“చల్లచిత్తనోము నోచవేతల్లీ !
వెల్లయాపులపాడి చేయవే తల్లీ !
ఇల్లుపాలనేత్ర పలుకవేతల్లీ !
ఎల్లసొమ్ములు నీవు తాల్పవేతల్లీ !
చల్లనికడుపుతో సాగవే తల్లీ !
కొల్లయిగ సౌభాగ్యమేలవే తల్లీ !
ఈ పాటా పాడుకొని అక్షతలు వేసికొనవలయును. చల్లగిలకొట్టునప్పుడు చల్లకుండకు చుట్టును చిలికే చల్లచినుకులు పసుపుతోకలిపి ఒక ఎడాది ప్రతిదినము అయిదుగురు ముత్తయిదువులకు బొట్టు పెట్టు చుండవలెను. ఇది చిట్టిబొట్టు నోముతో కలిపి పట్టెదరు.
ఉద్యాపనము: పాడిగలరోజులలో ఒకనాడు చేసినచల్ల ఆనాటి వెన్నముద్దతో గూడ కుంభపాళముగా ఒక ముత్తయిదువకు వాయన మీయవలయును. దక్షణ తాంబూలము లీయవలయును.
No comments:
Post a Comment