ఏదైనా శుభకార్యం తలపెట్టే సమయాల్లో మంచి రోజు చూసుకునే పద్ధతి ఆనవాయితీగా వస్తోంది. మనం ఎంచుకునే రోజులో ఏ సమయం బాగుంటుందని పురోహితుల సూచన మేరకు ఏ కార్యాన్నైనా ప్రారంభించడం అలవాటు. ఎందుకంటే? తలపెట్టిన కార్యం విజయవంతంగా పూర్తి కావాలని అందరూ కోరుకుంటారు. అయితే మంగళవారం ఎలాంటి పనులను మొదలుపెట్టడం అంత మంచిది కాదని పెద్దలు అంటున్నారు. పెళ్లి, వ్యాపారం ప్రారంభించడం, గృహప్రవేశం చేయడం వంటి శుభకార్యాలను మంగళవారం చేయకూడదని వారు చెబుతున్నారు.
హనుమంతుడి ఆరాధన వలన కార్యసిద్ధి కలుగుతుందనీ, అనారోగ్యాలు దూరమవుతాయని ఆధ్యాత్మిక గ్రంధాలు చెబుతున్నాయి. హిందూ మతంలో హనుమాన్ చాలీసాకి ప్రత్యేక స్థానం ఉంది.
హనుమాన్ చాలీసా పఠనం వల్ల, హనుమంతుడ్ని మెప్పించి ఆయన దీవెనలు పొందవచ్చని అంటారు. హనుమాన్ చాలీసా చదవటం వల్ల శనిప్రభావం కూడా పోతుంది.
శాస్త్రం ప్రకారం మంగళవారం చాలా మంచి రోజు శుభప్రదమైన మంగళప్రదమైన వారం. ఆంజనేయ స్వామికి, అమ్మవారు దేవతలకి అత్యంత ప్రీతికరమైన వారం ఈ మంగళవారం. అందుకే ఆలయాలలో మంగళవారం నాడు భక్తుల రద్దీ ఎక్కువగా ఉంటుంది.
మంగళవారం మారు కోరుతుంది. మారు జరుగుతుంది అంటారు. సౌభాగ్యానికి ప్రతీకగా నిలిచిన ఏదైనా కొంటే చీరలు, నగలు, అలంకరణ సామగ్రి వంటివి.. ఆ తరువాత కూడా మరోమారు ప్రాప్తిస్తాయి అని విశ్వసిస్తారు కొందరు. మంగళవారం మారు కోరుతుంది కాబట్టి మంగళవారం రోజు అప్పులు తీసుకోకూడదు అని చెబుతుంటారు.
మంచి మనసుతో మంచి పని ఎప్పుడైనా ఏ వారం నాడైనా చేయవచ్చు. మంగళవారం మంచిదికాదని ఏ గురువు చెప్పలేదు.. ఏ పురాణం లోనూ లేదు. కొన్ని విదేశాల్లో ముఖ్యమైన పనులు మంగళవారమే మొదలుపెడతారు.
మంగళవారం ఈ వస్తువులను కొంటే లక్ష్మీదేవి కటాక్షం కలుగుతుంది:
మంగళవారం రోజున లక్ష్మీదేవిని (అమ్మవారిని) ప్రసన్నం చేసుకోవడానికి పసుపు, కుంకుమ, కమలపువ్వులు, తామర గింజలు, లేదా లక్ష్మీదేవి ప్రతిమను కొనుగోలు చేయడం చాలా మంచిది.
తామర పువ్వులు లేదా గింజలు: లక్ష్మీదేవికి తామర పువ్వులంటే అత్యంత ఇష్టం. కమలపువ్వులను లేదా తామర గింజలతో చేసిన మాలను పూజలో ఉపయోగించడం మరియు కొనుగోలు చేయడం వల్ల లక్ష్మీ కటాక్షం లభిస్తుందని నమ్ముతారు.
పసుపు కొమ్ములు & కుంకుమ: ఇవి శుభప్రదానికి ప్రతీకలు. మంగళవారం రోజున అమ్మవారి పూజ కోసం పసుపు కొమ్ములు, కుంకుమ కొనుగోలు చేసి పూజా మందిరంలో ఉంచడం శ్రేయస్కరం.
లక్ష్మీదేవి ఫొటో లేదా విగ్రహం: లక్ష్మీదేవి అనుగ్రహం కోసం నిలబడి ఉన్న రూపం కంటే, పద్మంపై కూర్చుని ఉన్న లక్ష్మీదేవి ప్రతిమను కొని పూజించడం చాలా మంచిది.
గోమతీ చక్రాలు : వీటిని లక్ష్మీదేవి స్వరూపంగా భావిస్తారు. మంగళవారం లేదా శుక్రవారం పూజా సమయంలో అమ్మవారి ముందు గోమతీ చక్రాలు ఉంచి పూజించడం వల్ల ఆర్థిక ఇబ్బందులు తొలగిపోతాయి.
అలాగే ఇంకా ఏమి చెయ్యకూడదో చూద్దాం :
మంగళవారం రోజున కొత్త బట్టలను కొనకూడదు. ఈరోజున కొత్త బట్టలను ధరించకూడదు. ఒకవేళ కొత్త బట్టలు ధరిస్తే కుజ గ్రహ ప్రభావం వల్ల అవి పాడయ్యే అవకాశం ఎక్కువగా ఉంటుంది. అంతేకాకుండా ఈరోజు ధరించిన కొత్త బట్టలు ఎక్కువ రోజులు మన్నిక రావు. శుక్రవారం కొత్త బట్టలను కొనుగోలు చేయడం లేదా ధరించడం పవిత్రంగా భావిస్తారు.
మంగళవారం పొరపాటున కూడా కటింగ్, షేవింగ్ చేయడం, గోర్లు కత్తిరించడం వంటి పనులు చేయకూడదు. ఎందుకంటే ఈరోజున ఈ పనులు చేయడం వల్ల ఆయుషు తగ్గిపోతుందని నమ్ముతారు. అంతేకాకుండా సమాజంలో గౌరవ మర్యాదలు కూడా తగ్గుతాయి. శాస్త్రాల ప్రకారం మంగళవారం అనేక పనులు నిషిద్ధం. అంతేకాకుండా అపవాదుగా భావిస్తారు. అయితే దుర్గాదేవి, మహాలక్ష్మీ అమ్మవార్లకు ప్రత్యేక పూజలు నిర్వహించొచ్చు.
శని దేవుడికి మంగళవారంతో సంబంధం ఉన్న కారణంగా కొత్త బట్టలతో పాటు కొత్త బూట్లను ధరించకూడదు. ఆర్థిక పరంగా కొంత నష్టం ఉండొచ్చు. అంతేకాకుండా మీ ఇంట్లో ఆరోగ్య సమస్యలు ఉత్పన్నమయ్యే అవకాశముంది.
గమనిక: ఇంట్లో లక్ష్మీదేవి అనుగ్రహం ఎప్పుడూ నిలిచి ఉండాలంటే, రోజు ఇల్లు పరిశుభ్రంగా ఉంచుకోవడం, పెద్దలను/స్త్రీలను గౌరవించడం, మరియు తోటివారికి దానధర్మాలు చేయడం అత్యంత ముఖ్యమని పండితులు చెబుతున్నారు.
నిత్య స్తోత్రావళి
నిత్య పారాయణ శ్లోకాలు
స్తోత్రాలు
పంచాంగం
