి.

18 సంవత్సరాల వరకు వీరికి శుక్ర దశ ఉంటుంది. 41 సంవత్సరాల వరకు జీవితం సాఫీగా సాగుతుంది. తరువాత వచ్చే 18 సంవత్సరాల రాహుదశ కారణంగా జీవితంలో కొన్ని సమస్యలు ఎదురవుతాయి. రాహు దశ అనుకూలిస్తే విదేశీ పర్యటనలు అనుకూలిస్తాయి. 59 సంవత్సరాల తరువాత వచ్చే 16 సంవత్సరాల గురు దశ కాలంలో సంపద సంపాదనలో అభివృద్ధి ఉంటుంది. వృద్ధాప్యం సాఫీగా, ప్రశాంతంగా సాగుతుంది.

పూర్వాషాఢ నక్షత్రం రెండవ పాదము
పూర్వాషాఢ నక్షత్ర రెండవ పాద జాతకుల మీద శుక్ర, బుధ గ్రహ ప్రభావం ఉంటుంది. వీరు బుద్ధి కుశలత కలిగి ప్రవర్తిస్తారు. ఈ జాతకులు మానవగణ ప్రధానులు కనుక వీరికి సమయానుకూలంగా వ్యవహరించగల నేర్పు ఉంటుంది. అంతేకాదు కళాత్మక వస్తువుల మీద ఆసక్తి అధికం.

చిన్న వయసు నుంచే కళాత్మక రంగంలో ప్రకాశించగలుగుతారు. పర్యాటక ప్రదేశాలలో వీరికి ఉద్యోగావకాశాలు అనుకూలిస్తాయి. భూ సంబంధిత, కళా సంబంధిత వృత్తులు, ఉద్యోగాలు, వ్యాపారాలు వీరికి అనుకూలిస్తాయి. విద్య ఆరంభం నుంచే బాగా సాగుతుంది. శుక్ర దశ కారణంగా విలాసాల మీద ఆసక్తి ఉంటుంది. పట్టుదలతో మనసును విద్య వైపు మళ్ళించి విజయం సాధించాలి.

14 సంవత్సరాల వరకు వీరికి శుక్ర దశ ఉంటుంది. అప్పటి వరకు సుఖంగా సాగే జీవితంలో తరువాత కొంత సౌఖ్యం తగ్గినా 37 సంవత్సరాల వరకు జీవితం సాఫీగా సాగుతుంది. తరువాత వచ్చే 18 సంవత్సరాల రాహుదశ కారణంగా జీవితంలో అనుకోని కొన్ని సమస్యలు ఎదురవుతాయి. ఇక రాహుదశ అనుకూలిస్తే విదేశీ పర్యటనలు అనుకూలిస్తాయి. 55 సంవత్సరాల తరువాత వచ్చే 16 సంవత్సరాల గురుదశ కాలంలో సంపాదనలో అభివృద్ధి ఉంటుంది. వృద్ధాప్యం సాఫీగా సాగుతుంది.

పూర్వాషాఢ నక్షత్రం మూడవ పాదము
పూర్వాషాఢ నక్షత్రము మూడవ పాదములో జన్మించిన వారికి సమయానుకూలంగా వ్యవహరించే నేర్పు ఉంటుంది. అంతేకాదు వీరి మీద పరిపూర్ణంగా శుక్రుడి ప్రభావం ఉంటుంది కనుక వీరు కళా రంగంలో విశేషంగా ప్రకాశిస్తారు. పరిశుభ్రమైన వాతావరణం అంటే ఇష్టపడతారు. అటువంటి చోటే నివసిస్తారు. పర్యాటక ప్రదేశాలలో, విహార ప్రదేశాలలో, విలాస ప్రదేశాలలో వృత్తులు, ఉద్యోగాలు, వ్యాపారాలు వీరికి అనుకూలం.

ఈ జాతకులు చిన్న వయసులోనే కళారంగంలో ప్రకాశిస్తారు. విద్య ఆరంభం నుంచి బాగా అబ్బుతుంది. శుక్ర దశ కారణంగా విలాసాల మీద అధిక ఆసక్తి. కాబట్టి పట్టుదలతో మనసును విద్య వైపు మళ్ళించి విజయం సాధించాలి. 9 సంవత్సరాల వరకు వీరికి శుక్ర దశ ఉంటుంది. అప్పటి వరకు ప్రశాంతంగా సాగే జీవితంలో తరువాత కొంత సౌఖ్యం తగ్గినా 32 సంవత్సరాల వరకు జీవితం సాఫీగా సాగుతుంది. సకాలంలోనే స్థిరపడతారు. సకాలంలోనే వివాహం కూడా జరుగుతుంది.

తరువాత వచ్చే 18 సంవత్సరాల రాహు దశ కారణంగా జీవితంలో కొన్ని అనుకోని అవంతరాలు ఏర్పడతాయి. రాహు దశ అనుకూలిస్తే విదేశీ పర్యటనలు అనుకూలిస్తాయి. 50 సంవత్సరాల తరువాత వచ్చే 16 సంవత్సరాల గురు దశ కాలంలో సంపాదనలో అభివృద్ధి ఉంటుంది. 66 సంవత్సరాల కాలంలో 19 సంవత్సరాల శని దశ కాలంలో అనుకోని ఖర్చులు ఉంటాయి. వృద్ధాప్యం సాఫీగా సాగుతుంది.

పూర్వాషాఢ నక్షత్రం నాలుగవ పాదము
పూర్వాషాఢ నక్షత్రము నాల్గవ పాదము నందు జన్మించిన జాతకులకు సమయానుకూలంగా వ్యవహరించే నేర్పు స్వభావరీత్య ఉంటుంది. వీరు ప్రతి విషయాన్ని హృదయపూర్వకంగా స్వీకరిస్తారు. అయినా కూడా తమ భావాల మీద నియంత్రత కలిగి ఉంటారు. ఈ జాతకులకు భూ సంబంధిత, కళా సంబంధిత, పర్యాటక సంబంధిత, జలసంబంధిత వృత్తులు, ఉద్యోగాలు, వ్యాపారాలు అనుకూలిస్తాయి.

ఈ జాతకులు బాల్యం నుంచే కళారంగంలో ప్రకాశిస్తారు. విద్య ఆరంభం నుంచే బాగా సాగుతుంది. శుక్ర దశ కారణంగా విలాసాల మీద ఆసక్తి అధికంగా ఉంటుంది. కాబట్టి పట్టుదలతో మనసును విద్య వైపు మళ్ళించాలి. 5 సంవత్సరాల వరకు వీరికి శుక్ర దశ ఉంటుంది. అప్పటి వరకు సౌఖ్యంగా సాగే జీవితంలో తరువాత కొంత సౌఖ్యం తగ్గినా 27 సంవత్సరాల వరకు జీవితం సాఫీగా సాగుతుంది.

తరువాత వచ్చే 18 సంవత్సరాల రాహుదశ కారణంగా జీవితంలో కొన్ని సమస్యలు ఎదురవుతాయి. రాహు దశ అనుకూలిస్తే విదేశీ పర్యటనలు అనుకూలిస్తాయి. 45 సంవత్సరాల తరువాత వచ్చే 16 సంవత్సరాల గురు దశ కాలంలో సంపాదనలో అభివృద్ధి ఉంటుంది. 61 సంవత్సరాల కాలంలో 19 సంవత్సరాల శని దశ కాలంలో అనుకోని ఖర్చులు ఉంటాయి. మిగిలిన జీవితం వృద్ధాప్య దశ సాఫీగా సాగుతుంది.

పూర్వాషాఢ నక్షత్ర జాతకులు పెంచవలసిన వృక్షము:
పూర్వాషాడ నక్షత్రం వారు అశోక చెట్టును పెంచడం, పూజించడం ఎంతో శుభప్రదం. ఈ చెట్లను నాటి సంరక్షించడం వల్ల జాతకంలో శుక్ర గ్రహం యొక్క అనుకూలత పెరిగి, మానసిక ప్రశాంతత, ఆరోగ్యం, అదృష్టం చేకూరుతాయని నమ్ముతారు.

పూర్వాషాఢ నక్షత్ర జాతకుల తారా ఫలాలు:

తార నామం - తారలు - ఫలం

జన్మ తార - భరణి, పూర్వ ఫల్గుణి, పూర్వాషాఢ - శరీరశ్రమ

సంపత్తార - కృత్తిక, ఉత్తర ఫల్గుణి, ఉత్తరాషాఢ - ధన లాభం

విపత్తార - రోహిణి, హస్త, శ్రవణం - కార్యహాని

సంపత్తార - మృగశిర, చిత్త, ధనిష్ట - క్షేమం

ప్రత్యక్ తార - ఆర్ద్ర, స్వాతి, శతభిష - ప్రయత్న భంగం

సాధన తార - పునర్వసు, విశాఖ, పూర్వాభాద్ర - కార్య సిద్ధి, శుభం

నైత్య తార - పుష్యమి, అనురాధ, ఉత్తరాభాద్ర - బంధనం

మిత్ర తార - ఆశ్లేష, జ్యేష్ట, రేవతి - సుఖం

అతిమిత్ర తార - అశ్విని, మఖ, మూల - సుఖం, లాభం

నక్షత్ర శాంతి: ఏనుగులకు అరటిపళ్ళు తినిపించడానికి మావటి వాళ్లకు ఇచ్చి దగ్గర ఉండి తినిపించాలి.

నక్షత్ర మంత్రం:

।। ఓం ।।
యా దివ్యా ఆపః పయసా సంబభూవుః ।
యా అంతరిక్ష ఉత పార్థివీర్యాః ।
యాసామషాఢా అనుయంతి కామమ్” ।
తా న ఆపః శగ్గ్ స్యోనా భవంతు ।
యాశ్చ కూప్యా యాశ్చ నాద్యా" స్సముద్రియాః ।
యాశ్చ' వైశంతీరుత ప్రాసచీర్యాః ।
యాసా'మషాఢా మధు భక్షయంతి ।
తా నఆపః శగ్గ్ స్యోనా భ వంతు ॥

నక్షత్ర గాయత్రి

ఓం సముద్ర కామాయై విద్మహే

మహాబీజితాయై ధీమహి 

తన్నో పూర్వాషాఢా ప్రచోదయాత్

దర్శించవలసిన ఆలయములు

మొదటి పాదం – అంగరలో వేంచేసి ఉన్న శ్రీ పార్వతీ సమేత శ్రీ కనక లింగేశ్వర స్వామి.
రెండవ పాదం – కోరుమిళ్ళలో వేంచేసి ఉన్న శ్రీ రాజరాజేశ్వరీ సమేతశ్రీ సోమేశ్వర స్వామి.
మూడవ పాదం – కుళ్ళలో వేంచేసి ఉన్న శ్రీ పార్వతీ సమేత శ్రీ సోమేశ్వర స్వామి.
నాలుగవ పాదం – వాకతిప్పలో వేంచేసి ఉన్న శ్రీ ఉమాసమేత రామ లింగేశ్వర స్వామి.

జ్యోతిషశాస్త్రము

నిత్య స్తోత్రావళి

నిత్య పారాయణ శ్లోకాలు

స్తోత్రాలు

పంచాంగం