Hanuman Mandala Initiation Rules - హనుమాన్ మండల దీక్ష – నియమములు

హనుమాన్ మండల దీక్ష – నియమములు

దీక్షను హనుమాన్ మందిరంలో అర్చక స్వాముల సమక్షంలో స్వీకరించి 41 రోజుల పాటు కలశ ఆరాధన చేసి కఠినమైన మండలదీక్ష ను ప్రారంభించాలి. బ్రహ్మచర్యం, సాత్వికాహారం, నిత్య హనుమాన్ చాలీసా పారాయణం, కాషాయ వస్త్రధారణ, మరియు గుడిలో ప్రదక్షిణలు చేయడం ఈ దీక్షా నియమాలలో ముఖ్యాంశాలు. భక్తులు చెప్పులు ధరించకుండా, దురుసు మాటలకు దూరంగా ఉంటూ, ఉదయం-సాయంత్రం స్నానాచరణతో హనుమంతుని స్మరిస్తూ దీక్షను పూర్తి చేయాలి

సాయంత్రం సూర్యుడు అస్తమించిన తరువాత రాత్రి పూట పూజను నిర్వహించాలి. అనంతరం దీక్షా స్వాములు వారి వారి ఇండ్లలో పీఠపూజను చేసుకొని భజన కార్యక్రమాన్ని నిర్వహించాలి .

హనుమాన్ దీక్షలో చాల కఠినమైన నిబంధనలు ఉండడంతో ఒక్కసారి మండలదీక్షను స్వీకరించిన స్వాముల్లో తప్పకుండా మార్పు వస్తుంది. ఆ మార్పే నిత్య జీవితంలో ఉపయోగపడుతుంది.

హనుమాన్ దీక్ష వహించిన భక్తులు భక్తితో పూజ, పీఠానికి హారతి, సన్నిదానంలో నిద్రించుట, ప్రతి నిత్యం మందిర దర్శనం, మాటిమాటికి హనుమంతుని నామస్మరణం రామనామ స్మరణం చేయటం, దీని ద్వార ప్రతీ ఇంట్లో సుఖ శాంతులు ఏర్పడడం చెప్పుకొదగ్గ విషయం. దీనిని నిత్య జీవితంలో పాటిస్తే కుటుంబాలు బాగా ఉంటాయని మనిషి జీవితంలో పురోగతి ఉంటుందని నమ్మకం.

అంతేకాక రోగనివారణకు, శత్రునాశనముకు, ఆత్మస్థైర్యమునకు హనుమాన్ దీక్ష ఎంతగానో దోహదపడుతుంది.

దీక్ష విరమణ అయినంత వరకు కల్షంలోని కొబ్బరిని తీసుకొని గుమ్మానికి కట్టుతారు. పీఠం మీద ఉన్న బియ్యాన్ని వండుకొని అన్నప్రసాదంగా స్వీకరిస్తారు

హనుమాన్ మండల దీక్షా నియమాలు - విధివిధానాలు:
దీక్షా కాలం: సాధారణంగా 41 రోజులు (మండల దీక్ష) లేదా 21, 11, 5 రోజుల పాటు దీక్ష చేస్తారు.

దీక్షా స్వీకరణ: గురుస్వామి సమక్షంలో లేదా హనుమాన్ ఆలయంలో, చైత్ర పౌర్ణమి (హనుమజ్జయంతి) వంటి పవిత్ర దినాలలో మాలాధారణ చేస్తారు.

దుస్తులు: కాషాయ వస్త్రాలను మాత్రమే ధరించాలి.

ఆహార నియమాలు: శాకాహారం (సాత్వికాహారం) మాత్రమే తీసుకోవాలి. ఉల్లి, వెల్లుల్లి, మాంసాహారం, మద్యపానానికి దూరంగా ఉండాలి.

నిత్య ఆచరణ:ఉదయాన్నే (బ్రహ్మ ముహూర్తంలో) స్నానం చేసి, కాషాయ వస్త్రాలు ధరించాలి.
రోజూ హనుమాన్ ఆలయాన్ని సందర్శించి, కనీసం 40 లేదా 108 ప్రదక్షిణలు (ప్రదక్షిణలు) చేయాలి.

హనుమాన్ చాలీసా, సుందరకాండ పారాయణం ప్రతిరోజూ 5 లేదా అంతకంటే ఎక్కువ సార్లు చదవాలి.

నుదుట సింధూరం ధరించాలి.

దీక్షా నిష్ఠ:

బ్రహ్మచర్యం కచ్చితంగా పాటించాలి.

నేలపై పడుకోవాలి (భూశయనం).

పాదరక్షలు (చెప్పులు) ధరించకూడదు.

క్షౌర కర్మ (కటింగ్, షేవింగ్) చేయించుకోకూడదు.

మగవారిని 'స్వామి' అని, ఆడవారిని 'అమ్మ' అని పిలవాలి.

దీక్షా విరమణ (ఇరుముడి): 41వ రోజున హనుమాన్ ఆలయంలో అభిషేకం, వడమాల సమర్పణ చేసి, గురుస్వామి చేతుల మీదుగా మాల విరమణ (తీసివేయడం) చేస్తారు.

ఈ కఠినమైన నియమాలను పాటిస్తూ చేసే హనుమాన్ దీక్ష వల్ల శారీరక, మానసిక రుగ్మతలు తొలగి, ఆత్మవిశ్వాసం, విజయం కలుగుతాయని నమ్ముతారు.

హనుమాన్

విష్ణు

శ్రీరామ

శ్రీకృష్ణ

శ్రీ వెంకటేశ్వర

నిత్య స్తోత్రావళి

పంచాంగం